1. Papa Francisco
Si Papa Francisco (Latin: Franciscus, Kastila: Francisco; ipinanganak Jorge Mario
Bergoglio noong 17 Disyembre 1936) ay ang ika-266 at
kasalukuyang Papa ng Simbahang Katoliko Romano.
Si Jorge Mario Bergoglio ay isinilang sa Buenos Aires, isa sa limang anak ng Italyanong
emigranteng sina Mario José Bergoglio, isang orbrero sa daangbakal, at ng kaniyang
asawang si María Sívori, isang maybahay. Noong siya ay binatilyo, si Bergoglio ay
inalisán ng isang bahagi ng kaniyang baga dulot ng impeksiyon. Siya ay nag-aral at
nakatanggap ng Antás Masterál sa kímika at sa Pamantasan ng Buenos Aires bago niya
napágpasyaháng pumasok sa pagkapari. Ayon din sa ibang mga sanggunian, siya ay
nakapagtapos mula sa isang páaraláng teknikal bilang mekanikong pangkemikal at sa
edad ng 21 ay nagpasyang maging pari.
Pumasok si Bergoglio sa Kapisanan ni Hesus noong 11 Marso 1958 at nag-aral sa
pagkapari sa isang seminaryong Heswita sa Villa Devoto. Noong 1960, nakuha niya ang
pagkalisensiya sa pilosopiya mula sa Colegio Máximo San José sa San Miguel. Noong
1964 at 1965 nagturo siya ng literatura at sikolohiya sa Colegio de la Imaculada, isang
mataas na paaralan sa lalawigan ng Santa Fe, Arhentina. Noong 1966 nagturo siya ng
kaparehong kurso sa Colegio del Salvador sa Buenos Aires.[8]
Noong 1967, natapos ni Bergoglio ang kaniyang pag-aaral ng teolohiya at naordena sa
pagkapari noong 13 Disyembre 1969 ni Arsobispo Ramón José Castellano. Namasukan
siya sa Pakultad ng Pilosopiya at Teolohiya ng San Miguel[9 ], isang semninaryo sa San
Miguel, Buenos Aires. Naabot ni Bergoglio doon ang posisyong novice master at naging
propesor ng teolohiya.
Itinaas ng Kapisanan ni Hesus si Bergoglio at siya ay nanungkulan bilang probinsiyal ng
Arhentina mula 1973 hanggang 1979.[1 0]Nilipat siya sa isang doctoral dissertation sa
Sankt Georgen sa Alemanya at bumalik sa Arhentina upang manungkulan bilang
kumpesor at direktor pang-espiritwal sa Cordoba
2. Itinalaga si Bergoglio bilang Pangalawang Obispo ng Buenos Aires noong 1992 at
inordena noong 27 Hunyo 1992 bilang Titular Bishop ng Auca [1 1 ] kasama si Antonio
Kardinal Quarracino, Arsobispo ng Buenos Aires, bilang principal consecrator.
Si Bergoglio ang humalili kay Kardinal Quarracino bilang Arsobispo ng Buenos Aires
noong 28 Pebrero 1998 at ipinangalangordinaryo para sa Silangang Katoliko sa
Arhentina, na walang sariling prelado
Sa konsistori noong 21 Pebrero 2001, ginawang kardinal si Arsobispo Bergoglio ni Papa
Juan Pablo II, na may titulo bilang kardinal-pari ng San Roberto Bellarmino. Bilang
kardinal, itinalaga si Bergoglio sa limang administratibong posisyon sa Kuryang
Romano.
Nakilala si Kardinal Bergoglio dahil sa kaniyang pagiging magpakumbaba, pagka-konserbatibo
sa doktrina at sa kaniyang prinsipyo sakatarungang panlipunan.[1 2 ] Mas
pinili niya ang pagkakaroon ng simpleng pamumuhay: mas pinili niyang manirahan sa
isang maliit na apartment sa halip ng magarang tirahan para sa obispo, at mas pinili
niyang sumakay sa mga pampublikong transportasyon kaysa sa isang limousine.[1 3 ]
Noong pumanaw si Papa Juan Pablo II noong 2005, isa sa mga napipisil na papabile si
Bergoglio[ka ilangan ng sanggu nian ]. Lumahok siya bilang is ant kardinal-tagahalál (cardinal
elector) sa kongklabe noong 2005 na siyang nagluklók kay Papa Benedicto XVI. Ayon sa
pahayagang La Stampa, gitgitan sila ni Ratzinger sa halalan, hanggang sa humingî siya
ng isang madamdaming pakiusap[nino?][1 4 ] sa mga kardinal na huwag siyang
ihalal.[1 5 ] Bago nagsimula ang conclave ay nakilahok din siya sa libing ni Papa Juan
Pablo II at gumanap bilang regent kasama angKolehiyo ng mga Kardinal, at namuno sa
Simbahang Romana Katolika noong panahon ng sede vacante.
Bilang isang kardinal, nakilala si Bergoglio bilang isang konserbatibong Katoliko.[1 6 ]
Hatî ang opinyon ng mga Arhentino patungkol sa kaniya. Habang ang ilan ay malakas
ang suporta kay Bergoglio dahil sa kaniyang simpleng pamumuhay, ang iba naman ay
malaki ang pagkatutol sa kaniya dahil sa mga isyu patungkol sa kasalang homosekswál
at sa kanilang pagkabagabag ukol sa kaniyang relasyon sa mapanupil na rehiméng
militar noong dekada 70.
3. Pope John XXIII
Binansagang The Good Pope at marahil ay pinakamamahal na Italian pope si Angelo
Giuseppe Roncalli o mas kilala bilang Pope John XXIII, na nagsulong ng mahahalagang
reporma sa Simbahang Katoliko sa mahigit apat na taon ng kanyang pamumuno.
Isinilang noong Nobyembre 25, 1881 sa Sotto il Monte, Italy at lumaki sa mahirap na
pamilya si Angelo Giuseppe Roncalli, ang ikatlo sa 13 magkakapatid na mula sa pamilya
ng mga magsasaka.
Taong 1904 siya naging pari. Sa loob ng 25 na taon ay nagsilbi si Roncalli bilang Papal
diplomat sa Bulgaria, Turkey at France. Anim na taon siyang naging Arsobispo ng
Venice, hanggang sa mahalal na Papa noong Oktubre 28, 1958 sa edad na 76.
Siya ang ika-262 Pope ng Catholic at non-Catholic na simbahan.
Nakilala si Pope John XXIII sa pagpapatawag ng Second Vatican Council. Kakaiba ang
paraan niya ng pamamahala at masasabing taliwas sa mga na unang konseho ng
Vatican dahil ang mga naunang council ay tinutukan ang pagwawasto sa mga maling
teksto sa Bibliya, habang ang binuo niyang konseho ay nagpalaganap ng hindi
matitibag na pananampalataya at paniniwala, at ng mga reporma sa simbahan na
napakikinabangan ng mga Katoliko hanggang sa kasalukuyan.
Nakilala siya sa mga non-Catholic church dahil sa mga ‘di matatawaran niyang
pagsisikap na gampanan ang pagiging Pope. Dahil din sa kanya ay nagkaroon ng
bagong pangalan ang Vatican II, “New Pentecost”.
Naniniwala si Pope John XXII na ang Kristiyanismo ay hindi lang usapang legal at mga
doktrina kundi nakabatay sa kung paano mabubuhay nang may pagmamahal sa Diyos.
Setyembre 23, 1962 nang matukoy na may stomach cancer si Pope John XXIII, ngunit
hindi ito isinapubliko dahil umasa noon ang Papa na maipagpapatuloy pa rin ang
pamamahala sa Vatican II council hanggang sa abot ng kanyang makakaya.
4. Pumanaw siya noong Hunyo 3, 1963 bago pa man magsimula ang ikalawang session ng
Second Vatican Council.
Inihahalintulad kay Pope Francis
"Good Pope John" ang tawag kay Pope John XXIII na laging idinidikit kay Pope Francis
dahil sa pagiging pareho nila sa napakaraming bagay.
Edad 76 na siya nang maging Santo Papa, gaya ni Pope Francis.
Lalong tumingkad ang progresibong pananaw ni "Good Pope John" nang iutos niya ang
pagbuo ng Second Vatican Council.
Nakilala rin si Pope John sa pagtakas sa Vatican ng disoras ng gabi para maglakad-lakad
sa Roma kaya binansagan siyang "Johnny Walker".
Mas gusto rin niyang magsuot ng simpleng itim na sapatos, bagay na ginagawa rin
ngayon ni Pope Francis.
Gaya rin ni Pope Francis, lumihis siya sa pagsunod sa mga tradisyunal na pangalan
gaya ng Gregory at Benedict, at piniling matawag na John.
5. Pope John Paul II
Ipinanganak noong Mayo 18, 1920 si Karol Jozef Wojtyla, higit na
kilala bilang Pope John Paul II.
Si Papa Juan Pablo II ang nagsilbing ika-256 naSupreme
Pontiff ng Simbahang Katoliko at puno ng Lungsod ng Vatican mula
ika-16 ng Oktubre 1978 hanggang sa kanyang kamatayan. Siya ang
natatanging taga-Poland na naging santo papa at ang unang di-
Italyanong papa sa loob ng 455 taon.
Itinuturing na isa sa mga pinakamaimpluwensiyang pinuno ng
ikadalawampung siglo si Juan Pablo II. Naging instrumento siya
sa pagwawakas ng komunismo sa Poland pati na rin sa pagpapabuti
ng relasyon ng Simbahang Katoliko sa Hudyaismo,
Simbahang Eastern Orthodox, at sa Anglikanong Komunyon.
Iniluklok siya ng mga Kardinal bilang santo papa
sa Conclave (pagtitipon) noong ika-16 ng Oktubre 1978, at
inangkin ang pangalang Juan Pablo II. Araw ng Linggo, noong ika-
22 ng Oktubre nang maringal niyang pasinayaan ang kanyang
Petrinong paglilingkod bilang ika-263 na kahalili ni apostol San
Pedro. Ang kanyang pamumuno, ikatlo sa pinakamahaba sa
kasaysayan ng Simbahang Katoliko, ay tumagal ng halos 27 taon.
Sa buong panahon ng kanyang pamumuno, nagkaroon siya ng 104 na
pastoral na pagdalaw sa labas ng Italya at 146 naman sa loob
nito. Bilang obispo ng Roma, binisita niya ang 317 sa 333
parokya ng lungsod.
Maraming beses din siyang nakipagpulong sa mga puno ng iba't
ibang bansa sa kanyang 38 opisyal na pagdalaw, 738 tagapanood at
pulong kasama ang mga puno ng mga estado, at 246 na tagapanood
sa mga pulong kasama ang mga punong ministro.
Dahil sa kanyang pagmamahal sa mga kabataan, itinatag niya ang
pagdaraos ng ”World Youth Day” (WYD) (Pandaigdig na Araw ng mga
Kabataan). Labing-siyam (19) na WYD ang kanyang ipinagdiwang sa
kanyang pamumuno na nagbuklod sa milyun-milyong mga kabataan
mula sa iba't ibang panig ng daigdig. Kasabay nito, ipinamalas
niya rin ang kanyang pagmamalasakit sa pamilya nang pasimulan
6. niya ang ”World Meeting of Families” (Pandaigdigang Pulong ng
mga Pamilya) noong 1994.
Matagumpay ding nahikayat ni Papa Juan Pablo II ang mga dyalogo
sa mga Hudyo at pati na rin sa mga kinatawan ng iba pang mga
relihiyon na kanya rin namang inimbitahan sa mga ”prayer
meeting” (pulong sa pagdarasal) para sa kapayapaan.
Sa ilalim ng kanyang pagsubaybay, pinaghandaan ng Simbahang
Katoliko ang pagdating nga ikatlong milenyo at idinaos
ang ”Great Jubilee” ng taong 2000.
Sa pangunguna rin niya, masiglang idinaos ang maraming mga
Kanonisasyon at Beatipikasyon upang magsilbing halimbawa ng
kabanalan sa panahong ito. Nagdaos siya ng 147 na seremonya ng
beatipikasyon kung saan naiproklama ang 1,338 na 'Beato'
(mapalad); at 51 na kanonisasyon sa 482 na santo. Siya rin ang
nagtalaga kay Teresa ng Batang si Kristo bilang isang 'Dalubhasa
ng Simbahan.
Pagpanaw
Si Papa Juan Pablo II ay pumanaw noong bandang 9:37 ng gabi,
oras sa Vatikan, noong ika-2 ng Abril 2005, sa edad na 84,
matapos magkasakit ng Parkinson's Disease at iba pang karamdaman
tulad ng sakit sa puso at kumplikasyon sa atay. Mula sa gabi ng
kanyang pagpanaw hanggang sa araw ng kanyang paglibing, dumagsa
ang higit tatlong milyong manlalakbay sa Roma. Marami sa kanila
ang pumila upang makapasok sa Basilika ni San Pedro upang
masilayan sa huling sandali ang kanyang mga labi.
Pagpupugay
Noong ika-19 ng Disyembre 2009, iprinoklama ni Papa Benito XVI
bilang 'Kapita-pitagan' (”Venerable”) si Juan Pablo II. Dahil sa
taglay niyang di mapagkakailang kabanalan ay iginawad ni Papa
Benito XVI ang beatipikasyon ni Papa Juan Pablo II sa ika-1 ng
Mayo 2011 at dahil dito'y tinawag na Beato Juan Pablo
II (”Blessed John Paul II”).
Koneksyon sa mga Pilipino
Dalawang beses dumalaw sa Pilipinas si Papa Juan Pablo II. Una'y
noong Pebrero 1981. Panghuli, noong Enero 1995 ng magmisa si
Papa Juan Pablo II sa harap ng apat (4) na milyong tao, ang
pinakamalaking pangkat na dumalo para sa isang pagtitipon
ng ”World Youth Day”, kung di man pinakamalaki bilang ng pangkat
sa kahit anong pagtitipon.
Dahil sa espesyal niyang koneksyon sa mga Pilipino, pinasinayaan
ang pagtatayo ng isang dambana para kay Juan Pablo II noong ika-
2 ng Mayo 2011 sa isang dating refugee camp sa Bataan kung saan
siya dati nagdaos ng misa para sa mga Indo-Tsinong refugee. May
tore ring itinayo sa Bacolod noong 2010 “alay ng pagmamahal sa
Simbahang Katoliko”.