1. TULA-TULANO SAIDHI RABBA
Dhamani wawono naandomo katudu maighoo we witeno Arabu dorudua Sye‟
mbali fofogurughoono dhalamino kaislamu maanano ne witeno Wuna ini. Nendo
Sye‟ nagha, semie neanoa Saidhi Rabba, semie neano ne Wolio inia dokonae
Bhatua Poaro. Kandiho dokonae Bhatuo Poaro rampahano noere maitua noangka
bhatini. Dadi neano sakotughuhano we witwno Arabu dokonae abudhu Wahidi.
Dameremo kaawu Sye‟ maitu dopobhotumo deki. Aitu welo kabhotundo maitu
konae tana siua wula siua gholeo dapoghawamo we witeno Wolio. Dadi nofeenamo
Saidhi Rabba ini, bhahi daahae sodapointagighoo madakaawu. „Aitu sadapoghawa
kaawu, aekabusaki hulamu, so omeena kanau ; hintumo itu sabhangka?
Amohundaangko kireku, maananoa inodimo itu.”
Pada kaawu dopobhotu nagha doeremo. Saidhi Rabba noere nosawi ne kapusuli,
rato Abdhu Wahidhi nomate.
Dadi welo kaereno nagha Saidhi Rabba inia nopee we napano Walengkabola.,
we napano Laghontoghe, welo kamotugha we liwu ngkodau. Nenaghamo bhaabhaano dhalano kaislamu ne wuna ini. Nofoguruandamo kaislamu miehino
Laghontoghe ini, nofoguruanda alahano oendo bhe alano wakutu. Dopokapokapoimu dua maanano mie ne liwu mbali defoere maasigi so kasambahaeaha liu.
Dadhi wakutuu anagha te Wuna noparintae nekonando Sangia Latugho,
Omputo Sangia Latugho. Sewakutuu Sangi Latugho ini nopakatu kaowilino nemie
popaano kaparasaeano dakumala we Laghontoghe so dabhasi Saidhi Rabba nammai
te Kamali. Wakutuu amaitu, Saidhi Rabba mina namai rampano nofekiria sangia
latughoo nepiara wewi.
Nobisaramo saidhi Rabba nemie kaparasaeano sangia latugho maitu,” nembali
amai te kamali, wewi kapiarano sangia latugho damogampiemo”. Dosulimo mie
poaano maitu damoratoghoo pogauno Saidhi Rabba ne sangia lataugho.
Nofetingke anagha, sangia latugho kansuru nofokala wewino, tanerunsa kaawu
fatao ghulu. Raaghulu wewi moghane dokonae apogelo bhe apulangkati, ane wewi
robhine dofokoneaane wa kambadidi bhe wa kamba wite. Nenomo kadadi aini
nembali bhatata welo kaago-ago te Wuna.
Pada kaawu nofokala kadadi nepiarano maitu, sangia latugho notudumo tora mie
neparasaeahino damorato saidhi Rabba,”ane namenakoomu Saidhi Rabba,
bisaramo padamo afofuleie kadadi nepiarakua”. Mahingga pedamaitu, saidhi
rabba mina tanakumalamo du ate Kamali, maka tanowaagho kadeki wite ne sangia
latugho sonamekangkiloghoo Kamali.
Pada kaawu dofekangkilo Kamali, doratomo tora dakumaapi Saidhi Rabba, aitu
Saidhi Rabba nohundamo. Norato te Kamali, Saidhi Rabba nowuramo mieno lambu
sangia latugho nokamokulamo bhe nokoghua-ghua, tamaka mina dakoanaa.

2. Kabaruno sangia latugho ampa paratoha saidhi Rabba maitu. Nefebasaghoomu
dhoa deghawagho anahi peda dua bhaindo.
Nowura mieno lambu sangia latugho maitu, saidhi rabba tanokamboi. Nowura
kadhadhia amaitu sangia latugho nofenembuso bhe nopogau,”sooku mina bhe
kakaeno Saidhi Rabba ini, gaara naando dua kakaeno”.
Dadi noambanoanemo dua pogauno sangia latugho ini saidhi rabba. “Ane
pedaanagha sangia meala oe akumadiughoo mieno lambuno sangia ini. Pada kaawu
nokadiu mieno lambuno sangia ini, kansuru notibhali pasaeno kalambe kabua-bua.
Pada anagha nebasaandamo dhoa. “Aitughoghondo kanau sangia, pontokanau
bahahi nehamai noturu luuku. Barangka natumuru ne soanaku naseturu, maananoa
somobghane anamu. Barangka natumuru ne kemaku naseturu, maananoa
okoanaghoo robhine. Barangka natumuru koraawetahae, maananoa okoanaghoo
kalopo, moghane bhe robhine”.dhadi wakutuu notafakuru nebasa dhoa nagha
saidhi rabba inia notontoe sangia latugho ini nopoangka noturu luuno matano
Saidhi Rabba ini, nesuanano.
Pada kaawu nebasa dhoa nofeenamo saidhi rabba bhahi daahae newurano
sangia latugho inia. Nopogaumo sangia latugho ini, konae nesuana tumuruno
raaturu nopoangka.
Nopogauo saidhi rabba ini: “Aitu pedamo nepogaughooku aniini, dadi mada kaau
anoamu omoghane darusua. Aitu akumonaandamo idi neandoa. Dadi o isa
amokoneae Hasani, rato oai amokonae Husaini.
Nofoguruandamo dua kaislamu Saidhi Rabba ini tae wuna nofoguruandamo
ngadhi maanano sambahea, bhari-bharie dhalangino kaislamu nofoguruanda.
Dofoeremo dua maasigi te wuna maitu. Norato kaawu tantuno wakutuuno.
Maanano kapodhandihano bhe Abudhu Wahidhi inia, tanaseghole Saidhi Rabba
inia noeremo te Wolio so napoghawaghoo abudhu Wahidhi ini.
Maemo dua anagha nerunsa pogau Saidhi Rabba inia, konae nefogurughoono ini
maanano kulino kaawu kaislamu, mada kaawu naando semie Sye‟ tora sorumatono
we Wuan ini somoguruanda ihino kaislamu. Nepatudhughoonomu Abudhu Wahidhi.