2. Տարածված է Հարավային Վենեսուելայում և Հյուսիսային
Բրազիլիայի Ամազոնաս նահանգի շրջաններում: Նրանք ոչ մեծ
չափերի են, մոտավորապես՝ կատվի չափ: Մեծերի կշիռը 800-1200գ.
Է, մարմնի երկարությունը գլխի հետ միասին կազմում է 24-27սմ,
իսկ պոչի հետ՝ 22-42սմ: Պոչը փափուկ է, իսկ երիտասարդները
իրենց պոչի օգնությամբ կարողանում են բռնել նաև: Դուրուկուլի
մեծ ու դուրս պրծած, արտահայտիչ աչքերի պատճառով նա
նմանվում է բվի, որի համար էլ նրան հաճախ անվանում են նաև
«Բվակերպ կապիկ»:Այս կապիկները բնակվում են ծառերի վրա,
բայց բարձրություն չեն սիրում և նրանց կարելի է տեսնել ծառերի
ավելի ցածր հարթակներում: Բվերի նման նրանք ևս կարող են
շարժվել անձայն և հասնել իրենց թիրախին: Սնվում եմ ծառերի
պտուղներով, տերևներով, ինչպես նաև՝ կենդանական սնունդով
(մանր թռչուններով, չղջիկներով, միջատներով), որոնց նա բռնում է
թաթերով՝ բռնելով թևերից: Թարմ խմելու ջրի կարիք նա չի
ունենում, քանի որ օգտվում է երիտասարդ բույսերի
խոնավությունից, ցողից:
3.
4. Այս կապիկների ակտիվությունը սկսվում է մթնշաղից մի
քանի ժամ հետո և շարունակվում է մինչև լուսաբաց: Ցերեկը նրանք
քնում են ծառերի փչակում, բայց քանի որ իրենք բնույթով
հետաքրքրասեր են և շատ զգայուն, ապա ինչ-որ ձայն լսելուն պես՝
արթնանում են և հետաքրքրված գնում դեպի ձայնը, որի պատճառով
էլ այս կապիկները հեշտությամբ որսվում են մարդկանց և վայրի
կենդանիների կողմից: Դուրակուլները իրենց 4 վերջույթներով
հեշտությամբ և արագ վազում են, թռչկոտում, իսկ պոչն
օգտագործում են հավասարակշռության համար, ինչես նաև
հանգստի ընթացքում ծառերի ճյուղերը բռնելու համար: Դուրուկուլն
ապրում է ընտանիքով՝ արու, էգ, տարբեր տարիքի ձագեր:
Ընտանիքը աշխատում է լինել միասին և չհեռանալ միմյանցից 10 մ
հեռավորությունից: Բացի այդ նրանք քնում են մեկմեկու հպված:
Պրիմատների դասի մյուս խմբերի համեմատ՝ նրանք հազվադպ են
հետևում իրենց մորթու մաքրությանը: Նրանք տարածքային
կենդանիներ են, ընտանեկան տարածքը կազմում է 3-10 հա:
5.
6. Դուրուկուլները իրենց մեզով ցողում են իրենց տարածքի
սահմանները, դրանով լվանում իրենց թաթերի տակը, ինչպես նաև՝
իրենց տարածքի ծառերի ճյուղերը: Եթե 2 խմբեր գտնվում են նույն
տարածքում, օրինակ՝ միևնույն պտղատու ծառի վրա, ապա սկսում
են ցուցադրաբար բարձր ձայներ հանել, թռչկոտել՝ բարձրացնելով
ոտքերը և պատրաստվել կռվի: Այսպիսի վիճակը տևում է մոտ 10 ր,
որից հետո 2 խմբերից ոչ մեկն էլ չի հաղթում և ամեն մեկը քաշվում է
իր տարածքը: Տարածքը պահպանելու համար նրանք արձակում են
նախազգուշական ձայներ, երբ նկատում են իրենց տարածքին
մոտեցող խմբերին: Գիշերները արձակում են նաև հատուկ ձայներ
(որոնք նման են բվերի ձայներին), որպեսզի գրավեն իրենց
զուգընկերոջը:
7.
8. Դուրուկուլների ձայնը շատ բարձր է, քանի որ ունեն լայն
շնչափող և կոկորդի օդային պարկեր և ձայները նմանվում են կատվի
մլավոցին, շան հաչոցին ու յագուարի մռնչոցին:Բազմացման համար
հատուկ շրջան և եղանակ չկա: Հղիությունը տևում է 133 օր:
Հիմնականում ծնվում է 1 ձագ, հազվադեպ՝ 2: Նորածնի քաշը
մոտավորապես կազմում է 98գ: Սկզբնական շրջանում ձագուկը
կախված է լինում մոր փորից, իսկ հետո՝ մեջքից: 10-օրյա խնամքից
հետո նորածնի խնամքով սկսում է զբաղվել հայրը՝ արուն և, մորը
տալիս է միայն կերակրելու ժամանակ: Մնացած կապիկների հետ
համեմատած՝ դեռահաս դուրուկուլները քիչ են խաղում: Կրծքով
կերակրվելը տևում է մինչև 2,5 ամիս: Նվազագույն ընդմիջումը
ձագերի միջև կազմում է 150 օր: Սեռական հասունության
դուրուկուլները հասնում են 3 տարեկանում:
