eTwinning recipes

1. AS NOSAS RECEITAS LITUANAS E POLACAS FAVORITAS
Este ano, dentro do proxecto eTwinning, Let’s Cook Together, de 3º de ESO, colaboramos con
un centro escolar polaco e outro lituano para falar de comida, cociña e gastronomía. A
continuación algunhas das receitas que máis nos gustaron entre as que aprendemos dos
compañeiros destes países.
POSTRE DE XELATINA (por Josefina Feito e Lucía Villar)
Ingredientes:
• 2 sobres de xelatina de sabores (framboesa, arandos…)
• 450 ml de auga
• Froita (framboesa, arandos...)
• Galletas (sobre 6)
Preparación:
Remover a xelatina nos 450 ml de auga.
Poñer as froitas coas galletas partidas en anacos, en recipiente
Baleirar a xelatina nos recipientes e gardalos no refrixerador
GALLETAS MARS (por Carla Fernández e
Jennifer Vázquez)
Ingredientes:
• Catro barras de chocolate (Mars)
• Manteiga
• Un vaso de cereais (Corn Flakes)
Preparación:
1. Derreter a manteiga nun cazo.
2. A continuación engadir as barras de
chocolate ao cazo.
3. Mesturar coa manteiga e engadir os
cereais.
4. Remexer todo.
5. Poñer a mestura en papel de forno, para que
non se pegue, e deixar arrefriar.
6. Por último, degustar o resultado.
Esta receita chegou ata nós grazas a unha alumna
polaca chamada Kamila. Nós probamos a facelas e o
resultado foi o que vedes nas fotos.

2. PIZZA LITUANA (por Daniel Rodríguez e Diego Vázquez)
Ingredientes:
Necesitamos queixo e manteiga, un ovo, algunhas
salchichas, fariña, sal e ketchup.
Preparación:
Para facer a masa para a pizza, batemos un ovo,
engadimos manteiga, sal e fariña e mesturamos.
Cortamos algunhas salchichas e raiamos queixo.
Amasamos a masa e dividímola en pequenas pezas.
Estiramos a masa co rodillo.
Untamos o ketchup na masa estirada, engadimos as salchichas e o queixo raiado.
Metémolo no forno e cando estean feitas sacámolas.
TORTA DE QUEIXO (por Antía Cabanas e Sandra Núñez)
Ingredientes para a base da tarta:
• 3 vasos de fariña
• 1 vaso de azucre
• 4 xemas de ovo
• 250 g de manteiga
• 2 culleradiñas de levadura
Ingredientes para o recheo:
• 2 ovos
• 125 g de manteiga
• ½ vaso de azucre
• 600 ml de leite
• 500 g de queixo crema
• 2 sobres de preparado de natillas instantáneas
Ingredientes para a cobertura:
• 4 claras de ovo
• un vaso de azucre
Preparación:
Prequentamos o forno a 180º C.
Empezamos mesturando todos os ingredientes para a base da tarta, ata conseguir unha masa que
poidamos malear facilmente cun rolete.
Engraxamos o molde con un pouco de manteiga e colocamos a base ben estendida.
Para o recheo botamos as xemas, o queixo, o leite, o azucre e os dous sobres de preparado de
natillas e mesturamos pouco a pouco ata obter unha masa homoxénea. Engadímola ao molde.
Para a cobertura montamos as catro claras de ovo e mesturadas co azucre e reservamos.
Introducimos a tarta ao forno, que previamente prequentamos, durante un 45 minutos
aproximadamente. Nos últimos cinco minutos engadimos a cobertura anteriormente preparada.
Para rematar, deixámola repousar un tempo antes de servila.