1. 1
MEIOSE
• É un proceso de reprodución celular relacionado coa reprodución sexual.
• Só afecta ás células xerminais (precursoras dos gametos)
• É un tipo de reprodución celular no que se reduce á metade o número de cromosomas
• unha célula diploide (2n) da lugar a 4 células haploides (n)
• Se non existise o proceso de meiose a fecundación multiplicaría o número de cromosomas en
cada xeración
• Durante a meiose prodúcese ademais o intercambio de material xenético entre os
cromosomas homólogos (entrecruzamento) favorecendo a diversidade dos individuos
• Importancia biolóxica da meiose
• posibilitar a reprodución sexual mantendo igual número de cromosomas en pais e
fillos.
• permitir o reparto ó chou dos cromosomas maternos e paternos
• permitir a recombinación ou intercambio de material xenético entre os cromosomas
homólogos, favorecendo novas combinacións xénicas e polo tanto maior diversidade
entre os individuos dunha especie.
• A meiose consta de dúas divisións sucesivas e cada unha destas divisións divídese como no
caso da mitose en fases:
• primeira división meiótica:
• profase I, metafase I, anafase I, telofase I
• segunda división meiótica:
• profase II, metafase II, anafase II, telofase II
PRIMEIRA DIVISIÓN MEIÓTICA:
Nesta primeira división meiótica é cando suceden os acontecementos máis significativos da
meiose e onde se producen as maiores diferencias co proceso mitótico.
PROFASE I
• É a etapa máis longa da meiose pode durar desde algunhas horas ata anos (óvulo das
mulleres)
• É a etapa máis rica en acontecementos importantes
• Igual que na mitose nesta etapa parecen os cromosomas, desaparece a cromatina e os
nucléolos
• A envoltura nuclear mantense ata o final da profase acabando por desaparecer
• Empeza a formarse o fuso acromático
• Para mellor estudar tódolos acontecementos desta fase divídese en cinco subfases:
• Leptoteno:
• empezan a parecer os cromosomas que xa están duplicados aínda
que non se distinguen as dúas cromátida porque se atopan
fortemente unidas entre si. Esta situación mantense ata o final
da profase I
• Os cromosomas están unidos polos extremos á lámina fibrosa por
unha estrutura chamada placa de unión
• Zigoteno:
• apareamento dos cromosomas homólogos punto por punto (xene
a xene), este fenómeno coñécese co nome de sinapse, fórmase
unha estrutura proteica chamada complexo sinaptonémico.
2. 2
• Paquiteno:
• remata a sinapse e os cromosomas homólogos permanecen fortemente unidos
entre si
• prodúcese o sobrecruzamento entre
cromátidas homólogas
• os puntos de unión chámase quiasmas
• hai intercambio de fragmentos entre as
cromátidas non irmáns e como
consecuencia prodúcese a recombinación
xenética
• Diploteno:
• é a subfase máis longa, nos óvulos das
mulleres dura varios anos (comeza no 5º
mes de vida fetal e continúa durante a
puberdade)
• desaparece o complexo sinaptonémico e os
cromosomas homólogos empezan a
separarse quedando unidos polos quiasmas
• Diacinese:
• interrómpese a transcrición
• os cromosomas condénsase e pódense apreciar
por primeira vez as dúas cromátidas de cada
cromosoma
• os cromosomas deixa o seu aspecto bivalente
para adoptar o de tétrada (aparentemente hai
catro cromosomas no canto de dous homólogos)
• as cromátidas irmáns seguen unidas polos
centrómeros
• e as cromátidas homólogas ou non irmáns polos quiasmas.
METAFASE I
• O fuso acromático xa está totalmente formado
• as tétradas (cromosomas homólogos) sitúanse no plano
ecuatorial
• os centrómeros homólogos orientan os seus microtúbulos
cinetocóricos cada un cara a un polo
• os cromosomas homólogos permanecen unidos polos quiasmas
ANAFASE I
• rómpense os quiasmas e cada cromosoma homólogo emigra
cara a un polo
• cando se separa os cromosomas xa non son idénticos ós
orixinais,
• debido ó sobrecruzamento, cada cromosoma ten unha
cromátida paterna ou materna e a outra está recombinada.
3. 3
TELOFASE I
• os cromosomas chegan ós polos
• desaparecen as fibras do fuso
• refaise a envoltura nuclear (non sempre)
• prodúcese a citocinese (non sempre)
• os cromosomas experimentan unha lixeira
descondensación e entran nunha breve
interfase ou intercinese (non sempre)
• en ningún momento hai síntese de ADN
• despois de certo tempo sepáranse os
núcleos para seguir coa seguinte división
meiótica
SEGUNDA DIVISIÓN MEIÓTICA
• Esta segunda división meiótica é moi similar a unha mitose.
• Neste momento cada unha das células fillas que ten N cromosomas metafásicos, con dúas
cromátidas e polo tanto dúas copias de ADN cada un. Para o reparto deste ADN é precisa
unha nova división.
PROFASE II
• Desaparece a envoltura nuclear
• fórmase de novo o fuso
• volven a condensarse os cromosomas
METAFASE II
• Os cromosomas colócanse no plano ecuatorial
ANAFASE II
• Os cromosomas rómpense polo centrómero
• sepáranse as cromátidas irmáns e emigran cara ós polos
TELOFASE II
• Cando os cromosomas chega ós polos recompóñense os
núcleos
• e sepáranse as células fillas (citocinese)
• Ó remate deste período hai 4 células fillas haploides que
conteñen segmentos cromosómicos maternos e paternos.
4. 4
DIFERENCIAS ENTRE A MITOSE E A MEIOSE:
• Na mitose ten lugar unha división celular mentres que na meiose prodúcense dúas divisións
consecutivas (primeira e segunda divisións meióticas)
• A mitose da lugar a dúas células fillas co mesmo número de cromosomas que a célula nai
mentres que a meiose da lugar a catro células fillas coa metade de cromosomas que a célula
nai
• Na meiose hai apareamento entre cromosomas homólogos o que conduce a intercambios
xenéticos (entrecruzamentos) entre eles e na mitose non.
• Na mitose sepáranse cromátidas irmáns mentres que na meiose sepáranse cromosomas
homólogos na primeira división e cromátidas irmáns na segunda división
• A mitose é o mecanismo de división das células somáticas mentres que a meiose só ocorre nas
células especializadas da estirpe xerminal (células nai dos gametos e das meiosporas)
GAMETOXÉNESE: