1. AEK. EUSKARA PRAKTIKOA
Beste ikasturte bati ekingo diogu eta ziur gaude Oarsoaldeko AEKn eta ziur gaude
aurrekoak bezain arrakastatsua izango dela, edo are arrakastatsuagoa.
Euskara praktikoa izan da aurtengo matrikulazio-kanpainarako AEK-k aukeratu duen
leloa, Bilboko aurkezpenean Amets Arzallusek zioen moduan, praktikoena euskaraz pentsatzen
eta euskara erabiltzen ikastea delako eta horixe delako gure helburua AEKn.
Gurea praktikoena dela adierazteko, 4 ideia azpimarratu nahi genituzke:
1. AEK zauden tokian dago: Oarsoaldeko euskaltegi-sare zabalena gurea da eta, nola ez,
baita Euskal Herri osokoa ere. Horrek ahalbidetzen digu eskaintzarik zabalena
gauzatzen, eta ezinezkoa bazaigu euskategiren batean norbaiten beharrak asetzea, ziru
ondoko euskaltegian egin ahal izango dugula.
2. Edozeinen neurrirako eskaintza gauzatzen dugu: modulazioak, ordutegiak, ikastaro
eskaintza... edonoren beharretara egokitzen saiatzen gara. Horrexegatik, gure
euskaltegiak goizeko 08:00etatik gaueko 22:00etara daude irekiak. Ikastaro mota ahalik
eta zabalenari aurre egiten saiatzen gara: ikastaro arruntak, azterketak prestatzekoak,
guraso-taldeak, autoikaskuntza, merkatari-taldeak, etorri berriei zuzendutako
ikastaroak, behar jakinetara zuzendutako ikastaroak... Gure katalogoa ezin zabalagoa
da.
3. Aski azaldua dago gurekin euskara ikasi ahal izango dela. Izan ere, euskara irakasten
daramatzagun 30 urtetik gorako epean, 50.000 lagunek baino gehiagok ikasi dute
gurekin euskara.
4. Gure metodologia da praktikoena. Metodologia komunikatiboa erabiltzen dugu guk,
sinetsita gaudelako hizkuntza bat erabiliaz baino ez dela ikasten. Horrexegatik, gurean
ikasi nahi duenak lehenengo egunetik hitz egingo du euskaraz eta gai izango da
komunikatzeko euskaraz.
Aurreko guztiarekin batera, beste ideia bat azpimarratu nahi genuke: erakundeen
elkarlanaren ezinbestekotasuna Euskal Herria eta Oarsoaldea euskalduntzeko. Horrela, bada,
aurtengoan fruitu emankorak utzi dizkigu Oarsoaldeko instituzioekiko elkarlanak:
• Oiartzunen, euskara ikasteagatiko beka-sistema egokitu egin dute egungo ikasleen
beharretara. Horrela, oinarrizko baldintzak betetzen dituzten oiartzuarrek matrikularen
erdia baino ez dute ordaindu beharko (Oiartzunen erroldatuak daudenek). Era horretan,
askoz ere errazagoa izango zaie oiartzuarrei euskara ikastea.
• Lezon, gurasoentzako eskaintza berezia egingo da: euren ordutegi eta beharretara
zuzendutako ikastaroak eskaintzeaz gain, matrikula merkeagoa ere ordainduko dute.
Izan ere, adituek beti adierazi dute hizkuntza bat berreskuratzeko biderik eraginkorrena
eta naturalena familia barruko transmisioa dela. Horrenbestez, gurasoak euskalduntzea
maila goreneko helburutzat hartu beharko genuke.
• Oreretan, iaz abian jarritako langabetuen doako ikastaro trinkoen eskaintzari eutsi
diegu, arrakasta itzela izateaz gain, Gipuzkoa osoan eredugarri izan den eskaintza
zabalduz. Era berean, gurasoei propio zuzendutako ikastaroak ere aipatu beharko
genituzke, Udalaren lagunbtzari esker ohikoak baino merkeagoak direnak.
• Azkenik, Pasaian neurri-sorta zabala hartu da aurtengoan:
◦ Langabetuentzako ikastaro trinkoak.
◦ Merkatariei zuzendutako ikastaroak, ordutegi malgukoak.
◦ Gurasoei zuzendutako ikastaroak
◦ Beka-sistemaren eguneratzea: arestian aipatutako guztiek ikastaroa doan izateko

2. aukera izango dute, gutxieneko asistentzia izanez gero. Gainontzekoek, matrikularen
% 25 baino ez lukete ordaindu beharko.
Hortaz, zalantzarik ez dago: praktikoena Oarsoaldeko AEKren euskaltegi batean izena
ematea da.
Oarsoaldekoaek.blogspot.com
Lezoko Oroitzene AEK
Donibane 12, Lezo.
943 519144
lezo@aek.org
Oiartzungo Intxixu AEK
Fermiñene Etxea. Aialde 2, Oiartzun.
943493957
oiartzun@aek.org
Oreretako Xenpelar AEK
Biteri 30, 1. Orereta
943340233
orereta@aek.org
Pasai Antxoko Txirrita AEK
Zumalakarregi 9 (atzeko aldea)
943525545
pasaia@aek.org