Traballo realizado polo alumnado do IES Monte das Moas

1. Entrevista a Ledicia Costas
Ledicia Costas é unha escritora viguesa que comezou
a escribir moi nova, sendo unha adolescente. Gañou
numerosos premios, entre os cales destaca o
Premio Nacional de Literatura infantil e xuvenil
(2015); co seu libro Escarlatina, a cociñeira defunta.
Nesta breve entrevista, imos falar dun dos seus
libros máis coñecidos, Jules Verne e a vida secreta
das Mulleres Planta, o cal levou o Premio Lazarillo de
creación literaria de 2015 (entre outros). Imos aló!
Sara-O libro está dividido en dúas partes, a primeira
narra feitos reais sobre a presenza de Jules Verne en
Vigo, mentres que a segunda é totalmente
fantástica, cal das dúas lle gusta máis?
Ledicia-Gustoume escribir a combinación de ambas
as dúas partes. Explícome: Jules Verne era un
escritor que manexaba con habelencia a fantasía. Pareceume bonito escribir sobre a súa
presenza na cidade de Vigo e introducir elementos de fantasía na historia. Paseino xenial
escribindo esta novela!
S- A parte real está moi detallada e ata ten artígos do Faro de Vigo, que medios enpregou para
documentarse tanto desa viaxe (prensa, libros, internet)? Custoulle moito atopar esa
información?
L-Tiven a fortuna de atopar persoas que me proporcionaron todo o material que precisaba.
Contactei co Instituto de Estudos Vigueses e me facilitaron os artigos do Faro de Vigo que
daban conta da presenza de Verne na cidade e moitos outros artigos que explicaban como era
o Vigo daquela época.
S- Uns dos personaxes son as mulleres planta, en que se inspirou para crear estes seres
fantásticos?
L-Na miña casa sempre houbo moitas plantas e flores. Había moito tempo que tiña intención
de escribir unha novela onde o mundo da botánica tivese unha importante presenza. De aí
xurdiu a idea.
S- Que outros/as autores/as lle gustan ademais de Jules Verne? Cal é o seu libro favorito (se é
que pode elexir)?
L-Gústanme autores e autoras coma Neil Gaiman, Philip Pullman, Astrid Lindgren, Christine
Nostlinger... Un dos meus libros favoritos é Dracula.
S- Ten algún libro seu que lle guste máis que os outros?
L-Teño, pero non podo desvelar ese segredo!
S- Moitas grazas por me ter atendido.
Sara Martínez Vieites
A Coruña, maio 2020