3. Ás 10h00 chegamos á Fundación e recibíronos Lucía, que é
orientadora laboral, Diego, técnico de prevención e Juan,
técnico de formación.
Dividímonos en tres grupos (por titorías).
O grupo A, titoría de Paula, estivo acompañado na visita por
Juan. O grupo B, titoría de Vito-María, por Diego e o
grupo C, titoría de Monse, por Lucía.
Nesta saída tamén nos acompañaron María (especialista de
Lingua Estranxeira e mestra de apoio en E.Infantil), Lía
(coidadora) e alumnas da facultade de Ciencias da
Educación que están a facer as prácticas na escola (Noa e
Catarina)
Antes de comezar paramos a poñernos os chalecos que nos
tiñan preparados. Iso xa nos gustou moito! Por que teriamos
que vestirnos así ? Esta non ía ser unha visita calquera!
Chegada
4.
5.
6.
7.
8.
9. Primeira parada: enerxías
alternativas
Ramiro, mestre de enerxías alternativas,
explicounos o funcionamento das placas solares e
as vantaxes que presenta o aproveitamento da
enerxía do sol. Falounos de como se pode quentar
auga grazas ás placas e almacenala nun depósito
para que se poida empregar en calquera momento
do día ou da noite. Contounos que a auga alcanza
unha temperatura moi alta e teñen que poñer un
termostato para regulala .
Tamén puidemos ver e tocar distintos modelos de
placas solares. Parecéronos ben bonitas!
10.
11.
12.
13.
14.
15.
16.
17.
18. Segunda parada: construción
Plácido, o mestre de construción, amosounos como
se empezan a facer as casas, que materiais se
empregan, que maquinaria, a ferramenta, como se fai
o enfoscado, como se coloca o premarco… Un montón
de cousas! Ademáis puidemos ver, tocar e entrar nas
primeiras construcións do alumnado que está na
Fundación aprendendo o oficio de albanelería.
Tamén vimos ladrillos, carretillas que poden ter a roda
de aire (cor negra) ou maciza (roda laranxa), unha
formigoneira…
Decatámonos de que tiñan os materiais e as
ferramentas moi ordenados e de que en todas as
aulas había varias vasoiras para limpar!
19.
20.
21.
22.
23.
24.
25.
26.
27. Terceira parada: construción 2
Aquí atendeunos o mestre Tino e ensinounos
moitas das ferramentas que empregan para
enfoscar as paredes. Unha que nos chamou a
atención foi o tira liñas ou corda de marcar pero
tamén había un metro, un nivel, martelos, unha
maceta, unha picaña, unha chumbada, brochas,
paletas ...
Tamén aprendemos a facer a pasta de enfoscar e
puidemos remexer na masa que fixo Tino con nós
botando area, auga e cemento.
Marchamos con ganas de probar a facela na
escola.
Alí vimos alumnos preparando as paredes para
pintar.
28.
29.
30.
31.
32.
33.
34.
35.
36.
37.
38.
39.
40.
41.
42.
43. Cuarta parada: soldadura
En soldadura coñecemos a David (mestre) e Zeltia (alumna). Zeltia
vestía o traxe de protección xa que no seu traballo ten que
protexerse do lume e das altas temperaturas.
Amosounos o casco, as luvas enormes, o mandil… O casco é moi
grande e ten un cristal moi escuro e groso para protexer os ollos. A
través del non se ve nada, só se miras cara a luz e esta vese azul!
Gustounos moito poder mirar!
Zeltia cortou diante de nós unha placa de ferro. Estivemos moi
qued@s e atent@s porque usaba un soplete con lume.
Tamén vimos o pegamento que usan para pegar os metais e
concluímos que non se parece nada ao da escola: é un fío de metal.
Descubrimos onde tiñan o forno e puidemos tocar as pezas
pegadas. Canto pesan!
Gustounos atopar a Zeltia porque, aínda que Ramiro nos dixo que
había alumnas na escola, aínda non viramos ningunha. Despois
falamos de que nos oficios da construción hai poucas mulleres
todavía e das razóns de que ocurra isto.
44.
45.
46.
47.
48.
49.
50.
51. Merenda, agasallos e despedida
Na Fundación tiñan preparado un espazo amplo con moqueta no chan e papeleiras para que
puideramos tomar a merenda comodamente.
Logo de merendar aínda quedaba unha última sorpresa: unha libretiña pequena e un bolígrafo
que nos encantou e á que lle demos uso nada máis subir ao autobús e o resto da xornada.
Despedímonos moi content@s e volvemos ao colexio. Algúns aproveitaron para estrear a libreta e
outros para botar unha cabezadiña.
52.
53.
54.
55.
56.
57.
58.
59.
60.
61. Moitas grazas a Lucía, Diego, Juan, Ramiro,
Plácido, Tino, David e Zeltia por atendernos tan
ben e facernos a visita tan amena.
Grazas tamén a todas as personas da Fundación
que fixeron posible esta visita.
Disfrutamos moito e aprendemos aínda máis!