7. Unha paisaxe de paz, de inverno ou de outono, ou de calquera estación, un mar de paisaxe, de puntillismo, deportiva, paisaxes
prehistóricas, xogos da paisaxe, paisaxes que falan, que contan, que soan, que fan pensar ou quizais soñar, paisaxes de aquí e
acolá, andainas polas paisaxes, paisaxes para correr, para debuxar, para completar, para crear, para aprender, tamén para
saborear, paisaxes para ler e escribir, paisaxes para investigar, para fotografar, paisaxes para unha e mil cousas máis, paisaxes
para….CAMBIAR!!!
Si, si, rapaces para cambiar! Despois do Entroido comezamos a cambiar a paisaxe do cole. Tal e como suxeriron moitos
compañeiros e compañeiras imos transformar dous recantos do noso cole: o que está a carón do invernadoiro e o que vedes
cando pasades ao ladiño da antiga casa do conserxe. Para isto, contamos coa axuda do papá dun alumno do cole que tamén
nos axudará a realizar algún obradoiro para ir coñecendo mellor as plantas que nos rodean, as súas características e coidados.
Estades xa preparadas e preparados? En breve, poñémonos mans á obra!!!
Ata entón, envíovos un saúdo…eu xa estou pensando no meu disfrace de Entroido, e vos?