LUGAR: casa do Concello da Baña DATA: 08 de novembro de 2017 HORA DE COMEZO: 14:00 h en primeira convocatoria HORA DE REMATE: 14:15 h.

1. 1
ACTA NÚM. 10 DA SESIÓN EXTRAORDINARIA DO PLENO DO CONCELLO DA BAÑA
LUGAR: casa do Concello da Baña
DATA: 08 de novembro de 2017
HORA DE COMEZO: 14:00 h en primeira convocatoria
HORA DE REMATE: 14:15 h.
ASISTENTES:
Alcalde: José Andrés García Cardeso
Concelleiros:
Manuel Tourís Fernández
José Manuel Landeira Liñares
Alicia Blanco Sande
Sandra López Fernández
Roberto Rial Calvo
José Antonio Pereira Gil
Jesús Manuel Pena Varela
Ana Paramos Cebey
Margarita Suárez Otero
César Ramos Domínguez
Secretario da Corporación:
Celestino Amigo Liñares
Antes de dar comezo a sesión o Sr. Alcalde explica que debido as obras que se están
levando a cabo nas oficinas da Casa Consistorial a realización do presente Pleno tivo que
levarse a cabo no Local Social e da Terceira Idade.
ORDE DO DÍA
Único.- Solicitude de inclusión de novos investimentos no POS+ adicional 2017.
ACORDOS
Único.- Solicitude de inclusión de novos investimentos no POS+ adicional 2017.
O alcalde dá conta da Circular de 23 de outubro de 2017, complementaria sobre a
elaboración do POS+ adicional 1/2017 por maior achega da Deputación, no que se dan

2. 2
instrucións para a tramitación de novos investimentos non previstos no Plan
Complementario.
Nunha primeira fase enviouse á documentación a documentación requirida para aprobación
de parte dos investimentos previstos no Plan Complementario, aprobados no seu día polo
Pleno. Dado que resultaba un remanente de 10.477,03 proponse unha subministración co
presuposto mínimo esixido polas Bases do Plan, de modo que aportando 7.704,77 de
fondos propios, para os que existe consignación suficiente, resultaría un investimento total
de 18.181,80 para o proxecto de subministración de sinais viarias para o concello da Baña,
conforme ao presuposto elaborado polo Enxeñeiro de Camiños D. Juan Carlos Carballeira
Rifón, que se incorpora ao expediente da sesión.
O Sr. Pereira comenta se en actuacións anteriores se contemplaban os quita medos de
Buchaín e Espiño. O alcalde manifesta que inicialmente pensaba que si, pero finalmente
non puideron incluírse. Así, pois, agora compleméntase a sinalización con este proxecto e
os sucesivos equipamentos necesarios acometeranse con medios propios.
O Sr. Ramos pensa que a proposta é correcta e que é algo que levan tempo demandando,
pero advirte que non se inclúen espellos en determinadas localizacións, tales como no
Barro. O alcalde explica que ese investimento contémplase en outro proxecto.
Pregunta o Sr. Pedreira se o proxecto pode ser modificado.
Explica o Secretario que unha vez incluído no Plan adicional, calquera modificación
substancial requiriría a aprobación do Pleno e da Deputación.
O Sr. Pedreira destaca que ao remate de todo a Deputación ten aportado case un millón de
euros en total.
Matiza o alcalde que en boa parte as cantidades liberadas proceden de retornos.
Sometido o acordo tipo a votación resulta aprobado por unanimidade dos asistentes.
Consecuentemente, o Presidente declara aprobado o seguinte ACORDO:
Solicitude de inclusión de novos investimentos no POS+ adicional 2017. O Pleno,
por unanimidade, acorda:
1.- “Participar no Plan provincial de cooperación ás obras e servizos de
competencia municipal (Plan único de concellos) POS+ 2017 Adicional 1/2017
da Deputación Provincial da Coruña, cuxas Bases se coñecen e aceptan na súa
totalidade, e solicitar a aplicación da maior achega provincial asignada aos obxectos que
se indican a continuación:

3. 3
A) Financiamento do pago a provedores:
B ) Financiamento de todos os investimentos financeiramente sostibles que se
solicitan nesta 2ª fase do Plan, tanto dos previstos no Plan Complementario
como dos novos:
Aprobar os proxectos das obras ou os pregos das subministracións incluídos no
POS+ Adicional 1/2017 que se relacionan nesta táboa.
C ) Resumo:
2.- Declarar que o concello ten a dispoñibilidade dos terreos, augas e servidumes para a
execución dos investimentos, e que ten resolto todo o relacionado coas concesións e
autorizacións administrativas que legalmente sexan necesarias.

4. 4
3.- Declarar que o concello ten crédito, de ser o caso, que se compromete a incluír no
orzamento municipal os fondos necesarios, para facer fronte á achega municipal aos
investimentos incluídos no POS+ Adicional 1/2017, se o concello voluntariamente realiza
algunha achega ao seu financiamento.
4.- Solicitar da Deputación Provincial da Coruña a delegación neste concello da
contratación e execución das obras ou subministracións incluídas no Plan, que se
entenderá aceptada si esta se produce efectivamente.
5.- Declarar que o concello non solicitou nin percibiu ningunha subvención doutras
Administracións públicas para o financiamento das distintas actuacións incluídas neste Plan,
e no caso de que existan axudas ou subvencións concorrentes doutras Administracións,
achégase o detalle de cada unha delas, acreditándose que a súa suma total non supera o
100% do seu importe.
6.- Autorizase á Deputación Provincial da Coruña a obter as certificacións da
Axencia Estatal de Administración Tributaria e da Tesourería da Seguridade Social nas que
se acredite que o concello está ao corrente nas súas obrigas tributarias e coa Seguridade
Social.
7.- Facultar expresamente á Alcaldía para todo o relacionado coa tramitación e xestión do
presente acordo e o correspondente expediente.
E non habendo máis asuntos que tratar o Presidente levanta a sesión á hora e na data que
se expresa no encabezamento, do que eu como Secretario, dou fe.