1. Хэн амжжилтанд хүрэхийг хүснэ. Тэр ярьж сур.
Хэн найз нөхдөөр дутаж байна. Тэр бүү хүн муул

2. Бодь хутаг хүртэл үл сүйтгэхийн тул, зорьсон буян мөнх
Булаах хулгай дор үл автахын тул, сонссон эрдэм мөнх
Буруу мөрт үл одохын тул, амирласан нирваан мөнх
Буцалт үгүй магад амсахын тул, үйлийн үр мөнх
Ёгт зохиол үлгэр хоёр урт богиноороо биш утга
агуулгаараа ялгагддаг.

3. Эгнэгт бат үгүйн тул, энэ бие, нас хэврэг
Үүрд үл ханилахын тул, амраг садан бүхэн хэврэг
Элдвээр солилцон ирэх болзоогүйн тул, жаргал зовлон хэврэг
Эцэс дор барагдахын тул, хураасан бүхэн хэврэг
Оймс илүү илээснээрээ бус
Оюуныхаа цараар л дүгнэгддэг

4. Хэн дор эрдэм буй болбаас,тэгүүн дор тус буй
Хэн дор эе буй болбаас, тэгүүн дор нөхөр буй
Хэн дор эд буй болбаас, тэгүүн дор харам буй
Хэн дор эрх буй болбаас,тэгүүн дор хилэнц буй
Хэзээ хаана ч сэргэлэн болжмор шиг амьдар

5. Хэн дор эрдэм үгүй бөгөөс, тэгүүн дор олз үгүй
Хэн дор энэрэл үгүй бөгөөс, тэгүүн дор амраг үгүй
Хэн дор эд үгүй бөгөөс, тэгүүн дор хүчин үгүй
Хэн дор эрх үгүй бөгөөс, тэгүүн дор бач үгүй
Амьдрана гэдэг амьд явахын нэр бус
ажиллаж бүтээхийн нэр юм

6. Охь дээдийн номын ѐсоор явагчдын үйл сайн
Осол муу явдлыг тэвчигчдийн зориг сайн
Олны тусыг бодогч мэргэдийн санаа сайн
Онц бусын үйлийг бүтээгчдийн чадал сайн
Та юу тарина түүнийгээ л хурааж авна

7. Үнэн гурван эрдэнийг үл шүтэгчдийн заяа муу
Үйлийн үрийг үл хайхрагчдын ухаан муу
Үргэлж шунал тачаангуй нийлэгчдийн авьяас муу
Өчүүхэн олзонд баясагчдын хишиг муу
Өөдрөг үзэлтэй хүнээс чөтгөр хүртэл айдаг.

8. Төгс оюунтны ѐсыг эдлэгчдийн сайн алдар дэлгэрэх
Тэнэг мунхгийн журмыг дагагчдын муу нэр дэлгэрэх
Тэмцэн бусдыг хөнөөгчдийн хэл ам дэлгэрэх
Тэмдэгтэй сайн явагчдын цог учрал дэлгэрэх
Амьд байхын тулд биш ажиллаж
бүтээхийн тулд амьдар

9. Хэмээс хэтэрхий сайрхагчдын омог хүчин буурах
Хэтэрхий муу санагчдын өмөг садан буурах
Хөмсөг гоог эдлэгчдийн эд таваар буурах
Хэрэг үгүй үйлэнд дурлагчдын энэ хойт буурах
Тэнэг асуулт гэж байдаггүй харин тэнэг
хариулт гэж байдаг

10. Хайрлан тэтгэх санаатан дор, нөхөр садан олон
Харгис муу санаатан дор, өшөөтөн дайсан олон
Ханан цадагч сэтгэлтэн дор, эд таваар олон
Хазгай үгүй тогтоох оюунтан дор, сурах эрдэм олон
Багш гэдэг буян заяа
Багш гэдэг бурхан тавилан

11. Хорлох санаа бясалгагчид дор, янаг нөхөр цөөн
Хорт санааг тэвчигчид дор, өшөөтөн дайсан цөөн
Хомголзох шунахай сэтгэлтэн дор, эд мал цөөн
Ховдоглох санаа ихэдвээс, олз ашиг цөөн
Өөдлөх үедээ тааралдсан хүмүүстэй
аятайхан харицаж бай. Учир нь та уруудах
замдаа дахиад л тааралдана.

12. Тунгалаг гүн оюунтны сэтгэлийг гүйцэж мэдэх бэрх
Дурдах гэгээн оюунтны судалсныг эндүүрүүлэхэд бэрх
Тунгааж бодсон мэргэдийн зөвшөөлийг шийдэхэд бэрх
Тоногдож ирэх орчлонгийн жамыг мэдэхэд бэрх
Дурлал зэсийг алт, галын очийг сувдан
хэлхээ болгож харагдуулах тийм шилийг
хүний нүдэнд зүүдэг

13. Олзонд шунах муу сэтгэлтний санааг олоход хялбар
Онц хорлохоо мэдэгдэх, дайсны аймаг эцэслэх нь хялбар
Омоглон уурлахыг урьдагчдын бүрлэх нь хялбар
Олз хүндлэл дор дурлагчдын баясах нь хялбар
Хэн урагшаа эс ахина тэр ухарна

14. Шилдэг дээд оюунтны гомдох нь удаан
Шударга төв сэтгэлтний баясах нь удаан
Шулуун сайн зантны хилэгнэх нь удаан
Шим сайн тэтгэмжтэний үнэрхэх нь удаан
Байгаль бол хуудас бүхэн нь гүн гүнзгий
утга агуулга бүхий цорын ганц завсар
бусын ном юм

15. Гэм үгүй цагаан сэтгэлтний сануулах нь түргэн
Гэнэн зөөлөн бодлоготны хууртах нь түргэн
Гэтэмж муу санаатны хорлох нь түргэн
Хэтэрхий хорлогчдын үхэх нь түргэн
Хүн байгалиас хүнийрхэхгүй бол байгаль
хүнээс хүнийрхэхгүй

16. Зөв мөрийг заан таниулагч, багшийн сайн ач үнэн
Зөөн хурааснаа хайргүй эдлүүлэх,эцэг эхийн өршөөл үнэн
Зөөлөн авираар тустай үгийг үгүүлэгч,ах дүүгийн хайр үнэн
Зүдэх цагт тус хүргэгч,сайн нөхрийн тэтгэмж үнэн
Амьдралд зогсонги байдал гэж байхгүй
Зөвхөн урагшаа эс бөгөөс ухар

17. Дэмий нүүр харж, өргөгчдийн хүндлэл худал.
Дэлгэр цагт олноор хурагч, амраг садны хэлхээ худал.
Дийлэнхдээ,суралцах багш үгүй тэнэгчдийн ном сурах худал.
Дэнсэлгэж элдвээр омогдсон, нөхөр зарцын хайрлах худал
Хайрлана гэдэг бол бие биенээ харахыг
бус хоѐул нэгэн зүгт харахыг хэлнэ.

18. Судлуулавч үл авах, мунхаг шавийн багш зовиур
Сургавч үл авах, хэрцгий ардын ноѐн зовиур
Сонсовч үл авах, муу хөвгүүний эцэг зовиур
Сонживч үл цээрлэх, муу эмийн эр зовиур
Залхуурал бол залууу хүний
амьдралын дайсан

19. Өрсөх санаа агуулагчдын уур хилэн үл тасрах
Өслөх сэтгэл өвөрлөгчдийн хорлох сэтгэл үл тасрах
Өөрийн эд идээг хайрлагчдын хэрүүл тэмцэл үл тасрах
Өнөд нөхөрлөн үл чадагчдын баясах, гомдох үл тасрах
Аз жаргал гэдэг анзаарагдахгүй
бол байж л байна гэсэн үг