4. Ang bukas at mapanuring kaisipan ay
nagbibigay-daan sa pag-unawa sa katwiran
at opinyon ng iba. Nakikita rin sa kaisipang
ito kung ang isang tao ay may tama at maling
pangangatwiran.
5. Ang taong marunong ang inaasahan ng bayan
upang siyang mamuno sa pamahalaan. Hindi
lamang lakas ng bisig ang kailangan sa
pagpapalakas ng bansa. Kinakailangan din ang
mapanuri at bukas na kaisipan lalo na sa paggawa
ng mga desisyon at hakbangin. Mabilis ang
magiging pagsulong at pag-unlad ng bansa kung
may ganitong katangian ang mga kabataan at
lahat ng mamamayan.
6. Ang Journal ay talang isa o ilang pangyayari na
gusto mong ibahagi sa iba sapagkat kapupulutan ito
ng aral. Inaasahang natutuhan mo na ang kahulugan
ng mapanuri at bukas na kaisipan. Isulat ang
kahulugan nito ayon sa iyong pagkaunawa.
