1. Haa hafuun yaada ofii dhoksaatti nama hambisa
Kufinnaan sodaa fagoo mataan nama gombisa
Akka alagaa yaadanii dhibee namaa hin aadani
Horii manatti hidhanii maal bakkee barbaadanii
Haadha manaa alagoomtee abbaa manaa jibbitu
Durba qeerroo ofii dhiiftee qolee ormaattii sirbitu
Kan duubaan gufuu baatee fulduraan nyaara guuru
wal marartoon dhabamee foon foon isa gurguru
Bara qomoon koo of jibbe alagaaf quba laatu
haadhoo isaa laphee dhiitee orma saggootti baatu
Garuma tokkoo ba’ee harma haadha tokkoo hodhee
Kun abaaramnaani malee maaltu diina isa godhe
Kan obbolaan wal jibbe ilkee alagaan wal nyaatu
Haadhoo dhiiga isaa jibbee diinatti wal hamatu
Haadha boosse maraattu maa wal nyaattu ilmaan koo,
Bu’aan cabee eelamuu kanadhaa qabbannikoo ?
Kanan isiniif jedhee haadha ormaatiin jibbamee,
Isin guudisuuf jedhee gidiraan gidirfamee,
Akka jedhan dhagayee sarmuu daddhabee miti,
Isin guddisuuf jedheen ta’uu dide albaadhettii,
Ilmaan koo ……
Ilmaan koo na hin gubiinaa
Booyee booyee fixadhe ija koo na hin jaamsiinaa
Humna na dhoowwitanii mogolee nahin buusiinaa.
Jechaa bara haati ofii itti boqonnaa hin qabne
Abshaalummaa fakkaatee bara itti gowwomne
Booya harmee ofii arguurraa otuu dhaloota hafne
Jennaegaa nutis booddee badii ofumaa dalagne
Harmeeimaanaakee…… ( Muleta Totoba
2. Maal taatan ilmaan koo maaltu adda isin baase
Mee maalan isin godhe maal kootu isin aarse
Sinitti dadhabee laphee koo of cabsee
Ceephoo fi gidiraa hedduu isaa obsee
Naa jabaattu jedhee hamlee of jabeessee
Dheebuun hin miidhamiin jedhee sin obaasee
Har’aa jibbaa akkasii maaltu isin barsiise
Maaloo yaa ilmaan koo maaluman balleessee ?
Yaa waaq araar araaarrrrr harmee dur innaa AB..n jiru,
Homtuu asii… achi… jedhee wal hin hiru
AB..n deemuun isaa baay’ee nu hubeera
Harme AB..n ammahoo amma ammaa eessa jiraa ?
Koottu mee mucaa koo mee waayin sitti himaa
Kan waaqni kun beeku dhugaa isa ganamaa
Kan an siif fira jedhu haadho wal lolchiisa
Yeroo isin wal dhiiksitan maal ta’eetu callisa
Osoo haadhoo keessan ta’ee silaa isin araarsaa
Anis kan dhale beeka kana dhugaan isaa
Beeka anis dhalakoo dubbii isa kana
Hin booyiin AB..etis ni dhufa barana