1. Yндэсний статистикийн хорооны
даргын 2011 оны 12 сарын 30- ны
өдрийн 1/199 дүгээр тушаалын
V хавсралт
СТАТИСТИКИЙН УЛСЫН БАЙЦААГЧИЙН YНЭМЛЭХ,
ТЭМДЭГ ХЭРЭГЛЭХ ЖУРАМ
Нэг. Нийтлэг үндэслэл
1.1. Монгол Улсын “Статистикийн тухай” хуулийн 16 дугаар зүйлийн 5-д
заасан “Статистикийн улсын байцаагч нь түүнийг томилсон эрх бүхий албан
тушаалтнаас олгосон албаны болон хувийн дугаар бүхий үнэмлэх, тэмдэг,
түүнчлэн албан шаардлага, акт, торгуулийн хуудас хэрэглэнэ.” гэж заасны дагуу
үнэмлэх, тэмдэг хэрэглэхтэй холбогдсон харилцааг энэхүү журмаар зохицуулна.
1.2. Статистикийн улсын байцаагч / цаашид улсын байцаагч гэнэ/ нь албаны
дугаар бүхий үнэмлэх / цаашид үнэмлэх гэх/, хувийн дугаар бүхий тэмдэг / цаашид
тэмдэг гэх / хэрэглэнэ.
1.3. Улсын байцаагчийн үнэмлэх, тэмдгийн дугаар давхардахгүйгээр
зохицуулагдсан байна.
1.4. Улсын байцаагчийн үнэмлэх, тэмдэг хийлгэх, олгох асуудлыг YСХ-ны
тухайн асуудлыг хариуцсан нэгж, холбогдох бусад яам, газруудын статистикийн
улсын байцаагчийн үнэмлэх, тэмдгийг YСХ-ны зөвшөөрснөөр тухайн байгууллагууд
нь хариуцан шийдвэрлэнэ.
1.5. Улсын байцаагчийн тэмдгийг зөвхөн хяналт, шалгалтын ажилтай шууд
холбогдуулж гаргасан тухайн улсын байцаагчийн гарын үсэг бүхий шийдвэр, акт,
албан шаардлага, торгууль, шийтгэврийн хуудас, тайлан мэдээ зэрэг баримт
бичигт дарж баталгаажуулна.
Хоёр. Yнэмлэх, тэмдэг олгох
2.1. Yндэсний статистикийн хорооны даргын тушаалаар статистикийн улсын
байцаагчийн эрх олгогдсон этгээдэд үнэмлэх, тэмдэг олгоно.
2.2. Улсын байцаагчид олгосон тэмдгийн бүртгэл, дардас нь YСХ-нд
хадгалагдана.
2.3. YСХ-ны зөвшөөрөлгүйгээр улсын байцаагчийн тэмдгийг шилжүүлэх,
бусдад ашиглуулахыг хориглоно.
2.4. Улсын байцаагчийн үнэмлэх, тэмдгийг үрэгдүүлбэл 48 цагийн дотор
харъяалах газар, хэлтсийн дарга болон цагдаагийн байгууллагад мэдэгдэж
тэмдэглүүлэхийн зэрэгцээ хэвлэл, мэдээллийн хэрэгслээр зарлуулна.
2.5. Yнэмлэх, тэмдгийг хүчингүй болгуулж дахин авах тохиолдолд тэмдгийн
үнийг 3 дахин нэмэгдүүлсэн үнэтэй тэнцэх төлбөр оногдуулах ба уг төлбөрийг
барагдуулсны дараа шинээр олгоно. Харин үнэмлэхийг зарлуулан хүчингүй
болгуулсан баримтыг үндэслэн үнээр олгоно.

2. 2.6. Улсын байцаагч нь үнэмлэх, тэмдгээ үрэгдүүлсэн, бусдад шилжүүлсэн,
барьцаалсан бол сахилгын шийтгэл ногдуулна.
Гурав. Yнэмлэх, тэмдэг хэрэглэх, хадгалах
3.1. Улсын байцаагч нь тэмдгийг акт, торгууль, шийтгэврийн хуудас, албан
шаардлага, маягтад бичигдсэн баримт бичгэн дээр тод гаргацтай дарна.
3.2. Улсын байцаагч нь үнэмлэх, тэмдгийг бусдад шилжүүлэх, ашиглуулах,
барьцаалах, хадгалуулах, үрэгдүүлэх, гэмтээх, хууль бусаар хийлгэх, хэлбэр
загварыг өөрчлөх, хувилах, албан үүргээ гүйцэтгэхээс бусад тохиолдолд биедээ
авч явахыг хориглоно.
3.3. Улсын байцаагчийн үнэмлэхийг зөвхөн хяналт, шалгалт хийх үед
хэрэглэнэ.
3.4. Энэ журмын 1.5 болон 3.1-д зааснаас бусад баримт бичгийг
баталгаажуулах зорилгоор тэмдэг хэрэглэхийг хориглоно.
Дөрөв. Тэмдгийн хадгалалт, хамгаалалтад хяналт тавих,
түүнийг хураах
4.1. Yнэмлэх, тэмдгийн хадгалалт, хамгаалалтад холбогдох газар, хэлтсийн
дарга нар хяналт тавина.
4.2. Улсын байцаагч ажлаас чөлөөлөгдөх буюу халагдах тохиолдолд төв,
орон нутгийн статистикийн албаны болон яам, агентлагийн холбогдох газар,
хэлтсийн дарга нар үнэмлэх, тэмдгийг хураан авч YСХ-ны захиргаанд албан ёсоор
хүлээлгэн өгнө.
Тав. Хариуцлага
5.1. Энэ журмыг зөрчсөн албан тушаалтан, улсын байцаагчийн үйлдэл нь
гэмт хэргийн шинжгүй бол холбогдох хууль тогтоомжийн дагуу хариуцлага
ногдуулна.
5.2. Энэ журмыг зөрчсөн үйлдэл нь гэмт хэргийн шинжтэй бол уг гэм
буруутай улсын байцаагчийг холбогдох хууль хяналтын байгууллагад шилжүүлж
шийдвэрлүүлнэ.
----------оО о----------