1. LADHE WUNA
Oleh: Wa Ode Irawati U.
Dhamani wawono, te liwuntomu witeno wuna nando seghonu lambu dokonae
kamali be dhumaganie semie omputo nokonano Omputosangiano wuna, neano La
Ode Husaeni. Omputusangia nohakui Omputorimbi padamo nokawinie salamponano
fitufulu fitu taghumu. Sesegholeo, Omputosangia dowuleane be aru-aruhino
okafehumpuha maitu. Norato sewakutu karondoha, Omputosangia nongkora we
kamali kafewulehano tamaka Omputosangia minaho dokoana. Anoa nofikirie
namedahae sodokoanagho, no wule no fikiri tandano tano lodo rampano nobalamu
alo.
Rato nomentae, Omputosangia nopoghawawo barita neneangkano welo kamali
nandomu mie mengkaratono maeghono we Arabu be patudhuno mefolilino agama
Islam. Neano saudagar itu Saidhi Raba. Omputosangia notudu ana buahino sobasi
Saidhi Raba rampano Saidhi Raba nodhagani nepandehauno. Pada itu niontagi
oraja welo kamali, ana buahino nosulimo ne kamali nadha sikalaha be Saidhi Raba
nosuli moisano. Omputosangia nomara rampano mina narumato Saidhi Raba. Ana
buahino itu nobisaragho rampano Saidhi Raba nanahumunda nokumala we lambuno
Omputosangia rampano Omputusangia nepiara o wewi, Saidhi Raba mina nokumala
rampano notimbula wewi ane welo agama Islam no haram.
Bemkaratohano Saidhi RabA, Omputosangia no relamo nofifelei wewino
sumano nopoghawa be Saidhi Raba. Notudu tora ana buahino namoghawagho
Saidhi Raba. Kapandano gholeo, noratomu Saidhi Raba we lambuno. Nofenagho
noafa Omputosangia noniati namena fikirino Saidhi Raba, pasino nopondeimo
nokomohea agama Islam se witeno wuna. Pakatandano, Omputosangia notudu
Saidhi Raba sa nabasa we totono lolono. Saidhi nobisara, Omputosangia nopindalo
nokoana rampano mie lambuno noghafa. Nobasamo doa Saidhi Raba nesalo
nekakawasa tamak minahu notarimae, Saidhi Raba nobasa doa ferapakumo maka
notarimae. Miendo lambuno Omputosangia no pangidamo be nobalamo taghino.
Oputosangia nopesuamo agama Islam rampano notumpu lalono nobalamo taghimo
miendo lambuno. Naho nasumuli nobisara Saidhi Raba ne Omputo, rohi welo
kandungano ituokasalo-salo nekakawasa rampano umuruno mieno lambuno
notughamo.
Wambano Saidhi Raba dhadhi fikiri Omputosangia. Noratumu wakutuno
sokalentehano anano Omputo. Nokotughumu wambano Saidhi Raba. Anano nolente
sebera manusia sebera ghule dokonaemu neano Adhe wuna (La Ode Wuna).
Omputosangia nobela lalono nowora anano, ano notarimae rampano maeghonomu
wekakawasa. Sesegholeo, pedahae ane norato tamu maeghono we Bugis be
Minanggkabau, anano sadhia nefebunie welo guci rampano noambanu.
Ompulu lima taghu tewise, La Ode Wuna nobalamo. Notandamo dua nopogau

2. be kalambe welo kamali. Adh Wuna nopindalomu dua noguma semia robine,
nobisaramo ne Omputo tamaka Omputo nanamindalo ane Adhe Wuna noguma.
Sampe norato segholeo, Omputo nobutuemo so Adhe Wuna noghomoroemu
rampano noambanu. Omputo noghoroe Adhe Wuna we onggumora we pola, be
bakuluno fatofulu fatoghonu ghunteli be fatofulu fatoghulu katupa.
Fatofulughami doghoroe we onggumora, La Ode Wuna nohoro telani be norende
badhano be nobisara inodi ahoromu telani. Sampe ampahiaitu, omieno liwu minamo
damendahane bahi nehamai Adhe Wuna, maka nando dua nobisarana nohoro we
Ternate. Meindo Wuna, dokonahae La Ode Wuna semie mandahauno kanandono.
Dhadi, miendo Wuna doghondofane Adhe Wuna rampano mie barakati, rampano
hamai nobesarane nokotughu.