2. Բոլոր կենդանի էակները շնչում են:Շնչառությունն
ապահովում է թթվածնի մուտքն օրգանիզմ և
ածխաթթու գազի հեռացումը:Բջիջներում թթվածինն
օգտագործվում է սննդարար նյութերի օքսիդացման
համար,որի ժամանակ անջատվում է էներգիա:Այն
կենդանի էակներն օգտագործում են իրենց
կենսագործունեության համար:
3. Շնչառության օրգաններն առաջին անգամ ձևավորվում են ծովային
օղակավոր որդերի և ջրային հոդվածոտանիների մոտ:Նրանք
արյունատար մազանոթներով հարուստ փետրաձև խռիկներ են,որոնք ջրի
և արյան միջև իրականացնում են գազափոխանակություն: Ձկները ևս
շնչում են խռիկներով:Դրանք կազմված են խռիկային աղեղներից, որոնց
մի կողմում խռիկային թերթիկներն են,իսկ մյուս կողմում մաղի դեր
կատարող խռիկային առէջները: Խռիկային թերթիկները անընդհատ
ողողվում են թարմ ջրով և նրանցում եղած արյունատար մազանոթների ու
ջրի միջև կատարվում է գազափոխանակություն:
4. Ցամքային կենսաձև վարող հոդվածոտանիների
շնչառական օրգանները թոքապարկերը և
տրախեաներն են:Թոքապարկերը արյունատար
մազանոթներով հարուստ երկու պարկեր են:
Միջատները շնչում են տրախեաներով: Դրանք
օդատար խողովակներ են, որոնք տարածված են
ամբողջ մարմնով և օդն ուղակիորեն հասցնում են
բջիջներին: