2015-2016ko matrikulazio eskaintza

1. INTXIXU euskaltegia
2015-2016 ikasturtea
AEK, euskara praktikoa
Azken urteotako ideietan sakonduta, aurtengo kanpainan azpimarratu nahi
dugu euskara egunerokoan edo lanean erabili nahi dutenek metodo
eraginkorra aurkituko dutela AEKn. Euskara praktikoa, eguneroko premiei aurre
egiteko bideratuta. Ideia horixe da: AEKrekin lortuko duzue “nahi duzuen guztia
ulertzea, nahi duzuen guztia esatea”.
Oiartzungo Intxixu AEK euskaltegian, gure eskaintza zabala eta anitza da,
euskalduntze mailakoak astelehenetik ostegunera 2 orduz aritzen dira eta
alfabetatze mailatik gorakoak astean hirutan 2 orduz. Baina bertaratutako
ikasleen arabera sortzen ditugu taldeak, hau da, maila bereko eta ordutegi berean
aritu nahi duen zortzikotea lortuz gero, taldea osatzen dugu eta martxan hasteko
prest dago!
Iraila guztian zehar euskaltegira jendea bertaratzen da zer eta noiz nahi duen
esanez, hilabete bukaerarako badakigu gutxi gora-behera zein talde atera daitezkeen.
Hortaz, badakizue bertara etorri edota deitu eta zein mailatan eta zein ordutegitan
aritu nahi duzuen esaguzue, informazio honekin taldeak osatzen joan gaitezke eta.
Matrikulazioa epea irekita dago irailaren 30 arte Fermiñene etxeko 2. solairuan
edo 607534263 eta 943 493957 telefonoetan. Telefonoz edo bertan, beharrezko
informazio guztia emango dizugu, etorri eta galdetu!
Baina ez pentsa Intxixu AEK euskaltegian eskolak eman besterik egiten ez
dugunik. Ikasturtean zehar gainera, hainbat ekintza egiten ditugu, hala nola:
afariak, talo ikastaroa, mendi irteerak, sagardotegia, hitzaldietara irteerak,
erakusketetara irteerak… Argi baitugu euskara ikasteaz gain, euskara erabili, gozatu,
maitatu, hau da, euskaraz bizi nahi dugula.
Hau guztia lortzeko ikasleek egin beharreko esfortzua handia da nagusiki
denbora eta diruari dagokionez. Diruaren zama arintzearren Oiartzungo Udalak
beka sistema paregabea dauka. Beka sistema honen bidez Oiartzunen erroldatua
dagoen eta asistentzia ona duen ikasleari matrikularen %50a aurreratuko dio Udalak
eta bestelako baldintzarik beteko balu, hau da, langabetua, gurasoa, ikaslea… izatea
%20 gehiago itzuliko dio ikasturte bukaeran. Krisi garai hauetan laguntza ederra
ezta!
Aitzakia denbora dutenek berriz, autoikaskuntzaren aukera daukate
Intxixu AEK euskaltegian. Modu honetan ikasleak berak nahi duen erritmoan eta
ordutegian ikas dezake. Batetik, programazioak (etxean... egin beharreko lanak)
gutxieneko lan erritmoa izan arren zuk nahi adina egiteko aukera ematen dizulako.
Bestetik, euskaltegira astean zehar etorri beharreko 3 ordu (tutoretzara 1 eta
mintzagunera 2) horiez gain, beste lan ordu guztiak zuk nahi dituzunean eta nahi
duzun lekuan egin ditzakezulako.
Ikusten duzuenez, gurean, euskara ikasi eta gainera, ondo pasatuko
duzu. Ez galdu aukera!!
Oiartzunen, 2015eko irailaren 10ean