.

1. CHARLA SOBRE O CINEMA
Comezaremos cuestionando que é para nós o cinema.
A perspectiva sobre o cinema será dende a postura do espectador, público e consumidor de cine.
Explicaremos o mundo do cine máis afastado do espectador: que ocorre detrás e durante unha rodaxe e
nos estudios de gravación de cine.
Onde, quen e como se fai cinema!!
O cinema nace en París no ano 1895.
Faremos un pequeño xogo de desinhibición para que comprendan en primeira persoa o significado da
palabra
“CINEMATOGRAFÍA”
kiné/ movemento + grafos/ imaxe = imaxe en movemento
Cunha cámara sacarémoslle diferentes fotografías en movemento a algún voluntario. Logo
visualizarémolas rápido para que detecten como se xera movemento a través de diferentes imaxes.
Falaremos moi por enriba sobre a evolución da tecnoloxía e como esta foi afectando directamente ás
producións cinematográficas:
- Ao principio filmes mudos e en branco e negro
- Logo filmes con son
- Apareceu a cor
- Xurdiron os efectos especiais
- E con elo os diferentes xéneros e formas de expresión cinematográfica que coñecemos hoxe en día como
a animación, a plastilina, os documentais, programas de tv, series, curtametraxes e longametraxes entre
outros moitos.
Repararemos no concepto de EQUIPO:
A. Equipo Técnico
1. Productor/a: encargado da organización e realización e do filme. En base, o que consigue o diñeiro e
firma contratos para poder empregar espazos, comida, actores...
2. Guionista: crea e escribe a historia que se quere contar no filme.

2. 3. Director/a: encargado/a de dar as pautas e direccións necesarias aos actores/actrices e ao resto do
equipo.
4. Sonidista: encargado/a de recoller todos os sons e de crear a música/banda sonora e o ambiente sonoro
do filme.
5. Operador/a de cámara: encargado/a da imaxe, planos e fotografía do filme.
6. Director/a de arte: encargado/a da estética, maquillaxe, decorados do estudio de gravación e dos
diferentes espazos…
7. Scrip: encargado/a de controlar todos os problemas en plató, se tes algunha pregunta tes que
preguntarlle a el/ela ante de nada. Man dereita do director. Claquetista e control de “fallo de racord”:
Explicar o “fallo de racord” a través dun xogo = as tres diferenzas (deberán pechar os ollos e detectar que
cambiou na sala)
8. Montaxe: organiza todos os vídeos gravados e ordenaos. Copia e pega. Encargase da dramaturxia.
Deixar claro que non só unha única persoa ocupa cada un destes cargos. Existen moitos axudantes igual de
imprescindibles.
B. Equipo Artístico
1. Actores/actrices: encarnamos os personaxes. Falar da miña experiencia e facerlles ver que é unha
profesión coma outra calquera, que poden probar, estudar e desfrutar. Falar con eles sobre as emocións e
o entender ao outro. Se tes que facer un personaxe malo tes que intentar descubrir as razóns de porqué é
malo, non debemos xulgar a ninguén de primeiras.
2. Dobres: escenas de risco, especialistas en loitas, saltos…
Ninguén é máis importante que ninguén nunha produción audiovisual. A pesares de existir cargos de maior
responsabilidade, todo o mundo é necesario para facer o filme. Deberán de afianzarse no concepto de
“traballo en equipo”.
Ao rematar unha película, aparecen os “Créditos”. Explicar brevemente o que son e o que simbolizan. É
importante ter en conta a todas as persoas que aportaron o seu pequeno ou enorme gran de area para

3. facer a película, e debemos de valorar o traballo de todo o mundo que está detrás da pantalla. Os
actores e actrices soen levar, tristemente, toda a fama e felicitación pola película, cando o traballo
reside en gran parte no outro 99% de persoas que participa no filme.
Mans á obra!
Quen se atreve a facer do espazo no que esteamos un plató de cine??
Cada neno e nena ocupará un dos cargos dos falados anteriormente para que comprendan en
primeira persoa a responsabilidade que supón ser calquera persoa integrante dun equipo de
gravación.
Entre todos acordaremos que tipo de mini-filme quereremos facer. Así pois, repartiremos os papeis
que desenvolverá cada un deles e organizaremos o material que se precisa para exercer ese rol e
responsabilidade dentro do equipo.
- Productor/a: persoa responsable de atopar todo o material, espazo e actores/actrices necesarios
dentro das nosas posibilidades.
- Guionista: persoa que nos dea a idea orixinal que deberán de interpretar os nosos actores e
actrices.
- Director/a: deberá de conducir aos actores e actrices sendo crítico e esixente. “Tres e acción!!”
- Sonidista: (contaremos cun equipo de gravación de son que poderá empregar) persoa encargada
en gravar todo o son da escena. “Son grava”
- Operador/a de cámara: (contaremos cun trípode e unha cámara que poderá empregar) persoa
encargada de gravar a escena. “Camara grava”
- Director/a de arte: (contaremos con algo de roupa, maquillaxe, unha brocha e pos translúcidos
para que poida empregalos) persoa encargada de decorar e tomar todas as decisións estéticas da
escena. Deberá de repasar con pos aos actores/actrices sempre que se comece a gravar.
- Scrip: (contaremos cunha claqueta e cun xiz) encargarase de levar a conta das escenas e deberá de
resolver calquera dúbida que teñan os seus compañeiros de traballo. “Son??...”, “Cámara??...” e
“Previdos...”
- Actores/actrices: deberán de tentar axeitarse ás direccións do director/a
- Dobres: no caso de que os rapaces e rapazas elixan facer unha “escena de risco” deberá de existir
alguén que salvagarde a vida do actor/actriz principal.
Para rematar faremos unha rolda de preguntas co tempo que sobre e animaremonos a que
desfruten de actividades artísticas e creativas sempre que poidan, como o é o teatro.