2. Para comprender o que ocorre
na escola cada día,
convidámosvos a facer as
seguintes reflexións sobre este
ciclo da Educación Infantil no
que as vosas crianzas comezan a
andadura escolar:
3. O 2º ciclo da Educación Infantil é unha etapa educativa / non é unha etapa
asistencial, isto implica correspondencia e equilibrio de protagonismo na
adquisición e consolidación de hábitos por parte da familia e da escola.
A familia ten o protagonismo na adquisición de hábitos domésticos. Estos
incorpóranse nas rutinas diarias e refórzanse cada día na escola.
Na casa aprendemos a utilizar o WC, poñer as zapatillas, vestirnos e desvestirnos,
lavar as mans… Na escola reforzamos estos hábitos e incorpóranse ás rutinas
cotiás.
Ese reforzo da escola faise co acompañamento e axuda atendendo ao momento
madurativo de cada crianza pero sempre partindo dun hábito en proceso e tendo en
conta a atención ao grupo.
01
4. O obxectivo da Educación Infantil é o
desenvolvemento integral das nenas e nenos en
todas as súas facetas: física, cognitiva, social e
afectivo-emocional; coma un todo global e
equilibrado. Educación Infantil non é unha etapa
preparatoria para a Educación Primaria.
02
5. 03
Para lograr esta educación integral é imprescindible
ter en conta como aprenden as nenas e nenos
(investigacións psicoloxía evolutiva e da educación) e
sobre isto trazar unha metodoloxía e unha
organización dos espazos acorde ao estilo de
aprendizaxe e ás súas necesidades
(desenvolvemento madurativo). A provisión de
materiais e a organización dos espazos estarán
acordes coas necesidades de movemento, de
descubrimento, seguridade...
6. 04
A actividade escolar de cada curso parte dunha Programación
Didáctica que se basea no currículo de Educación Infantil para
Galicia (DECRETO 150/2022, do 8 de setembro, polo que se
establece a ordenación e o currículo da educación infantil na
Comunidade Autónoma de Galicia.)
7. 05
O currículo recolle obxectivos, contidos, criterios de
avaliación, competencias e pautas metodolóxicas xerais
que debuxan o mapa de como se debe traballar nesta
etapa. A programación recolle estes aspectos.
8. 06
A nosa función coma mestras e mestres profesionais da
educación é coordinar unha serie de variables pedagóxicas
( persoais, metodolóxicas, recursos, espazos, tempos…)
que leven a conseguir a mellor educación posible para o
noso alumnado :
Educar e cooperar para educar: facendo
interactuar a escola coa familia e o entorno .
Crear e construir ambientes seguros ( ambientes de
aprendizaxe) e que acollan á diversidade de alumnado
( agrupamentos mixtos)
Programar e desenvolver actividades(proxectos, propostas…)
que propicien e optimicen aprendizaxes.
Procurar un aproveitamento educativo máximo
de todas e cada unha das situacións da
xornada.Calquera momento é unha situación de
aprendizaxe.
Facer acompañamento do alumnado co fin de
estimular, reforzar, animar, motivar procesos e
aprendizaxes.
Ser partícipes dunha escola en movemento:
avaliar e coordinar procesos e progresos,
programas e dinámicas… todos os elementos
persoais e materiais.