Ordenanza reguladora actividades e apertura de establecementos
ACTA NÚM. 7 DA SESIÓN EXTRAORDINARIA DO PLENO DO CONCELLO DA BAÑA
1. 1
ACTA NÚM. 7 DA SESIÓN EXTRAORDINARIA DO PLENO DO CONCELLO DA BAÑA
LUGAR: casa do Concello da Baña
DATA: 14 de agosto de 2017
HORA DE COMEZO: 14:00 h en primeira convocatoria
HORA DE REMATE: 14:30 h.
ASISTENTES:
Alcalde: José Andrés García Cardeso
Concelleiros:
Manuel Tourís Fernández
José Manuel Landeira Liñares
Alicia Blanco Sande
Sandra López Fernández
Roberto Rial Calvo
José Antonio Pereira Gil
Jesús Manuel Pena Varela
Margarita Suárez Otero
Ana Paramos Cebey
César Ramos Domínguez
Secretario da Corporación:
Celestino Amigo Liñares
ORDE DO DÍA
Único. Orzamento xeral exercicio 2017.
O Secretario dá lectura ao ditame aprobado pola comisión informativa de Contas, Patrimonio e
Persoal que se incorpora ao expediente da sesión.
O alcalde, tras unha breve consideración das cifras do orzamento, desexa destacar os seguintes
aspectos:
- Procúrase a eficacia e eficiencia. Outros concellos están en situacións complicadas que lle
impiden a execución de obras, xa que deben liquidar as débedas contraídas con acredores.
O concello da Baña tivo dificultades no pasado, pero neste momento temos un alto nivel de
investimento sostible.
- Existe equilibrio orzamentario
- Asúmense as obrigas derivadas dos conflitos sectoriais do persoal.
- Asígnanse 8.576 horas para servizos sociais en materia de dependencia, o que posibilitará a
atención a medio prazo con total cobertura.
2. 2
O Sr. Ramos sinala que quedan catro meses para acabar o ano e éste é un asunto moi importante,
pero voten o que voten, o resultado será o mesmo. Considera que as contas están ben elaboradas,
pero desexa facer algunhas consideracións:
- Os gastos de persoal ascenden ao 29 por 100 e un 2 por 100 os cargos políticos. Ademais
existen algúns gastos dubidosos, tales como vestiarios, material de oficina, etc. Sería
importante que tales gastos revertan na mellora do concello, dubidando que así sexa.
- En canto a instalacións deportivas, soamente se prevén 90 euros, se cadra porque se fai (o
cobro) en man. En canto ás actividades de gaita, nada máis que 50 euros.
- Os ingresos previstos para excursións xa foron criticados no seu día pola metodoloxía de
xestión dos cobros.
- En multas nada mais se consignan 20 euros.
Por todo iso, anuncia o voto en contra.
O Sr. Pereira manifesta que non son os orzamentos que querería o seu grupo e considera que
simplemente se casan gastos con ingresos, ademais de non recoller as súas propostas, por exemplo
en materia de saneamento. Sorpréndenlle algunhas partidas, tales como os 40.000 euros en
protección e mellora do medio ambiente en contraposición a 50.000 euros para festas populares e
festexos. Igualmente parécelle escasa a dotación para saneamento e sobre todo fomento de
emprego, tendo en conta a alta taxa de desemprego neste municipio.
Partidas como equipos e procesos de formación, incentivos e indemnizacións non benefician ao
concello. Non se consigna nin un euro para polígono, nin un euro para parar a sangría do
despoboamento... Por todo iso, votarán en contra.
O alcalde aclara que as partidas non son estáticas e por iso quedaron algunhas con consignacións
simbólica.
En canto ao saneamento, trátase da primeira fase, que atinxe á zona de San Mamede, pero xa hai
máis tramos executados e máis que se irán acometendo. En canto ao fomento do emprego,
explícase na memoria. Por outra banda, debe considerarse que hai outros plans financiados ao 100
por 100 por outras Administracións que non están recollidos inicialmente neste orzamento, tales
como o APROL rural, o Plan de emprego local, etc. En todo momento tratamos de axudar ao
emprego.
Ao Sr. Ramos quere recordarlle que sempre falou moito dos investimentos no colexio pero non os
aprobou no seu día.
Pregunta o Sr. Ramos cando non amosou o seu apoio.
Resposta o alcalde que o concelleiro abstívose na votación.
O Sr. Ramos manifesta que non lembra a votación, pero non esperará o alcalde que lle aplauda, sen
prexuízo de que en varias ocasións recoñeceu que se fixo un bo traballo.
O alcalde reclama un apoio unánime en todos os investimentos e opina que en calquera plan, todas
as obras que se fagan son plausibles e beneficiosas. Por iso non entende a abstencións, que ao seu
xuízo é como estar en terra de ninguén.
3. 3
O Sr. Pereira reitera as comparativas dos conceptos orzamentarios e manifesta que en 29 anos que
leva o alcalde exercendo o cargo, se investira 30.000 euros anuais, estaría resolto o asunto do
saneamento.
O alcalde di que coa depuradora, que beneficia a tres parroquias, investíronse seis millóns de euros.
O saneamento de Corneira, acometeuse con financiamento ao 100 por 100 de augas de Galicia.
Este ano, co POS +, a día de hoxe, perdeu o concello 146.000 euros con respecto ao ano pasado;
non dubida que os números son sempre discutibles e todas as opinións son moi respetables, pero
existe unha partida aberta para saneamento de núcleos, e se chega o caso ampliarase.
O Sr. Pedreira e o alcalde reiteran os argumentos anteriormente recollidos.
Sometido o ditame da comisión informativa de Contas Patrimonio e Persoal a votación, resulta o
seguinte:
Votos a favor: seis (6), grupo do partido popular
Votos en contra: cinco (5), grupo socialista e grupo mixto (CxG)
Abstencións: cero (0)
Consecuentemente, o presidente declara aprobado o seguinte ACORDO:
ORZAMENTO XERAL 2017. Visto o ditame da Comisión Informativa de Contas, Patrimonio e
Persoal, o Pleno, por maioría absoluta, acorda::
PRIMEIRO. Aprobar inicialmente o Orzamento Xeral deste Concello para o exercicio
económico 2017, xunto coas súas Bases de execución, e cuxo resumo por capítulos é o
seguinte:
ESTADO DE INGRESOS
CAPITULO DENOMINACIÓN PREVISIÓN
1 Impostos Directos 601.000,00
2 Impostos Indirectos 30.000,00
3 Taxas e Outros Ingresos 292.910,00
4 Transferencias Correntes 1.669.458,85
5 Ingresos Patrimoniais 1.600,00
6 Alleamento de Investimentos Reais 10.000,00
7 Transferencias de Capital 617.970,27
8 Activos Financeiros 0,00
9 Pasivos Financeiros 212.316,00
TOTAL INGRESOS 3.435.255,12
ESTADO DE GASTOS
CAPÍTULO DENOMINACIÓN PREVISIÓN
1 Gastos de persoal 996.291,18
2 Gastos en bens correntes e servizos 1.174.400,00
3 Gastos financeiros 3.000,00
4 Transferencias correntes 120.200,00
4. 4
5 Fondo de continxencia e outros imprevistos 80.000,00
6 Investimentos reais 1.061.363,94
7 Transferencias de capital 0,00
8 Activos Financeiros 0,00
9 Pasivos Financeiros 0,00
TOTAL GASTOS 3.435.255,12
SEGUNDO. Aprobar inicialmente o cadro de persoal, comprensiva de todos os postos de
traballo reservados a funcionarios, persoal laboral e persoal eventual.
TERCEIRO. Someter a información pública o Orzamento Xeral, as Bases de Execución e cadro
de persoal aprobados, por prazo de quince días, mediante anuncios no Boletín Oficial da
Provincia e taboleiro de anuncios do Concello, a efectos de presentación de reclamacións polos
interesados.
CUARTO. Considerar elevados a definitivos estes Acordos no caso de que non se presente
ningunha reclamación.
QUINTO. Por canto se ditou no seu momento a correspondente resolución de prórroga,
autorízase ao Alcalde para que dite as resolucións que sexan precisas, tendo en conta os
criterios sinalados pola Intervención municipal, para efectuar os axustes necesarios a efectos
do establecido no artigo 21 e concordantes do Decreto 500/1990.
QUINTO. Remitir copia á Administración do Estado, así como ao órghano competente da
Comunidade Autónoma.
E non habendo máis asuntos que tratar o Presidente levanta a sesión á hora e na data
que se expresa no encabezamento, do que eu, como Secretario, dou fe.