Oiartzungo Xanistebanen atarian kaleratutako urtekarian, Oiartzungo Intxixu AEK-k testutxoa idatzi du, joan den ikasturtea nola joan zen gogora ekarriz
Oiartzungo Xanistebanen atarian kaleratutako urtekarian, Oiartzungo Intxixu AEK-k testutxoa idatzi du, joan den ikasturtea nola joan zen gogora ekarriz
1. Zuzendaritza taldea
Jesus eta Maria ikastetxea
EUSKARAREN EGUNAZ
Egun on, lankideok:
Idazki honen bitartez, Euskararen Egunean aldaketa batzuk egitea proposatu nahi
dizuegu normalkuntza taldekook.
1/ Egun horretan, orain arte, herriko plazan egiten genuen euskal azoka. Kontua
aztertu eta gero, pentsatu dugu askoz aproposagoa izango litzatekeela ikastetxean
bertan egitea.
Hainbat arrazoi izan ditugu kontuan ondorio horretara heltzeko:
Gure ospakizun bat da, ez da herrikoa. Beraz, gure patioetan egiten badugu, geure
proiektua dela ikusaraziko diegu ikasleei.
Herri mailan hainbat jarduera egiten dira, eta ez ditugu zapaldu nahi. Bide batez,
aproposa ikusten dugu herri mailan antolatzen diren jarduerotan bai irakasleok, bai
ikasleek parte hartzea ere, Jesus eta Maria ikastetxea euskararekin bat datorrela
nabarmentzearren, bai herri mailan, bai ikastetxe mailan, eta ez bakarrik gure
azokan parte hartuta.
Obabako herritarrei zabaldu nahi dizkiegu ateak gure “etxera” etor daitezen
ikastetxea ezagutzeko, eta –nola ez– gure ikasleen familiei ere bai.
Hori guztia dela eta, proposamen hau egin nahi dizuegu: euskal azoka herriko plazan
egin beharrean ikastetxeko patioetan egitea (euria egiten ez badu, lorategien
ondoan). Onartuz gero, atsedenaldiak (HH eta LH) patio estalian antolatuko lirateke.
2/ Beste alde batetik, azken urteotan emandako saria ere aldatzea nahi genuke. Orain
arte, UGP/PINera (Umeen Gabonetako Parkea) joateko autobusa, sarrerak eta
irakasleen dietak ordaintzen genizkion euskal azoka irabazten zuen taldeari; baina,
horri buruzko gogoeta egin eta gero, erabaki dugu talde irabazleari Goizalde
gozotegiko palmera erraldoia oparitzea, haien gelan denen artean jan dezaten.
Zergatik? Batez ere, dirutza zelako lehengo saria, baina gainera ez zelako oso sari
esanguratsua.
Zuen erantzunaren zain gelditzen gara, Euskararen Eguna antolatzen hasteko.
Eskerrik asko.
Normalkuntza taldea
Obaban, 2017ko urriaren 3an