LUGAR: casa do Concello da Baña DATA: 31 de maio de 2017 HORA DE COMEZO: 14:00, en primeira convocatoria HORA DE REMATE: 16:46.

1. ACTA NÚM. 5 DA SESIÓN ORDINARIA DO PLENO DO CONCELLO DA BAÑA
LUGAR: casa do Concello da Baña
DATA: 31 de maio de 2017
HORA DE COMEZO: 14:00, en primeira convocatoria
HORA DE REMATE: 16:46.
ASISTENTES:
Alcalde: José Andrés García Cardeso
Concelleiros:
Manuel Tourís Fernández
José Manuel Landeira Liñares
Sandra López Fernández
Roberto Rial Calvo
José Antonio Pereira Gil
Jesús Manuel Pena Varela
Margarita Suárez Otero
Ana Paramos Cebey
César Ramos Domínguez
Non asisten:
Alicia Blanco Sande
Sandra López Fernández
Secretario da Corporación:
Celestino Amigo Liñares
ORDE DO DÍA
I. PARTE RESOLUTIVA
1. Aprobación, se procede, de actas de sesións anteriores
Conforme ao establecido no artigo 91 do Regulamento de organización, funcionamento e réxime
xurídico das entidades locais, o presidente pregunta se algún membro da Corporación quere
formular algunha observación á acta da sesión de 17 de abril de 2017.

2. O Sr. Ramos sinala que nas preguntas formuladas debera recollerse a expresión entregáronme (por
escrito), así como recoller, así como engadir a votación por unanimidade coas correccións sinaladas.
Previo informe do Secretario acéptanse por unanimidade as correccións sinaladas.
Non se formulan observacións que afecten ao sentido dos acordos nin o contido da acta, polo que
resulta aprobada por unanimidade.
2. Dar conta das resolucións da Alcaldía
O Pleno queda informado das resolucións ditadas pola Alcaldía dende a última sesión ordinaria
realizada, de conformidade co preceptuado no artigo 42 do RD 2568/86, do 28 de novembro,
aprobatorio do regulamento de organización, funcionamento e réxime xurídico das entidades locais.
3. Dar conta aprobación liquidación Presuposto 2016
O Pleno queda informado da resolución do alcalde aprobando a liquidación do orzamento xeral do
concello da Baña, exercicio 2016.
O Sr. Pereira solicita o informe da Intervención. Está a disposición no expediente, que ademáis
integrará a Conta Xeral.
4. Información Alcaldía “Casa Rectoral San Mamede”
O alcalde, ante as noticias publicadas nos últimos tempos, pon en antecedentes ao pleno sobre este
asunto e informa da solicitude formal presentada pola Asociación Anxiños recentemente no Rexistro
xeral do concello. Igualmente da conta do escrito de contestación que se lle remitiu ao grupo
socialista, no que se lle informa de que se trata dunha solicitude encadrada no uso do dereito de
petición e que como tal será tramitada, sen prexulgar a resolución que corresponderá ao pleno.
Informa de que se procederá a xuntar a documentación precisa, xa que debe terse en conta que
nas obras de restauración participaron distintas Administracións Públicas. Emitiranse os
correspondentes informes e poñerase de manifesto ao Pleno. É preciso deixar claro que non existe
ningún ocultismo e se hai que dar un paso adiante será en beneficio das políticas sociais do concello
da Baña.
O Sr. Pereira recorda que a opción de sempre foi un Centro de Terceira Idade, polo que lle
sorprenden as declaracións publicadas polos medios de comunicación. É consciente de que non son
declaracións do alcalde, pero propician a inquedanza, a desconfianza. E pregúntase se están a
mirarse os investimentos para manter a finalidade orixinal.
O alcalde manifesta que a pretensión inicial debeu ser modificada polos cambios normativos que se
produciron e que dificultaron moito o desenrolo da primeira decisión. A solicitude presentada agora
debe considerarse como9 unha alternativa e pode estudarse. É certo que a Fundación ofrece
actuacións para a xeración de emprego e beneficios para o concello, pero debemos estudialo en
profundidade e requirir todos os informes sectoriais necesarios.
Pregunta o Señor Pereira se desaparece esa idea orixinal de vivenda comunitaria por parte do

3. concello.
Responde o alcalde que non, pero debe terse en conta que se é exclusivamente para dependentes é
preciso realizar unha avaliación.
O Sr. Pereira pensa que antes de investir tempo no proxecto o alcalde debera ter claro se vai a
haber ou non vivenda comunitaria, o que non quita que se estude igualmente o proxecto.
O alcalde manifesta que se estudarán as distintas alternativas e sopesarase cal resulta é a mellor
opción.
O Sr. Ramos avanza que o seu grupo vai ser moi crítico con este proxecto, moito máis que o PSOE.
O Proxecto foi un desastre desde o principio e operouse con descoñecemento das leises e
incumprimento dos prazos. Resalta que se trata dunha cesión do arcebispado e que cando remate o
prazo retornará á Igrexa. Evidentemente hai que darlle uso pero debería recoñecer o goberno local
que se verteron declaracións vergoñentas da ex-conselleira (de Sanidade) do PP en Negreira, dando
por feito que estaban xa de acordo o arcebispado e o concello da Baña. En canto á apertura, está
nos programas do PP o que amosa o incumprimento. Entende que o obxectivo é claro: cumprir os
compromisos para os que foi pensada, anque estarían dispostos a considerar algunha explicación
convincente.
O alcalde sinala que se trata dunha concesión, que pode reverter ou non o arcebispado e no propio
convenio está recollida esta previsión. É certo que a idea inicial e incluso a actual é a de vivenda
comunitaria, pero a normativa actualmente aplicable fai que teñamos que sopesar outras
alternativas.
O Sr. Ramos matiza que a prórroga require o acordo da outra parte e pregúntase se estará de
acordo a Igrexa. Pregunta polo prazo de concesión e responde o alcalde que son 20. Continúa o Sr.
Ramos preguntando se xa transcorreron 10 anos e contesta o alcalde que non, que o asunto
comezou no ano 2007 pero houbo demora e aprazamento (nos efectos). Pregunta o Sr. Ramos
cando xurdiu o cambio normativo. Contesta o alcalde que hai 3 anos, precisamente cando se
practicou a inspección e estaba lista para a apertura. O Sr. Ramos considera que hai moitos cartos
investidos para que agora veña unha asociación a xestionar a instalación. O alcalde recorda que os
cartos nos puxo o concello e o Sr. Ramos replica que en todo caso son fondos públicos. Insiste en
recordar o comportamento impropio da ex-conselleira e as declaracións, que non foron
desmentidas.
O Sr. Tourís considera que hai meses o Sr. Ramos falaba de meter nas instalacións a refuxiados, e
agora preséntase esta iniciativa, que é tan respetable coma a outra. Na súa opinión persoal, anque
fora posible a apertura non podería manterse. En canto á iniciativa privada, entre a marcha da
economía e as limitacións que supón un edificio histórico, é dubidoso o seu interés. Pensa que debe
estudiarse o asunto seriamente.
O Sr. Ramos aclara que a Moción sobre os refuxiados non falaba da Reitoral de San Mamede,
falouse no pleno, pero como unha actuación temporal, non permanente.

4. O alcalde recorda que desde a sinatura do convenio non se remataron as obras, ata 2011 e despois
aínda se fixo a xestión do equipamento. E xa estaba todo ben detallado. Pero cambiaron as
condicións e as circunstancias; a veces tense un obxectivo e unha finalidade e ao remate hai que
revisala. O relevante é estudiar actuacións que incidan en maior grado nas políticas sociais.
O Sr. Tourís aclara que coñece persoalmente á Presidenta da Asociación hai moitos anos, que foi a
Directora da gardería do Hospital Xeral. A asociación pretende sacar eses nenos do ambiente
hospitalario e traelos aquí. A Asociación é solvente e ten vocación de permanencia, ademais de
contar con socios e colaboradores prestixiosos (cita). Invítannos a participar activamente nas súas
decisións e ofrecen o compromiso de contratar persoal que sexa da Baña. Se a idea orixinal non
fora viable, deberíamos sentirnos satisfeitos por atopar unha alternativa. O alcalde aclara que non
se trata de cartos, se non de conseguir unha maior rendibilidade en política social. Continúa o Sr.
Tourís manifestando a súa convicción de que poden xerar bastantes empregos e considera que o
concello non está preparado para xestionar esas instalacións, a él persoalmente non lle supón un
problema recoñecelo.
O Sr. Ramos manifesta que lle gustaría que se mantivera a finalidade inicial, pero concede que se
non fora posible podería considerarse outro proxecto.
O alcalde conclúe que haberá que estudiar o asunto es esperar os informes necesarios para tomar a
decisión.
II. PARTE DE CONTROL
5. Mocións
César Ramos Domínguez, concelleiro da actual Corporación Municipal e representante local de
Compromiso por Galicia no concello da Baña ao abeiro da lexislación vixente, presenta as seguintes
mocións para ser tratada pola corporación municipal:
5.1. Moción para dar apoio expreso á plataforma de víctimas do Alvia 14155
Exposición de motivos
A plataforma de vítimas do Alvia 04155 levar loitando por esclarecer as circunstancias nas que se
produciu o desgraciado accidente do tren Alvia 04155 con destino a Santiago de Compostela o 24
de xullo de 2013. Neste accidente no que morreron 81 persoas e resultaron feridas outras 145 é o
accidente ferroviario máis grave da historia da democracia. Dita Plataforma constituíuse coa
intención de reivindicar a verdade e a xustiza en sentido amplo, esixindo tamén responsabilidades
políticas, polos feitos que rodearon ao mencionado sinistro.
Un suceso tan grave non pode nin debe quedar no esquecemento das institucións públicas e dos
responsables políticos, e por iso é necesario indagar nas causas e responsabilidades penais e
políticas que puidesen derivarse de devandito accidente ferroviario. Á marxe das investigacións
xudiciais e as responsabilidades penais que poidan derivarse delas, as vítimas sempre reinvindicaron
a apertura dunha Comisión de Investigación Parlamentaria para depurar as responsabilidades

5. políticas en nun exercicio de responsabilidade é necesario dar o noso apoio a esta iniciativa,
situarnos do seu lado dándolles o noso apoio expreso.
A plataforma de Vítimas do Alvia 04155 denunciou en reiteradas ocasións a falta de sensibilidade
das autoridades e unha incomprensible situación de desamparo que viola os seus dereitos máis
básicos como vítimas e familiares deste terrible suceso. Con esta moción non podemos reparar o
dano inmenso que estas persoas sufriron, non podemos facer xustiza, nin esclarecer a verdade do
ocorrido, pero a través do consenso entre todos os partidos políticos con representación no noso
Concello nun acto de responsabilidade e compromiso contribuímos a recoñecer e dignificar ás
vítimas e familiares do accidente ferroviario Alvia 04155.
Por todo o anterior Compromiso por Galicia A Baña propón ao Pleno do Concello da Baña a
adopción dos seguintes acordos:
1. Dar apoio expreso á Plataforma de Vítimas do Alvia 04155
2. Solicitar ao Goberno Central que encargue a unha comisión de expertos e técnicos independentes
á investigación do ocorrido.
3. Solicitar ao Goberno Central a apertura dunha comisión de investigación en sede parlamentaria
para establecer posibles responsabilidades políticas.”
Engade o Sr. Ramos que posteriormente pedíronlle que lera o manifesto.
O alcalde manifesta o seu máximo apoio á plataforma e comenta que el mesmo estivo nas
instalacións nas que se atenderon aos afectados. Informa de que existe un organismo
absolutamente independente, sometido á normativa europea. O Sr. Ramos matiza que segundo a
plataforma, non é realmente independente.
O alcalde insiste na independencia da CIAF, pero ademais, en canto ao terceiro apartado da moción,
tratándose dun asunto que está en sede xudicial considera que debe esperarse a que conclúa este
proceso. Polo demais, engadiría outro punto cal é reclamar celeridade na a resolución e o pago ás
vítimas. En conclusión, propón suprimir os puntos 2 e 3 e engadir o dito anteriormente.
O Sr. Ramos comenta que a Plataforma insiste en que a Comisión non é independente e mantén a
Moción cos tres puntos propostos. Sinala que o Ministerio, ADIF e RENFE trataron de enganar e
ningún responsable foi cesado, ao contrario, foron premiados.
O alcalde insiste en que debe investigar a Xustiza. Informa que el coñece persoalmente tres casos e
por iso está convencido de que hai que axudar ás vítimas. Reitera a proposta de supresión dos dous
puntos e engadir o que se refire á celeridade dos procesos e as indemnizacións.
O Sr. Pereira manifesta que debe prestarse todo o apoio á Plataforma, da que provén a Moción, e
por tanto non van a entrar en máis consideracións.
Debatido o asunto suficientemente, o Presidente somete á consideración do Pleno a Moción
transcrita, co seguinte resultado:

6. - Votos a favor: cinco (5)
- Votos en contra: cero (0)
- Abstencións: catro (4), grupo do PP.
Seguidamente, acórdase por unanimidade engadir o cuarto punto proposto polo alcalde.
Consecuentemente, a redacción do acordo refundido sería a seguinte:
1. Dar apoio expreso á Plataforma de Vítimas do Alvia 04155
2. Solicitar ao Goberno Central que encargue a unha comisión de expertos e técnicos independentes
á investigación do ocorrido.
3. Solicitar ao Goberno Central a apertura dunha comisión de investigación en sede parlamentaria
para establecer posibles responsabilidades políticas.
4. Encarecer aos distintos responsables de xestionar os correspondentes procesos xudiciais e civís a
maior celeridade na resolución dos mesmos e proceder coa maior canto antes a pagar as
indemnizacións pertinentes.
5.2. “Moción relativa a creación dunha taxa pola utilización e/ou aproveitamento do
dominio público local por parte de empresas de enerxía eléctrica, gas ou hidorcarburos.
EXPOSICIÓN DE MOTIVOS
O Tribunal Supremo ven de determinar en varias sentenzas que os concellos comecen a valorar
como construcións ás liñas instaladas polas compañías eléctricas de alta tensión e as canalizacións
de gas, á hora de calcular a base impoñíble do custo por uso do dominio público nas que se sitúan.
Os fallos contrarios ás empresas Unión Fenosa, Gas Galicia ou Rede Eléctrica, e con impacto directo
no resto do sector eléctrico que fan uso do do dominio público para o transporte da enerxía
eléctrica requiren que as ordenanzas fiscais regulen unha taxa pola utilización ou aproveitamento
deste.
A Lei Reguladora das Facendas Locais establece que as empresas eléctricas, auga, gas ou
hidrocarburos están obrigadas a pagar unha taxa fixada por un informe técnico por atravesar o
dominio público local, aínda quen non subministren. Porén, e aprobadas esas ordenanzas
reguladoras nalgún dos concellos para fixar esa obriga, as empresas nunca aboaron esa taxa,
acudindo aos tribunais contra as entidades locais impulsoras.
Estas recentes sentenzas emitidas polo TS avalan o cálculo das taxas de acordo cun estudo técnico-
económico onde se empregan os criterios coma unha suma do valor catastral do solo rústico con
construción co valor das instalacións, e a base impoñible é o resultado de realizar o produto dese
valor da instalación ao coeficiente de relación co mercado e a ocupación en metros cadrados que
corresponde a cada metro lineal. Polo tanto, a idea é a de establecer o valor que lle corresponde ao
aproveitamento ou uso do que gozan as empresas destes aproveitamentos privativos que atravesan
o solo que é propiedade municipal.

7. Desta forma, a taxa que deberían pagar situaríase entre os 3.000 euros e 12.000 euros por metro
lineal no caso da instalación de transporte eléctrico, segundo o tipo de tensión-baixa, media ou alta,
e no que atinxe ao transporte de gas, entre os 500 euros e os 4.000 euros.
Con estas sentenzas ponse de manifesto a legalidade de gravar a utilidade que lle reporta a estas
empresas a utilización privativa ou o aproveitamento especial do solo que forma parte de todos, e
que en moitas ocasións implica a exclusión doutros usos, para unha actividade industrial
consistente no transporte e distribución de enerxía eléctrica, de auga, de gas ou hidrocarburos.
Polo exposto anteriormente, é necesario iniciar canto antes os procedementos e trámites para poder
facer efectiva a taxa pola utilización e aproveitamento do dominio público local polas empresas
titulares de instalacións de transporte de enerxía eléctrica, hidrocarburos ou gas.
Con esta taxa poderase mellorar o nivel de recadación do noso concello. Ademais, ante a previsible
instalación de parques eólicos na Baña e as liñas de transporte eléctrico que se construirán para a
evacuación da enerxía xerada por estes, fará que desde o primeiro minuto da posta en marcha dos
parques se repercuta esta taxa nas arcas municipais. Tamén estaría ben incluír na redacción desta
ordenanza as instalacións de hidrocarburos e gas debido ao proxecto de autorización administrativa
promovido por Gas Galicia SDG, para a distribución de gas natural na vila da Baña, como forma de
evitar posteriores correccións na ordenanza, quedando determinada desde a súa creación estoutros
sectores.
Por todo o exposto, propoñemos ao Pleno do Concello da Baña a adopción dos seguintes
ACORDOS
Que o Concello da Baña inicie os estudos de xestión necesarios para a tramitación e aprobación, a
través da correspondente ordenanza fiscal reguladora, dunha taxa pola utilización ou
aproveitamento do dominio público local polas empresas titulares de instalacións de transporte de
enerxía eléctrica, auga, gas ou hidrocarburos, e o seu cobro en beneficio do municipio, segundo a
doutrina marcala polas sentenzas do Tribunal Supremo que así o avalan.”
O Sr. Pereira manifesta que non ten nada que engadir.
O alcalde manifesta que se trata dun asunto que ven de vello e de feito está traballando a FEGAMP
e a Deputación, polo que entende que debemos ir todos os concellos coordinados polo mesmo
camiño. No tema en concreto dos parques eólicos, houbo diversos contenciosos con distintos
resultados. No caso de Arteixo, déronlle parcialmente a razón. Pero o de Arteixo é un caso moi
peculiar.
O Sr. Ramos sinala que houbo concellos pequenos que gañaron a partida e considera que non debe
esperarse e avanzar ao noso ritmo.
O alcalde reitera os argumentos e conclúe que en calquera caso non existe inconveniente en facer

8. máis estudios ao respecto.
Sométese o asunto a votación, co seguinte resultado:
- Votos a favor: sete (7)
- Votos en contra: cero (0)
- Abstencións: dúas (2), Srs. Tourís Fernández e Calvo Rial
6. Rogos e preguntas
RESPOSTAS ÁS PREGUNTAS PLENO DIA 5 DE ABRIL DE 2017 PSOE
1.- En primeiro lugar queremos que conste en acta que seguimos sen recibir as actas das
Comisións de Goberno. Isto imposibilita a nosa función de control das decisión internas que
se toman no funcionamento do día a dia do Concello.
Tamén queremos expresar o noso malestar, xa que o pasado sábado, estando convocado
o pleno dende o venres, a documentación referida o pleno de hoxe, non estaba a nosa
disposición para o seu estudio.
Este tema creo que está corrixido; envíanse por correo electrónico así como a
documentación referida aos plenos correspondentes.
2.- Non se están a cobrar as cotas da escola de música, e hai pais preocupados por se lles
pasan os recibos todos xuntos.
É certo que houbo un retraso pero está solucionado e pasados os recibos (2º
trimestre) tanto da Escola de Música como das Escolas Deportivas.
3.- Estase arranxando a subida cara Vilela e o abrir as cunetas están quedando os tubos
de acceso as fincas en moi mal estado, algúns obstruídos e outros rotos. Solicitamos que se
cambien para evitar que a auga vaia por riba da carretera.
A obra de pavimentación de Vilela realizouse correctamente segundo o proxecto.
Sobre o tema das entradas aos predios, hai que recordar que son de propiedade
privada e correspóndelles ás persoas propietarias respectivas colocar as
entradas aos terreos.
Matiza o Sr. Pereira que se refería aos que xa estaban, están tupidos. O alaclade
comprométese a comprobalo.

9. 4.- Na parroquia de Troitosende, a pista que leva de Portochán cara Quintáns, que vai dar
o cruce da fonte de Troitosende, estase a derrubar. Solicitamos unha actuación o antes
posible para evitar posibles mais maiores.
É certo e comprobouse a perigosidade nesa estrada do derrubamento da pista;
estamos mirando a solución cos técnicos para realizar a dita actuación.
5.- Unha vez mais solicitamos unha mellora na carretera que vai de Vilacoba a Xermán e
Val de Dubra. O escaso ancho dificulta constantemente o tránsito dos veciños.
Con respecto á estrada que vai desde Xermán (límite con Val do Dubra) ata
Vilacova, aprobouse o correspondente proxecto no mes de febreiro para poder
actuar e recordo que esa estrada ten un ancho mínimo de 6 m e un máximo, en
calquera sitio, de 7 m. A que non reúne as condicións é a que vai desde o límite
da Baña, ao seu paso por Xermán, ata o cruzamento (Colexio de Portomouro).
6- Solicitamos de novo o arranxo dos tablóns de anuncios. Non hai na maioría dos núcleos,
e os que hai están en moi mal estado.
Estamos estudando as ofertas que nos presentaron e os modelos pois queremos
dar un cambio de imaxe nos taboleiros para evitar a súa deterioración coas
humidades e coa chuvia.
7.- Por petición dos veciños de Barcala solicitamos a poda das árbores xunto a igrexa, e o
arranxo de un deles que está caído, e que se repoña o contenedor de papel que se levou
polo seu mal estado.
A partir do día 1, coa entrada de persoal para a Brigada de Obras, vaise realizar
limpeza e labores de mantemento.
8.- Na biblioteca levan case dous anos sen un ordenador, solicitamos que se repoña pois
damos fe de que os usuarios están a cola para poder utilizar o que hai, ademais
comunicar que a impresora está avariada o que fai que levan días sen poder imprimir
nada.
Este tema está totalmente amañado con ordenador e impresora.
9.- Na parroquia de Corneira arranxouse a entrada dunha pista no lugar da Piolla.
Solicitamos que xa que non se vai continuar asfaltando a mesma, se faga unha limpeza
para poder seguir transitando por ela.

10. Tamén queremos saber por que a obra que comezou fai dous meses, no campo diante da
igrexa está parada. E recordar as solicitudes feitas por este grupo para ese lugar (un punto
luz, pasamáns e mellora para o acceso dos maiores a igrexa para evitar as escaleiras) xa
que agora pode ser un bo momento para facelas.
Como dixen antes, coa entrada de persoal para a Brigada de Obras, faranse os
labores de limpeza. En canto á obra, está parada pola rescisión de contrato e hai
que volvela a licitar; pero a obra vaise realizar perfectamente. Con respecto ás
melloras, tamén se vai proceder porque se necesita completar unha serie de
actuacións puntuais.
10.- Unha vez mais pedimos unha actuación para sacar a auga da praza de Cabanas.
Segue a saír auga do medio da praza e a última actuación no fixo mellora algunha.
En relación coa actuación na praza de Cabanas, das veces que fomos ver, non
apareceu nada.
11.- Estamos na primavera e en previsión cara verán pedimos que se poña en marcha un
plan de limpeza das fontes públicas, lavadoiros, pozos e áreas recreativas . Que se limpe o
campo de fútbol de Corneira, e que se apuren os arranxos das pistas deportivas (Ermida,
Suevos, Troitosende, Seoane etc).
Como dixen en anteriores contestacións, coa entrada de persoal na Brigada de
Obras, vaise facer a limpeza e os labores de mantemento en todas as parroquias
(áreas recreativas, locais sociais, fontes, lavadoiros, etc).
12.- Queremos saber que actuación se vai a facer na area recreativa de Fiopáns.
A través da Dirección Xeral de Conservación da Natureza vaise actuar na
mellora, limpeza e conservación da área recreativa de Fiopáns (limpeza, arranxo
de portas, pintado do local, etc) Está a memoria de actuación presentada e
aprobada.
13.- Queremos que se lle de unha solución a caldeira de biomasa do local de Suevos, está
constantemente avariada, e non quenta o suficiente dada a súa dimensión e o sitio onde
está instalada.
Déuselles a orde de actuación aos técnicos da empresa que colocaron as
caldeiras para revisalas.

11. RESPOSTA ÁS PREGUNTAS DE COMPROMISO POR GALICIA (PLENO DO 05.04.2017)

12. 1- Gustaríanos solicitar que se valorara celebrar a Festa da Filloa do ano que vén na praza
do Concello da Baña. É algo que demanda parte da veciñanza e pode ser un impulso
para esta importante festa, non só para traer maior afluencia de público senón para
revitalizar a vida da capital do Concello.
Esa opción valorouse varias veces. Estamos sopesando revitalizala pero
depende de varios factores. Niso estamos e traballaremos nesa dirección.
2- Solicitamos de novo que as respostas ás nosas preguntas que ultimamente se nos
entregan por escrito no seguinte pleno se nos envíen con anterioridade para poder
estudalas previamente.
Serán enviadas con anterioridade ao Pleno.
3- Pedimos novamente maior limpeza na fonte da praza do Concello e o baleirado das
papeleiras de S. Vicente. O día do festival de Entroido estaban a tope e a xente tivo que
tirar os residuos no chan. Ese mesmo día a fonte estaba novamente manchada de verde
dando de novo moi mala imaxe á nosa vila.
Incrementarase o coidado das partes centrais do concello. Algo que me
obsesiona é a limpeza viaria e iso é un tema de todos.
4- Con respecto ao festival de entroido queremos que se valore darlle unha volta a este
festival, xa que está claro que perdeu moita afluencia de participantes, proba disto é
que quedaron premios desertos e cada ano descende o número de participantes. Non
sabemos se é necesario cambialo de datas ou darlle outro enfoque. Con respecto a este
festival pedimos que a contía dos premios que quedaron desertos se sumen aos premios
do ano que vén. Así mesmo e relacionado con este festival pedimos máis seriedade ás
persoas que formen parte do xurado, xa que é lamentable, inconcibible e patético
que minutos despois do veredicto do xurado a xente que estaba no pavillón xa sabía o
resultado porque alguén se lle ocorreu mandar aos participantes o resultado da
deliberación do xurado e houbo xente que marchou antes da entrega de premios por
coñecer xa os gañadores/as. Pensamos que hai que actuar con maior seriedade e
responsabilidade nunha celebración que está para o disfrute de todos e todas non para
facer política.
O festival do Entroido é unha actividade lúdico-festiva. Si é certo que en
moitos sitios foi perdendo presenza polas datas e coincidencias con outros
sitios: Negreira, A Coruña, Santiago, Vilanova, etc. Necesita tal vez un
enfoque distinto ao dos anos de atrás. Miraremos. Sobre o xurado, iso é

13. responsabilidade de cada membro e, sobre todo, necesítase moita seriedade
para o dito cargo.
5- Nas parcelas que están no Campo na parroquia de Barro (lugar que lle chaman Rodeiro)
a veciñanza quéixase que ten problemas coa canalización da auga. Pedimos que se
solucione este problema.
Daremos os correspondentes avisos para que miren eses problemas.
6- O cartel que está en Xanín na parroquia de Monte que aparece o mapa do Concello da
Baña (despois da rotonda) está caído e ilexible. Pedimos que o arranxen.
Vanse colocar carteis novos. Falo de Marcelle, área recreativa (acabada de
arranxar), Xanín, etc. Pero foi arranxado.
7- Anteriormente pedimos, unha vez que se aprobou a “Ordenanza fiscal reguladora da
taxa por servizos correspondentes a actividade administrativa e de goberno do Concello
da Baña” que establecía unha tarifa de 200 euros por acto de celebración de matrimonio
civil, que se estipulara a cantidade que lle correspondía ao concelleiro ou concelleira
oficiante. Pedimos novamente que se estableza claramente este punto para evitar
futuros conflitos e se actúe con transparencia.
Ese tema aplícase en función da ordenanza. Non ten que aparecer ningún
conflito. Aínda non se acabou o período de exposición pública no BOP.
8- En plenos anteriores solicitamos que se arranxaran os espellos das estradas que estaban
en mal estado, así como o arranxo ou substitución de letreiros. A día de hoxe continúan
igual, queremos saber cando o grupo de goberno vai cumprir o prometido.
Arranxaron algúns. Proximamente, coa entrada de persoal para a Brigada de
Obras, actuarase e farase unha revisión exhaustiva.
9- No mes de xullo do pasado ano aprobouse unha moción proposta por Compromiso por
Galicia, na que o Concello comprometíase a instalar colectores de aceite usado nas
diferentes parroquias do Concello ademais de realizar unha campaña de concienciación,
posteriormente comentouse que se estaban levando unhas xestións coa fundación
“Amigos de Galicia”, como están esas xestións? Vaise facer algún día?
A Fundación Amigos de Galicia está a punto de resolver as propostas das
empresas que se queren encargar dese tipo de colectores. Tan pronto como

14. resolvan poñeranse en contacto cos concellos para facer un labor divulgativo
e de concienciación.
10-Solicitamos que nas diferentes fontes das parroquias do Concello da Baña se coloquen
uns carteis para indicar qué fontes teñen auga apta para o consumo e cales non. Hai
moita confusión veciñal respecto a isto, ademais de ser un aspecto perigoso para a
saúde da xente.
Hai moitas fontes nos concellos e cando cada tres meses realizan as análises
encárganse de avisar para colocar carteis que poñen “Auga sen garantía
sanitaria”.
11-Volvemos preguntar pola data en que se vai a facer fillo predilecto a Avelino Pousa
Antelo, en setembro de 2016 a alcaldía anunciou que se ían comezar os trámites, hai
dous meses o alcalde en resposta á nosa pregunta comentou que era un tema “que
levaba o seu tempo e non había que precipitarse”. Moitos colectivos de importancia
cultural de todo o país están pendentes deste nomeamento. Queremos coñecer qué
trámites se realizaron ao respecto e pedimos outra vez que se comecen os trámites xa e
non demorar o tema continuamente.
Hai que facer as cousas sen precipitación e, sobre todo, hai que realizar e
valorar os trámites oportunos.
12-De igual forma queremos saber como están os trámites para homenaxear a figura de
Antonio Martínez Méndez? A alcaldía confirmou no mes de xaneiro que se lle ía realizar
unha merecida homenaxe.
Comezáronse a dar os primeiros contactos coa familia (primeiro aniversario
para principios de outubro). Estamos estudando e preparando a xornada da
homenaxe á figura de Antonio Martínez Méndez.
13-O 7 de marzo solicitamos copia de dous proxectos e licenzas de obra. Por qué non se
nos respondeu a ese escrito? Solicitamos máis facilidade para o acceso de concelleiros e
concelleiras á información municipal. Ou hai algún problema en que a oposición vexa
ese tipo de documentos?
Os concelleiros e as concelleiras tendes acceso e consulta a todos aqueles
temas de incumbencia pública; agora, a solicitar copia de proxectos
particulares, non. Están para ver e consultar co persoal técnico ante calquera
dúbida.

15. 14-Con respecto ao acceso á información nos pasados plenos pedimos varios documentos
para revisar. Hai moitos deles que aínda non se nos facilitaron. Pero o que si nos
deixaron ver foron unhas facturas de MOVISTAR. Pedimos outra vez que se revisen os
contratos de telefonía do Concello xa que pensamos que se pode aforrar unha cantidade
de cartos importante. Por poñer un exemplo o Concello da Baña na extensión móbil
2320 do número 607574360 estamos pagando con carto público 1,23 euros semanais
(entre outubro e novembro) por renovación de Yavoy (a musica que soa sempre que se
chama a ese número). É necesario revisar todos os contratos e tarifas, xa que O
Concello da Baña non pode gastar carto público nestas parvadas.
Falamos co comercial de Movistar asignado e comunicámoslle que faga de
novo unha oferta en que se revise de novo as condicións e ao mesmo tempo
suprimir todas as características do servizo (Yavoy) de modo que queden só
chamadas e xa está realizada.
15-Solicitamos formalmente, aínda que xa o comentamos nun pleno extraordinario, que nos
vindeiros plans, programas ou subvencións que se tente facer un salón de actos no
Concello da Baña. Temos unha gran tradición artística na Baña, con grupos de música
tradicional, escola de música, etc e é necesario que o Concello da Baña conte cun salón
de actos grande para realizar eventos culturais importantes e que non pase como outras
veces que teñamos que trasladarnos a concellos veciños para facelos.
Acabamos de facer unha obra importante no colexio. Mentres non teñamos
outro salón de actos, podemos aproveitar ao máximo esta infraestrutura para
todo tipo de actos e actividades.
16-O parque biosaudable da rectoral de San Mamede que no mes de setembro do ano
pasado solicitamos que se trasladara de lugar e o grupo de goberno respondeunos que
sí se ía trasladar para que a veciñanza puidera facer uso del…foi trasladao a algún
outro lugar? Pensase facer algo con ese material?
Unha vez que entre na Brigada de Obras persoal eventual, imos colocalos
noutro sitio pero antes hai que revisalos e pintalos.
17-Pedimos que o Casa de Cultura se dote dun equipo de son e proxector fixo para axilizar
a organización de eventos e mellorar a calidade das proxeccións.

16. Temos un proxector para as diversas actividades do Concello pero colocalo
fixo non nos parece adecuado pois así pode utilizarse nos sitios onde se
actúa.
18-O 28 de abril de 2014 cando aínda non tiñamos representación municipal presentamos
unha moción solicitando ao grupo de goberno que realizara as pertinentes reclamacións
a GAS NATURAL FENOSA pola facturación ilegal, igual que fixeron outros concellos
galegos (lembramos que esta empresa recoñecera a facturación ilegal noutros concellos
galegos como o de Vilar de Santos). A alcaldía contestounos que ese tema estaba en
mans da FEGAMP. Relacionado con isto o pasado 6 de febreiro deste ano entregamos
unha instancia no Concello (que non se nos contestou como é costume neste grupo de
goberno) solicitando, entre outros aspectos, que dende o Concello se faga unha
reclamación colectiva á empresa ou empresas subministradoras de electricidade ás
vivendas e negocios da Baña, e que reclame á empresa GAS NATURAL FENOSA polos
cortes no alumeado público. Queremos coñecer se o Concello da Baña fixo algún tipo
de reclamación ou queixa ao respecto.
O tema das eléctricas é algo que hai que ir en conxunto tanto a nivel
autonómico como provincial: así a Fegamp a nivel de todos os concellos de
Galicia e a Deputación como representación de todos os concellos da Coruña.
Ao Concello de Arteixo acaban de recoñecerlle o polígono de Sabón. É
imposible que cada concello o faga a nivel individual; segundo os informes
xurídicos, tomouse o acordo de ir a través da Fegamp para facer máis forza.
19-O Concello da Baña contratou persoal para levar os temas de prensa e redes sociais.
Queremos saber como se fixo a selección de persoal, qué tipo de contrato teñen os
elixidos e o traballo que desempeñan.
Non se contratou ningún persoal.
Pregunta o Sr. Ramos se non se contratou a ninguén para as redes sociais. Contesta o
Alcalde que se encarga o persoal do concello.
20-Na estrada que vai de S. Vicente ao Barro antes da ponte hai unha pedra grande na
cuneta, solicitamos que sexa retirada canto antes e así evitar posibles accidentes.

17. Esta obra vai incluída dentro do POS da Deputación. A Brigada retirou a
pedra.
ROGOS E PREGUNTAS FORMULADAS PARA O SEGUINTE PLENO
ROGOS E PREGUNTAS CxG
1) Nas respostas á pregunta número 19 contéstasenos que o Concello non contratou ningún
persoal para levar as redes sociais e a prensa. Podedes aclarar isto?
2) Ante a chegada do bo tempo e a poucos días de que comece o verán solicitamos que se
realicen a limpeza e posta a punto das instalacións da piscina municipal con suficiente
antelación para que non demore a súa apertura e de se o bo tempo o permite valorar abrir as
instalacións antes do 1 de xullo de igual forma que fan os concellos limítrofes.
Consecuentemente con isto queremos solicitar que se amplíe o espazo de sombra nas
instalacións (instalando un toldo, sombrilla ou similar), xa que é unha demanda habitual dos
usuarios da piscina.
3) Queremos que se lle transmita á brigada municipal a noraboa polo bo traballo e a boa
disposición na limpeza da ruta do Camiño de Santiago cara Muxía e solicitamos que nesta
ruta se fagan habitualmente limpezas dos camiños para ter en condicións idóneas para o paso.
Así mesmo, aínda que esta ruta do Camiño cara Muxía aínda non está recoñecida, queremos
que o Concello valore realizar actividades de promoción da mesma, elaboración de trípticos
ou carteis informativos, tamén a través do técnico de información, publicidade e información
turística (A Baña, Negreira e Val do Dubra) e que dende o Concello se anime a todos os
colectivos do Concello á posta en valor desta ruta.
4) No pleno de marzo de 2016 fixemos unha pregunta referente á numeración das vivendas do
noso Concello e contestóusenos, tal como figura na acta dese pleno, que se empezara un
traballo de numeración das vivendas en S. Vicenzo e S. Mamede e que se mandara comezar
este mesmo traballo no resto das parroquias. Máis dun ano despois queremos saber se se fixo
algo ao respecto ou seguimos igual, coas casas sen numeración e con dificultade para
ubicalas.
5) Queremos solicitar que se valore situar un paso de peóns ou similar fronte a Área Recreativa
de Chans xa que é un tramo perigoso para cruzar cara a senda peonil que se sitúa no outro

18. extremo e que vai cara as instalacións da piscina municipal, sobre todo cando se cruza en
grupo, por exemplo os nenos e nenas que participan no campamento de verán.
6) A marquesiña da parada do bus de Ceilán está rota pedimos que se arranxe.
7) Solicitamos que se busque unha solución canto antes aos problemas de subministro de auga
na parroquia de S. Cibrán, ademais dos problemas puntuais dalgunha casa (que xa falamos
tanto coa alcaldía como cos servizos sociais), sabemos que novas construcións tamén teñen
problemas co subministro de auga. É necesario buscar unha solución conxunta para todas as
vivendas da parroquia.
8) Nun lateral do Campo de Fútbol de Cartas hai unha baranda que está caída solicitamos que se
recoloque.
9) Solicitamos que se limpe a estrada onde está o Local Social de Fiopáns xa que os laterais
están cubertos de terra e coas choivas pode dar lugar a que ocorra un accidente de tráfico. Do
mesmo xeito solicitamos limpeza despois de Señor na estrada que vai para S. Cibrán
(ADXUNTAMOS FOTOS).
10) Temos constancia de que moitos veciños e veciñas de varias parroquias teñen dificultade para
recibir correctamente o sinal de televisión solicitamos que se busque unha solución conxunta
este problema.
11) Volvemos solicitar, igual que fixemos no pleno de xuño de 2016, que se elabore un “plan
organizado de limpeza e desbroces en todas as parroquias” cunha temporalización organizada
e non a criterio dos operarios ou segundo vaian protestando os veciños e veciñas.
12) Queremos saber como está o tema da casa en estado ruinoso de Guende da que xa se falou
noutro pleno ordinario. O alcalde confirmou que se lle ía buscar unha solución e a día de hoxe
os propietarios da casa anexa coméntannos que segue todo igual. Pedimos que se lle busque
unha solución a este problema con urxencia.
13) A fonte da Agra recreativa de Chans despois das melloras realizadas segue sen ter bo
desaugadoiro polo que a auga estáncase formando un charco. Solicitamos que se arranxe.
Relacionado con esta área recreativa o cartel que puxeron ten un erro, xa que di “CHIANS”,
gustaríanos saber se se vai corrixir ou xa queda así de forma permanente.
Preguntas PSOE para ser contestadas no próximo Pleno ordinario

19. 1- Solicitamos que se aclare a resposta a pregunta 3 do anterior pleno, referente a obra do
arranxo da subida de Vilela.
2- Por petición dos veciños da parroquia de A Riba, solicitamos unha actuación de mellora no
camiño de Brandian (Ferreiros ) e no camiño das Sachas (A Costa), dado o mal estado do firme.
3- Por petición dos veciños da parroquia de San Vicenzo solicitamos a limpeza e mellora do
camiño que bordea o monte Penedo dende Paredes e que vai cara Marcelle.
4- Fai 2 anos arranxouse a entrada do camiño de Pedralba (o tramo de entrada dende a
carretera), o certo é que o resto do camiño está nun estado lamentable polo que solicitamos se
repare xa que incluso os tractores están a ter problemas para circular.
5- O Concello da Baña e coñecido entre moitas cousa por ser un Concello cuns importantes ríos
para practicar o deporte da pesca. Estamos a ter numerosas queixas polo mal estado no que se
encontran os nosos Riós, multitude de árbores caídos, e en algúns casos ( Reiverde) o liso,
dificultan o paso da auga e a entrada de luz. Polo que solicitamos se formule a petición de limpeza á
autoridade competente.
6- Gustaríanos saber si se ten planificada algunha actividade conciliadora para os nenos cara o
remate do curso escolar (campamentos urbanos)
7- O Concello de Negreira limpou o denominado camiño da Cereixeira ata o límite do Concello
da Baña, polo que solicitamos que se retome a limpeza do mesmo na parte que é do noso Concello
8- En Fampousa , temos constancia dunha problemática cun arborado próximo as vivendas.
No último ano fixéronse varias reclamacións no Concello. Gustaríanos saber que ten pensado facer
o Concello xa que agora temos unha ordenanza que regula estas situacións.
9- En cantos os decretos aprobados gustaríanos que se nos aclarara os pagos feitos por
“asistencia a sesións primeiro trimestre”. Que se nos explique que sesións foron, fecha na que se
realizaron etc.
Tamén queremos que se nos aclare a “ liquidación de asistencias selección de persoal” e a
“liquidación asistencias grupo mixto de selección de persoal e alumnos Obradoiro Xallas- Dubra-
Barcala III. Si se realizou en horario de traballo, cantas horas se dedicaron, onde se realizaron etc,
xa que hai pagamentos individuais por valores de mais de 1277€, cantidade superior o salario
mensual de moitos funcionarios.
Este mes cúmprese a metade la lexislatura, e queremos recordarlle algunhas das nosas solicitudes
expostas en distintos plenos q a fecha de hoxe seguen sen facerse.
-A colocación de quitamedos na ponte do Muiño da Picona ( Corneira ), no camiño que vai dende o
campo de fútbol a Folgueira.

20. -O arranxo do socabón no Vilariño (casa Manolo da Chona).
-A colocación dun pasamáns na subida da igrexa de Corneira, así como unha mellora para acceder
a mesma evitando as perigosas escaleiras (Antiga entrada principal).
-Medidas urxentes, concretas, un plan de choque que poña freo á perda de poboación que sufre o
Concello.
- Queremos saber si xa se tomou unha decisión sobre o problema das cunetas en Marcelle no lugar
do Outeiro.
- Solicitamos que na entrada as escolas vellas se instalen unhas portas de peche automático.
- Que se amplíe o horario da biblioteca .
-Que se arranxen os taboleiros de anuncios que hai nas parroquias
-Que se quiten as rodas que hai tiradas na cuneta, á altura do nº10 no Espiño e se instale un
quitamedos.
- A retirada da maleza da área recreativa de Lañas
- A colocación da reixa no chan a entrada do no local social de Fiopáns.
- A instalación dun quitamedos na baixada de Buchaín
- Solucionar o problema na curva das Bousiñas (Ferreiros).
-O arranxo da entrada da pista Trascortellas na Carballeira, que ten un tubo en moi mal estado o
que dificulta a entrada dos tractores na mesma.
- A colocación dun espello para o cruce no lugar de Ferreiros
-O desatasque da tagea á altura do número 10 de Cotobade.
- A instalación dun espello para facilitar a incorporación dos vehículos á estrada xeral na saída de
Corneira (Casa de Roberto).
- Un plan de mantemento das cunetas e tageas das carreteras e pistas do Concello.
- Que se corrixa a forma de limpar as cunetas, xa que cada vez se está arrimando mais o asfalto
quedando as estradas mais estreitas.
- Arranxo do camiño da Bouza en Ferreiros ( tubos e zahorra)
-O cambio das marquesiñas en mal estado.

21. - En canto a obra que vai de Vilar da Torre a Vilar de Suso, solicitamos que se cemente canto antes
a subida cara o monte
-No Barro solicitamos o arranxo do camiño do Cotón Grande.
-Solicitamos que se tomen as medidas necesarias coa casa en ruínas en Gende.
- Que se suministre auga o local social de S. Cibrán
-Que se rematen as obras pendentes do POS e do PAS e se repoñas as sinais viarias en mal
estado.
E non habendo máis asuntos que tratar, o Presidente levanta a sesión, rematando o acto no lugar e
hora que se expresan no encabezamento. Dou fe.
O Secretario,
Celestino Amigo Liñares