7-р ангиа дизайн технологи эмэгтэй

1. ХИЧЭЭЛИЙН СЭДЭВ:
Дэгээ зүүний сүлжмэлийн хонин
холбоо, давхарлах эгнээ гогцоогоор
бүс сүлжих
Боловсруулсан: “Титэм” сургуулийн дизайн
технологийн багш Ш.Пүрэвдулам

2. СУРАЛЦАХУЙН ЗОРИЛТ:
БАГАЖ ХЭРЭГСЛИЙГ ЗӨВ СОНГОЖ ХЭРЭГЛЭХ
СХЕМ ТЭМДЭГЛЭГЭЭГ ЗӨВ УНШИХ
ЗӨВ ТЕХНОЛОГИ ДАРААЛАЛ БАРИМТЛАН
ХОНИН ХОЛБОО БОЛОН ДАВХАРЛАХ ЭГНЭЭ
ГОГЦООГ СҮЛЖИХ
ХИЧЭЭЛИЙН ЗОРИЛГО:
ДЭГЭЭ ЗҮҮНИЙ СҮЛЖМЭЛИЙН
ХОНИН ХОЛБОО, ДАВХАРЛАХ ЭГНЭЭ
ГОГЦООГООР БҮС СҮЛЖИЖ СУРНА.

3. СЭРГЭЭН САНАЦГААЯ.
Дэгээ зүүний сүлжмэлд хэрэглэх гол багаж нь сүлжмэлийн утас, дэгээ зүү юм.
Торгон, хөвөн, ноосон, олсон, мяндсан зэрэг
төрөл бүрийн утаснуудыг ашигладаг.
Дэгээ зүүний дугаарыг зүүний толгойн
хэсгийн диаметрээр тодорхойлдог
Багаж хэрэгслээр ажиллах аюулгүй ажиллагааны дүрэм !!!
1. Дэгээ зүүг амандаа хийж болохгүй! Зориулалтын саванд хийж хадгалаарай!
2. Сүлжмэлийн утсыг гараар тасалж болохгүй. Хайчаар тасална уу!
3. Хайчийг бусдад дамжуулахдаа бариулаар нь өгөөрэй!
4. Хайчны амыг ангайлгаж тавихгүй шүү!
Дэгээ зүү, сүлжмэлийн утсыг тохируулахдаа дэгээ зүү нь сүлжмэлийн утаснаас
ойролцоогоор 2 дахин бүдүүн байх нь тохиромжтой байдаг юм шүү!!

4. БИДНИЙ ЗААВАЛ СУРАХ ЗҮЙЛ:
1. Анхны гогцоо үүсгэх арга:
Зургийг маш сайн ажиглаж, дарааллын дагуу сүлжээрэй.
Сүлжих дарааллын тайлбар:
1-р зураг: Дэгээ зүүний сүлжмэлээр сүлжиж сурахын тулд ажлын утаснуудын төгсгөлийг зүүн
гарны эрхий хуруугаар хавчуулж барина.
2-р зураг: Дэгээ зүүг өөрийн зөв гартаа барина. /баруун бол баруун гартаа, солгой бол зүүн гартаа/
3.4-р зураг: Долоовор хуруун дээр тохсон утсан доогуур зүүний дэгээг оруулан зүүнээс баруун
тийш үүссэн гогцоо үүсгэн эргүүлнэ.
5-р зураг: Үүний дараа дэгээний үзүүрээр долоовор хуруун дээр тохогдсон утсыг үүссэн гогцоон
дундуур дэгээдэн татаж гаргана.
6-р зураг: Үүссэн зангилааг чангална, утаснуудын үзүүрийг барьж байх хэрэгтэй.
1.
5.4.
3.2.
6.

5. 2. Хонин холбоо гогцоог сүлжих арга:
Зургийг сайн ажиглаад тайлбарыг нь уншиж, хонин холбоо
гогцоог сүлжиж сураарай.
- Хонин холбоо
гогцооны тэмдэглэгээ
Зургийн тайлбар:
1. Долоовор хуруун дээгүүр тохсон бөмбөлөгөн утсыг дэгээ зүүний дэгээгээр
дэгээдэн авна.
2. Дэгээдсэн гогцоог анхны гогцоон дундуур татан гаргаж шинэ гогцоо үүсгэнэ.
Энэ үйлдлийг давтан хонин холбоо гогцоонуудыг сүлжинэ.
1. 2.

6. 3. Давхарлах эгнээ үүсгэх арга:
Зургийг сайн ажиглаад даган сүлжиж давхарлах эгнээг сүлжиж сураарай.
1. 2. 4.3.
Зургийн тайлбар:
1-р зураг: Давхарлах эгнээг сүлжиж эхлэх бүртээ 1 хонин холбоо гогцоог сүлжинэ.
2-р зураг: Эгнээний эхэнд сүлжсэн хонин холбоог алгасан дараагийн хонин холбоо
гогцоо руу дэгээ зүүний дэгээг шургуулан долоовор хуруун дээр тохсон бөмбөлөгтэй
утсыг гогцоолдон шинэ гогцоо үүсгэн сүлжинэ. Зүүнд 2 гогцоо бий болно.
3.4-р зураг: Долоовор хуруун дээр тохсон бөмбөлөгтэй утсыг зүүнд үүсгэсэн 2 гогцооны
хоёулангийнх нь дундуур гогцоолдон татаж гаргана. Дээрх үйлдлийг давтан гүйцэтгэж
давхарлах эгнээг сүлжинэ.
×,+Давхарлах эгнээ гогцооны тэмдэглэгээ

7. Хичээлдээ ирэхдээ гүйцэтгэж ирэх
даалгавар:
1. Сурах бичгийн 63-р хуудасны Даалгавар
1-ийн зааварчилгааг уншиж, дэвтэртээ
бүсний схемийг зурж, Дадлага ажлаар
өөртөө зориулан бүс сүлжих
2. Дараах асуултанд хариулан дэвтэртээ
бичээрэй.
- Бүсээ сүлжихэд бэрхшээлтэй зүйл юу байв?
- Сүлжсэн бүсээ сайжруулах ямар боломж
байна вэ?

8.  Сүлжмэлийн хувьд хамгийн гол зүйл бол
дадлага юм. Та хичнээн их сүлжих тусмаа
улам сайн сүлждэг болно.
 Зорилгодоо хүрэхийн төлөө зөв бөгөөд
хурдан бас гоё сүлжиж сураарай.
ТА НАРТАА АМЖИЛТ ХҮСЬЕ!!!