powerpoint presentation

2. Bukod sa tungkulin ng bawat pamilya na hubugin ang kaalaman,
kakayahan, asal, at pagkatao ng kabataan, mayroon din silang
mahalagang gampanin sa lipunan at politika. Kabilang na rito ang
pagmumulat sa mga kabataan sa pakikilahok sa mga gawaing
makatutulong sa pamayanan gaya ng pagiging bukas-palad sa mga
nangangailangan at biktima ng kalamidad o sakuna, pagsusulong ng
bayanihan, at pangangalaga ng kapaligiran.
Dagdag pa rito, nakaatang din sa pamilya ang responsibilidad na
tiyakin na isinusulong ng mga batas at institusyong panlipunan ang mga
karapatan at tungkulin ng pamilya upang maprotektahan at mapanatili
ang integridad nito.

3. Boto Mo, Kinabukasan Ko
Sa bayan ng Sinait, talamak ang vote buying at pagbubuwis ng buhay
eleksiyon. Alam ng mga taga-rito na nanganganib ang buhay ng mga
kumokontra sa mga kandidatong may malakas na pwersa. Si Jonas, isa sa
mga kabataan na naninirahan sa bayang ito, ay boboto sa unang
pagkakataon sa nalalapit na eleksiyon.
Gng. Romero: Anak, napagpasiyahan mo na ba kung sino ang iboboto
mo?
Jonas: Hay, naku! Nay, hindi na lang ako boboto, tutal mananalo lang din
naman ang mga kandidatong maimpluwensiya. Sayang lang ang oras ko
doon. Mas mabuting mag-jamming na lang kami ng mga kabarkada ko.

4. Gng. Romero: Anak, hindi dapat ganyan ang pananaw mo. Mahalaga ang
iyong boto at ang pakikipag-ugnayan mo sa mga panlipunang gawain. Sa
pamamagitan ng iyong pagboto naipakikita mo ang iyong pakikialam para
kapakanan ng nakararami. Malay mo, pagdating ng panahon, mahihikayat
ring tumakbo.
Jonas: Nay, wala akong interes diyan. Hayaan mo na sila kung anong gusto
nilang gawin. Hindi naman ako apektado diyan.
Gng. Romero: Anak, malaki ang magagawa mo. Hindi lingid sa kaalaman
mo na talamak ang maitim na gawain tuwing eleksiyon. Malaki ang
impluwensiya mo sa iyong mga kabarkada. Bakit hindi na lang kaya kayo
sumali sa PPCRV? Malaki ang magagawa ninyo sa eleksiyon na ito. Kayong
mga kabataan ang makapagbibigay ng bagong pag-asa upang maputol ang
mga dating gawi tuwing eleksiyon. Ang mga boto ninyo ay napakahalaga,
kaya huwag na huwag mong ipagsawalang-bahala ang karapatan mong ito.

5. Jonas: Oo nga pala, Nay. Ninong ko pala ang chairman ng PPCRV. Sige,
Nay Makikipagtulungan kami doon. Tatawagan ko ang mga kabarkada ko
para maglunsad kami ng "Bantay Boto' campaign. Sigurado akong
magugustuhan ito ng mga kasama ko.
Gng. Romero: Pero paalala, Anak. Ito ay hindi madaling gawin. Nakataya
ang kaligtasan ninyo, kaya nararapat lamang na sumangguni muna kayo
kinauukulan. At ang lahat ng hakbang ninyo ay dapat dumaan sa isang
masusing pagpaplano upang hindi kayo mapahamak sa pagsusulong ng
inyong adhikain.

6. Jonas: Opo, Nay. Maraming salamat sa pagpapaalala na kailangan
naming pangalagaan ang boto ng bawat mamamayan dahil dito
nakasalalay ang ikagaganda ng aming kinabukasan.
Gng. Romero: Salamat, Anak. Kasama kayo sa aking mga panalangin.
Dalangin ko na sana ay gabayan kayo ng Poong Maykapal sa lahat ng
inyong lakad.

7. ANG PAPEL NG PAMILYA
SA LIPUNAN

8. Malaki ang kontribusyon ng pamilya sa lipunan. Isa na rito ay ang
pang-araw-araw na pakikibahagi at pagbibigayan sa kapwa tao. Ilan sa
mga halimbawa ng gawaing ito ay nagmula pa sa mga tradisyon na
sinimulan ang ating mga ninuno gaya ng pagbabayanihan, pagbabahagi
ng mga tanim sa bakuran, pagpapalitan ng mga nilutong pagkain ng
kapitbahay, pakikiramay sa mga nagdadalamhati o nawalan ng
minamahal sa buhay, pakikiisa sa mga gawain sa tuwing may okasyon, at
pagsasama-sama o pagtitipon tuwing may selebrasyon.
Ang mga simpleng gawaing ito ay nagbubuklod sa bawat isa at
nagpapatunay lamang na bahagi ng ating buhay ang pakikipagkapwa
sapagkat walang nabubuhay dio sa mundo na nag-iisa.

9. PANGANGALAGA SA
KALIKASAN

10. Bilang una at pinakamahalagang yunit ng lipunan, ang pamilya ay lubos
na makatutulong sa pagsulong at pagsuporta sa mga batas, proyekto,
programa, at ng mga gawaing nangangalaga sa kalikasan. Kabilang sa mga
halimbawa ng mag ito ay ang mga programang pinangungunahan at
inilulunsad ng Kagawaran ng Kapaliguran at Likas na Yaman, Batas Republika
6969 na tinatawag na Toxic Subtances and Hazardous and Nuclear Wastes
Control Act of 1990, pagtatanim ng mga puno at halaman, paghihiwalay ng
mga nabubulok sa hindi nabubulok na basura, pagrecycle ng mga gamit o
bagay mula sa basura, paglilinis ng mga kanal at daluyan ng tubig at marami
pang iba.

11. ANG PAPEL NG PAMILYA
SA POLITIKA

12. Bilang pangunahing yunit ng lipunan, nararapat na manguna ang
pamilya sa pagtiyak na ang mga batas at ang mga institusyong
panlipunan ay nagsusulong at nangangalaga sa mga karapatan at
tungkulin nito at hindi taliwas dito. Kaakibat din ng papel na ito ay ang
malalim na pagkilala at pag-alam ng pamilya sa mga natural at legal na
karapatan nito. Higit sa lahat, nakaatang din sa pamilya ang pangunguna
sa pagpapanibago sa lipunang kinabibilangan nito at hindi pagpapabaya
sa sarili nitong tungkulin.