Сайн байна уу. Иргэд, хэрэглэгч, аж ахуйн нэгж байгууллагууд Та бүхэндээ 2020 оны мэндийг хүргэе.
Шударга өрсөлдөөн, хэрэглэгчийн төлөө газар нь 2019 онд “Хариуцлагатай хэрэглээ – Хэрэглэгчийн эрх”-ийн жилийг зарлан амжилттай хэрэгжүүлэн ажиллалаа.
2020 оныг “Зах зээлийн өрсөлдөөнийг дэмжих жил” болгон зарлаж аж ахуйн нэгж байгууллагуудын зах зээлд чөлөөтэй, шударга өрсөлдөх орчин нөхцлийг бүрдүүлэх зорилтыг тавин ажиллахаар боллоо.
Ингээд Та бүхэнд Монгол Улсад шударга бус өрсөлдөөнийг хянан зохицуулах алба үүсэн байгуулагдсаны 15 жилийн ойн хүрээнд бэлтгэн гаргасан агентлагийн 15 жилийн ололт амжилтын түүхийг багтаасан “Түүхэн товчоон” номыг танилцуулж байна.
Тус номонд байгууллагын түүхэн хөгжил, удирдлага, хамт олны ололт амжилт, үйл ажиллагааны тайлан, судалгааг тоймлон өгүүлэхийн хамт Хэрэглэгчийн эрхийг хамгаалах тухай хуулиар хүлээсэн чиг үүргийг хэрэгжүүлэн ажилласан 10 жил, Өрсөлдөөний тухай хуулийн чиг үүргийг хэрэгжүүлж ажилласны 15 жилийн тайлан, илтгэлийг нэгтгэн уншигч таны мэлмийд өргөн барьж байгааг хүлээн авна уу.
УТАС: 1800-1284
ШУДАРГА ӨРСӨЛДӨӨН, ХЭРЭГЛЭГЧИЙН
ТӨЛӨӨ ГАЗАР