1. A familia
Ciclo superior: 5.º e 6.º de primaria (10-12 anos)
Programa School to School
Introdución previa para o profesorado
O programa “School to School” propón un intercambio cultural entre as escolas es-
pañolas de educación primaria e as escolas do mesmo nivel na India. A través deste
intercambio, o programa busca que os nenos e nenas tomen conciencia das desigual-
dades e aprendan valores de solidariedade e de xustiza social.
Neste tema indagaremos e coñeceremos mellor como viven as familias da India rural, afondando nos
seguintes aspectos:
• Como son as familias da India rural e cal e o seu día a día.
• As tradicións familiares.
• Os roles dos homes e as mulleres na familia e na sociedade, e as desigualdades de xénero que se
producen.
Obxectivos:
• Dar a coñecer a realidade da vida diaria entre a India rural, e aprender a respectar as diferenzas que
non supoñan a violación de ningún dereito humano.
• Coñecer tamén as desigualdades que existen por motivo de grupo social (clase e/ou casta) e de sexo,
e aprender que tamén se dan no noso país, aínda que sexa a través de manifestacións distintas e en
diferente grado.
• Aprender en que medida podemos contribuír a combater as situacións de desigualdade que aínda
existen na nosa sociedade.
• Reflexionar sobre os estereotipos de xénero e evitar seguir perpetuándoos.
Desenvolvemento do programa:
Para expor este tema na clase, o profesorado conta cunha presentación de diapositivas comentadas,
que pode expor durante unha clase dunha hora. Ademais, pode elixir as actividades que lle parezan
máis axeitadas entre as catro propostas, para que o alumnado traballe e reflexione sobre os aspectos
tratados, á vez que prepara o material que enviará á escola da India. As actividades teñen un carácter
sobre todo plástico, pero poden adaptarse ás características de cada grupo.