1. Hemen duzue, lehengo martxoaren 6an burutu genuen asanbladaren laburpen bat.
• 2.1 ikasgelako gurasoen kezkak
2 urtekoen geletako familia batzuk asanbladara etorri eta beraien seme-alaben gelan
izan dituzten arazoak azaldu zituzten. Informazio falta bat zegoela ondorioztatu zen
asko hitz egin eta baloratu ondoren. Guraso elkarte bezala irakasle taldearen lanari
errespetu osoa adierazi eta informazio falta hori gainditzeko inplikatutakoen artean
bilera bat eskatzea erabaki zen. Beraz, gela bilera baten eskaera egin zaio
zuzendaritzari eta bertan esku-hartzen duten irakasleei , dauden zalantzak ahalik eta
azkarren argitzeko. Erantzunaren zain gaude.
• Eskola kontseiluari begira, egingo diren eskaera eta proposamenak
Gutxi barru eskola kontseilu bat egongo da, eta bertara eramateko proposamenak biltzen ari gara.
Eskola kontseilua osatzen dutenen partaideen kopuru erdia gurasoei dagokiela aipatu zen. Deialdia
jasotzen dugunean lantzeko dauden gaiak eta bertara eramango diren bildutako proposamenak
azalduko ditugu.
• 14-15 ikasturterako matrikula
2 urteko geletarako 16 ikasle geratu dira kanpoan, plaza falta dela eta. Horren inguruan hitz egin
zen.
• Batzorde ezberdinek egindako lanaren informazioa:
Zaintza: Taldeak proiektua prestatu du dagoeneko. Bere aurkezpena zuzendaritzari eta Haizea
Mariturri Guraso Elkarteari egin dio, eta prest dago datorren eskola kontseiluan aurkezteko. Bertan
onartuz gero, datorren ikasturterako familiei eskainiko litzaieke.
Gaztelera klaseak: Pertsona eta erakunde ezberdinekin kontaktatu da irakasleak lortzeko.
Oraingoz erantzunaren zain gaude.
Jangela: Aurreko otsailaren 18an Eskola Kontseiluko Jantoki batzordea elkartu zen eta bilera
horretan gertatu zenari buruzko informazioa eskatu dugu. Erantzuna jaso bezain pronto informazioa
pasa eta lanean jarriko gara honela behar izanez gero.
Euskara: 2 ekintza prestatu ditu lan talde honek. Lehenengoa Txorrosolo aisialdi taldea eta
Zabalgana eskolako Amezti Txiki guraso elkartearekin batera Larunbata honetarako, filma bat ikusi
eta ondoren tailerra egingo da Zabalganako ikastetxean. Bigarrena, gure eskolan egingo da,
martxoaren 23an Igandeak Jai eskaintzaren barruan. Familia guztientzako Txotxongilo emankizuna
eta tailerrak egingo dira.
Obrak: Martxoaren 4ean , Zabalgana Batuz auzo elkartearen bidez , eta Zabalgana
ikastetxeko Amezti Txiki guraso elkartearekin batera, bilera bat izan genuen Blanca
Guerrero Arabako Hezkuntza Saileko Delegatuarekin. Bilera honetan hainbat gai
desberdin tratatu ziren, eta gure eskolari dagokionez, hau da komentatu ziguten
informazioa:
• Hurrengo ikasturteari begira, beste 3 gela berri sartzen direnez, gure behin-behineko
eskola handitu behar da, eta horretarako beste hiru modulu berri sartu behar dituzte.
Behar diren tramiteak hasi dituzte obra hau egiteko.
• Behin- betiko eskolari dagokionez, administratiboki, azkenengo fasean gaude.
Hau da, urriaren 1etik aurrera eta maiatzaren 30a arte, obra kontratatzeko
fasean gaude. Momentu honetan Eusko Jaurlaritzan obra egiteko jasotako 30
2. proiektuak aztertzen ari dira. Oraingoz fase honetan oso justu gabiltza epez, eta
enpresa guzti hauei erantzuna noiz ematen zaien itxaroten ari gara, baita
beraiek errekurtsorik ipiniko duten ere, epez kanpo gauden edo ez jakiteko.
Prozesu honen berri Delegatuaren aldetik jasoko dugu.
Hurrengo asanbladarako data eta ordua: Bi bilera egiten jarraituko dugu, bat goizez eta
bestea arratsaldez. Hurrengoak Apirilaren 3an, ostegunez, izango dira goizeko 9:15etan eta
arratsaldeko 16:45etan.