2. Nos centros de ensino para persoas adultas somos conscientes de que amplos
sectores da sociedade teñen o dereito e a necesidade de incorporar á súa
bagaxe de competencias aquelas consideradas básicas para vivir e traballar
no século XXI. Por iso, queremos poñer a disposición do profesorado
ferramentas para complementar a súa tarefa profesional coas plataformas
virtuais de aprendizaxe. Este labor permitirá a transformación dos procesos
de aprendizaxe para ser moito máis abertos e flexibles, de modo que o
alumnado poida ter itinerarios individuais adaptados ás súas necesidades e
gozar da igualdade de oportunidades en calquera etapa da súa vida. Nese
sentido, as actividades multimedia son unha contribución de gran utilidade,
pois permiten unha aprendizaxe construtiva e significativa, respectan os
diferentes estilos de aprendizaxe, teñen unha maior flexibilidade, facilitan a
aprendizaxe autónoma e resultan máis motivadoras.
3. Os recursos elaborados deben ter en conta as seguintes cuestións
pedagóxicas:
a. Cantidade, calidade e pertinencia das actividades.
b. Claridade e resposta ao programa de obxectivos e contidos.
c. Adaptación ás necesidades e ao nivel de coñecemento do alumnado.
d.de orientacións para posibilitar a aprendizaxe autónoma.
e. Eficiencia (mellores resultados con menor inversión e esforzo).
f. Presenza de elementos motivadores.
g. Adecuación dos métodos didácticos ao medio.
h. Información sobre os erros cometidos.
4. Os textos
A meirande parte dos textos cos que traballa o alumnado nunha plataforma
virtual de aprendizaxe non presentan unha información secuencial e
eminentemente verbal. Monereo1 (2005) constata que a web está producindo
un sincretismo de medios sorprendente, no que o texto escrito é soamente unha
parte ás veces dominante e outras subordinada á significación máis xeral imposta
pola composición da páxina. De feito, o material multimedia caracterízase por
integrar dous ou máis medios, potenciar a interactividade, romper o método de
estudo secuencial e favorecer o establecemento de relacións con outros
materiais. A alfabetización electrónica implica, xa que logo, que o alumnado se
familiarice con diferentes sistemas semióticos (escritura, imaxe, audio, vídeo),
con diferentes tipos de texto e con distintas estratexias e habilidades cognitivas
(como buscar, seleccionar, enlazar e organizar información). Desde o punto de
vista do profesorado, temos á nosa disposición multitude de aplicacións na rede
que serven para facilitar as aprendizaxes mediante a creación de mensaxes
multimedia de carácter hipertextual.
5. Citaremos algunhas das máis coñecidas para que cada quen traballe aquelas que
lle resulten de maior interese na materia que imparte.
7. Glogster: Permite a creación de murais dixitais que poden combinar texto, imaxe, ligazóns, audio e
vídeo. Ten finalidades educativas diversas: resumo de contidos, presentación atractiva dunha actividade,
dar difusión a un proxecto, ofrecer recursossobre un tema…
http://www.glogster.com/
8. MindMeister: utilízase para crear esquemas e mapas conceptuais, de gran utilidade para
representacións visuais do coñecemento e das relacións que se establecen entre as distintas ideas.
http://www.mindmeister.com/#all
9. Slideshare: Para aloxar e compartir presentacións multimedia de ata 100 MB con diferentes formatos:
pdf, ppt, pps, pptx, ppsx, pot, potx (Powerpoint); odp (OpenOffice); key, zip (Apple Keynote), doc, docx,
rtf (MSOffice); odt, ods (OpenOffice); Apple iWork Pages... Tamén permite compartir vídeos.
https://www.slideshare.net/login
10. Imaxes
Existen varios servizos que permiten a procura de imaxes con licenzas flexibles que facilitan a súa
reutilización con fins educativos.
11. Flickr é unha rede social onde publicar e compartir fotografías gratuitamente. O usuario pode escoller
sobre o modo de compartir as súas fotos: con copyright ou con licenzas abertas que permitan distintos
graos de uso. Para usar imaxes alleas, haberá que comprobar que teñen unha licenza que o permita.
http://www.flickr.com/
12. INTEF conta cun banco de imaxes e sons para uso universal e gratuíto, sempre que se trate dun uso
educativo non comercial. O seu principal obxectivo é facilitar recursos audiovisuais que estimulen o
desenvolvemento de contidos educativos.
http://recursostic.educacion.es/bancoimagenes/web/
13. Morguefile é un repositorio de imaxes de gran calidade, que permite a súa utilización sen citar o autor,
sempre que a fotografía estea modificada e o usuario non se atribúa a obra orixinal.
http://www.morguefile.com/
14. GIMP é un dos programas de software libre máis axeitado para optimizar as imaxes e despois insertalas
no documento multimedia. Na web, é aconsellable o uso de imaxes cunha resolución que non supere 72
ppp, para que os arquivos pesen o menos posible.
http://www.gimp.org/
15. Actividades didácticas
Hai moitos programas que permiten crear actividades e cada un deles merecería un curso de formación
completo para familiarizarse co seu uso. Agora mencionaremos algúns dos máis interesantes
16. JClic: Programa gratuíto que permite crear de forma bastante simple unha ampla variedade de
actividades multimedia.
http://clic.xtec.cat/es/jclic/download.htm
17. Edilim: Programa en galego para deseñar actividades en forma de libro interactivo multimedia:
crebacabezas, sopas de letras, identificar imaxes ou sons, preguntas de opción múltiple, identificar
imaxes...
http://www.educalim.com/index.htm
18. Hotpotatoes: É outra aplicación moi usada para elaborar actividades para internet e da que podemos
atopar moitos exemplos na rede.
http://hotpot.uvic.ca/
19. Ardora: permite a creación de actividades didácticas en liña con textos, imaxes, gráficos, vídeo e audio.
http://webardora.net/
