1. CEIP DE BAROUTA
PROPOSTA DE ARTE-EXPERIMENTO
FABRICAR PINTURA NA CASA
Na casa podemos ter alimentos e colorantes que nos servirán para facer
pintura. Os/as nen@s que teñen casa con finca terán a oportunidade de
recoller plantas e flores para obter tintes.
Déixovos unha relación de cores e produtos de onde podemos obtelas:
AMARELO : Azafrán ou cúrcuma, granada,f lores de dentes de león,
xirasol e flores de dalias.
LARANXA :Cenorias ou casca de laranxa.
VERMELLO :Remolacha e raíces de dentes de león.
ROSA :Amorodos, cereixas, framboesas, pétalos de rosa.
VIOLETA :Lavanda, casca de berenxena, amoras, uvas negras,
lombarda. Debes saber que engadíndolle unha pinga de limón obterías un
MAXENTA OU FUCSIA e cun pouquiño de bicarbonato sódico
conseguirías un AZUL PROFUNDO
AZUL : Arandos, amoras e pétalos de xacinto.
VERDE : Alcachofa, follas de espinaca, acelgas, té matcha, herba, casca
de cebola colorada, perexil, herba e menta.
MARRÓN :Canela, grans de café, café soluble, cacao, té negro, cascas
de noz, cortiza de carballo ou cortiza branca de bidueiro.
Barouta, 11
15229 – AMES
T | 881867455
ceip.barouta@edu.xunta.es
2. TINGUIDURAS INMEDIATAS,TIPO ACUARELAS.
As especias como azafrán,pementón,canela, as infusións e tés, o café ou
cacao son solubles en auga e tinguirana de seguido polo que teredes unhas
perfectas acuarelas para comezar.
Se na casa tiverades xices (tizas) podedes machacalas e así obtedes moitos
máis pigmentos sen esforzo.
(Como sabedes nas tendas hai tinguiduras comerciais,pero aquí falamos de
fabricar pintura)
TINGUIR CON ALIMENTOS
Non se trata de estragar alimentos, senón de aproveitar os que están un pouco
pasados para facer tinguiduras.
DILUIR EN AUGA: Podemos partir en anacos os alimentos e meter cada un
deles en botes de vidro con auga ou alcohol. Deixamos así varios días e iran
soltando a cor.
(Será un bo traballo facer etiquetas e pegar o nome de cada alimento. Cando
vaian vendo a cor da auga tamén poden clasificalos: os amarelos, os azuis,etc
Como vedes esta proposta tamén ten un algo de experimento.Será precioso
telos perto dunha fiestra e que a luz atravese a cor).
EMPREGAR MORTEIRO:Tamén podemos cortar anacos e aplastar nun
morteiro (deixádelle a eles/as coas ferramentas axeitadas e será un estupendo
exercicio de prensión, hablilidade e forza controlada).
O xugo que vai soltando xa se pode empregar para pintar e tamén podedes
fervelo para que o resto da auga se evapore.
Se engadides un pouco de fariña ou fécula de millo farase máis
sólido,semellante ás tinguiduras comerciais.E se botades un pouco de cola
branca conseguiredes un brillo satinado.
Se nalgún outro momento repetides a proposta ou mercades colorantes
alimenticios tamén podedes facer estes EXPERIMENTOS tan chulos:
TRASVASE DE AUGA TINGUIDA: Botar auga en varios botes e unhas
3. pingas de distintos colorantes en cada un deles. Colocar servilletas ou
panos de papel de un vaso a outro e verás como a cor vai subindo.
Outra opción sería ver como a cor tingue flores blancas.
4. FABRICAR PINTURA MÁIS ESPESA
Con respecto aos colorantes dos que vos falei e dos pigmentos que podedes
obter de xices podemos facer pintura mesturándoos cun aglutinante como pode
ser un lavavaixelas (tipo Fairy) ou cola líquida. Veredes que se obtén unha
mestura un pouco máis consistente para poder pintar directamente.
MESTURAR PINTURA + FARIÑA + COLORANTE
Cubride unha mesa con plástico ou mantel plastificado. Engadide un pouco de
fariña aos pigmentos de antes e mesturade con lavavaixelas líquido ou cola.
Deixade que mesturen, que creen unha composición, poden facer regueiriños
co dedo. Despois collen un folio branco e póusano sobre a mestura para que
se impregne ben, é coma se calcaran. Penduramos dun tendal para que seque.
Sairán cousas tan bonitas coma estas.
5.
6. Agardamos que gocedes con estas propostas e que sobre todo servan para
pasar un tempiño de calidade c@s vos@s fill@s.
Non é necesario que nos enviedes reporte, só que a experimentedes.
Un saúdo agarimoso. O EQUIPO DE E.I.