1. KIRIKIÑO IKASTOLAKO EUSKARA BATZORDEA
Aurkezpena
Kirikiño Ikastolako guraso talde batek osatua dago Euskara batzordea,
gure ustea da alkarren indarrak batuz, norabide bardinean jardunda
emaitza hobeak erdiesten dirala. Alegia, gure ume eta gaztetxoen
heziketa eta irakaskuntzan irakasleak, ikasleak eta gurasoak harreman
estuan lan egitea oso garrantzitsua dala. Helburu nagusia hori dalarik
aurkezpen honetan, labur bada be, gure asmoen barri emon nahi
deutsuegu, horretarako azalduko dogu:
•
•
•
NONDIZ GATOZEN
NON GAUDEN
NORA GOAZEN

2. NONDIK GATOZ
Geure ikastolakoa ikusi orduko aurreko garaia eta ikastolen mugimendua
ezagutu ditzagun.
- Garaiko giroa
Erdalduntze prozesua XIX. mendean hasi zan, Iparraldean zein
Hegoaldean. XX. Mende erdialdean ikastolen pizkundea hasi zan.
Euskararen aldeko mugimenduak sortu ziran, baina, hasieran elkarren
arteko lotura barik.
- IKASTOLEN ZERGAITIA
Hezkuntzaren garrantziaz jabetuta, haurren heziketaren titularrak
gurasoak ziralarik eta irakasleak eta herritarrak lagunduta 60.
hamarkadan hasi zan.
- Zergaitiak
Bere seme-alaben euskarazko heziketa jasotzeko…

3. Garaian ikastolak beste ikastetxeetataik bereizten zituena
●
●
●
●
●
Sexu bereizketarik ez
Herritik eta herriarentzat sortuak
Partaidetza sozialekoa
Pedagogia barritzailea
Euskaraz
Ikastolak aurrera aterateko oztopo nagusiak honako honeek izan ziran
●
●
●
●
Diru eta azpiegitura gabezia
Irakasle euskaldunen falta
Ikas material eza
Lege arazoak

4. Kirikiño ikastolaren sorrera
Santutxun be baziran seme-alabak euskara eta euskal kultura ikasi eta
euskaraz ikasi nahi ebenak, hori dana, noski, euskaraz bizi ahal izan
daitezan.
1977.eko udabarrian. apirilak 18an KIRIKIÑO IKASTOLA Kooperatiba
sortu zan 190 bazkiderekin. Baeukan bazkideak, irakasleak eta ikasleak,
baina ekipamendurik ez.
Mª Concepción Azaolak alogera sinboliko batean Torre Gorostizagan
zeukan lokala itxi zion Kirikiño Ikastolari, euskara sustatzearen alde.
●
●
●
●
336 ikasle sartu ziran, 1977-78 ikasturtean
Eskaintza, 2 urtetik OHOko 8. mailaraino
1977ko urrian, behin-behineko baimena jaso eban
1979.ko ekainak 21ean emon jakon behin-betiko baimena

5. Zergaitik Kirikiño (Ebaristo Bustintza) izena?
Idazleak ondo batzen zituen Ikastolaren jaiotza eta sentimendua.
Olerkaria zan, euskararen maitalea, eztabaida zale eta artikulu egile
sutsua, uriko kazetari eta kulturgileen guneetan ibilten zana. Euskara
maite eban eta Euskal Herri osoan zabaltzea nahi eban.
Ikastola sortu eben guraso hareek bardina gura eben. Horrela bada,
Kirikiño Ikastola Santutxu, Begoña, Txurdinaga, Otxarkoaga eta Bolueta
inguruan egoan kokatua.

6. Hurrengo pausua
Ikastolak bere lokalen jaube izan behar ebala ikusi eben.
Torre Gorostizaga eta Egoialde ez ziran nahikoak, beraz, Gabriel Arestiko
eraikina egiten hasi ziran, ekipamenduak hobetuz. Horrenbestez, 19831984.eko ikasturtean zabaldu zan.
●
●
●
●
Ekipamendu hobeak
Ikastola erakunde gisa sendotu
Hezkuntza eskaintza zabaldu
Aisialdi eta kirolerako leku gehiago
Kirikiño Ikastolak 1988ko Ibilaldia antolatu eban
1997an beste eraikin bat zabaldu zan, Zuatzukoa.

7. NON GAUDE
1. Hasierako 336 ikasleetatik gaur egungo 1000 inguru.
2. Hasierako 190 kooperatibistak 1500 inguru dira
3. Irakaskuntzako Itunpe sarekoa da
4. Bizkaiko ikastolen elkartekoa
5. Partaidekoa
6. Euskadiko Irakaskuntza Kooperatiben Federaziokoa.
7. Europako Kooperatiba Federaziokoa.

8. NORA GOAZ
Heziketan eta irakaskuntzan aurrelariak izaten jarraitu nahi dogu, eta,
hasieran esan dogun legez, horretarako irakasle, ikasle eta gurasoen
arteko harreman estuan sinisten dogu. Beharrezkoa da danak norabide
bardinean lan egitea. Uste dogu, etorkizuneko emakume eta gizonak
izango diranak irabaziko dabela zeregin honetan asmatzen badogu.
Euskara irakatsi eta euskaraz irakasteaz gain, gaur egun gehien nahi
doguna geure arteko harremanetan erabilia izatea da. Geuk daukagun
ingurutik hasita erabili eta zabaldu. Erabilpenak ematen baitio
bizitasuna. Ez dau axola nolako maila, edo batzuetan lotsak, ditugun.
Uste dogu, egiten dana eta erabiltzen dana dala euskararik onena.
“Euskararik hoberena egiten dana da, eta txarrena, barriz, egiten ez
dena”

9. Kirikiño Ikastolako euskara batzordea garan aldetik, egin dogun apustu
bardin horretan sinisten dogunez, danok euskaraz egitera konbidatu eta
animatzen zaituztegu, eta, norbaitek euskaraz egiteko ezintasuna edo
zailtasuna balu gure laguntza eskaintzen deutsagu berba egitera ausartu
eta errazagoa izan diezaion.
Azken honen moduko lagunak anima daitezan ariketa batzuk
proposatzen ditugu, egunero egiteko ariketa soil-soil batzuk dira, jolas
antzekoak, baina hasteko oso garrantzitsuak.
Era bardinean beti be euskaraz egiteko helburuagaz, urtean zehar gure
ume eta gazteek, baina familia giroan, parte hartzeko ekintzak be
antolatuko ditugu.

10. Norbaitek bestelako gauzaren bat nahi baleuke gurekin harremanetan
jarri daiteke kirikinoeuskeraz@gmail.com Baita be, batzarrera etorriz
edonolako ekarpenak egin dezake: hilero elkartzen gara, Kirikiño
Ikastolan, Gabriel Aresti 22ko eraikinaren kiroldegian hileko hirugarren
eguenetan arratsaldeko 6etan.
“Hizkuntza bat ez da galtzen ez dakienek ikasten ez dabelako, dakienek
berba egiten ez dabelako baizik”
Irabazteko dozunak merezi dau. Anima zaitez!