1. ALBA GÓMEZ SEIJO
Ola Pavani son Alba, unha das alumnas que te apadriñou. Teño 16 anos e
vivo en Montelongo, na parroquia de San Fiz, no concello de Monfero, na provincia
de A Coruña, en Galicia (España). Na miña casa vivo con meus pais e miña avoa,
non teño irmáns nin irmás. Teño dous canciños , chamados Toby e Lula. O meu
?
tesouro e a miña cadela Lula, é pequena co pelo curto e cando esta contenta move
a cola. Tamén teño vacas.
O noso colexio ten poucos alumnos, pero é moi grande. Á escola veño todos
os días en bus. Eu participo en todas as actividades que realizamos sobre a
Fundación Vicente Ferrer. E tamén en outras actividades como o día de San
Valentín, día da Paz….
A min encántame a música, andar en bicicleta e a natación. A miña cor
favorita e o verde. Estou aprendendo a tocar a guitarra. A ti que che gusta?
A min gustaríame ser enfermeira, e a ti?

2. LORENA VARELA INFANTE
Ola Pavani, son Lorena, unha das túas madriñas. Teño 16 anos e vivo en Galicia
(España). Estou estudando nunha escola secundaria e gustaríame ser perruqueira. Vivo coa
miña nai, coa miña irmá pequena e cos meu avós.
Na nosa clase somos 5 alumnos e levámonos moi ben. Soamente hai un neno, Iván.
Gustaríanos mandarche un pequeno regalo a ti e aos teus amigos. Cantos nenos e nenas
sodes na túa clase?
Estamos moi ilusionados co teu apadriñamento. Dende fai anos estamos colaborando
coa fundación Vicente Ferrer. Na nosa escola, realizamos actos solidarios para recadar
diñeiro e envialo á fundación para erradicar a pobreza.
A min gústame moito a cor azul, cal é a túa cor favorita? Nos aquí xogamos cando
temos tempo, e a min gústame xogar coas miñas amigas e cos meus amigos. A nosa
profesora chámase Verónica. E ela axudounos a poder levar a cabo o teu apadriñamento.
Espero recibir noticias túas. Unha aperta e un bico,

3. MARÍA SANTAMARIÑA RUÍZ DE LEÓN
Ola Pavani, eu son María e son una das nenas que axudou a te apadriñar. Escríboche esta
carta para falarche da miña zona, de onde vivo, de que é o típico aquí, é dicir para que me
coñezas un pouco. Ben, pois teño 15 anos e estudo en Monfero, A Coruña, Galiza, España nun
colexio grande pero que comparado aos colexios normais ten poucos alumnos. Na miña clase
somos 4 nenas e un neno que tamén che escriben una carta. Vivo no campo, rodeada de árbores
cos meus pais e co meu irmán, aos que lles fixo moita ilusión que te apadriñaramos. Teño un can
grande e con moito pelo e aquí tamén hai vacas, pero non son sagradas. Estou aprendendo a
tocar o piano a guitarra, a frauta, a pandeireta e o xilófono. Encántanme a música e a natación.
Cando sexa maior gustaríame ser unha tradutora profesional. Que é o que che gusta a ti? No meu
colexio facemos charlas sobre a vosa cultura, a hindú, grazas á Fundación Vicente Ferrer.
Unha aperta, María.
MEU CAN BEETHOVEN

4. IVÁN TORRADO MORADO.
Ola Pavani, que tal? Nós estes días estamos dando charlas sobre a vexetación da India, o
clima, a paisaxe… Nós na nosa clase somos cinco persoas ,una clase moi pouco númerosa para a
zona onde nos vivimos. Cantos sodes na vosa clase? Seguro que algúns mais. A min o que máis
me gusta é montar a cabalo e tamén me gusta moito montar en bicicleta. A ti que e o que máis
che gusta? Eu vivo nunha zona moi pouco habitada. Na nosa casa somos cinco persoas e vivimos
da gandería. Na nosa casa estamos eu, o meu irmán, a miña nai, o meu pai e a miña avoa. Eu son
o único rapaz da clase, chámome Iván . Nós apadriñamoste porque pensamos que necesitades
de unha mellor educación e mellor calidade de vida .Todos estamos moi ilusionados por
apadrinarte. Do que eu quero facer no futuro non che falo porque aínda non o teño moi decidido .
Agora déixoche, que non teño nada máis que contar.
Un beso e unha aperta. Iván