Гишүүдийнхээ харилцааны болон манлайллын чадварыг хөгжүүлэх үндсэн зорилготой гэх Тоасмастерс Интернэшнл байгууллагаас жил бүр зохион байгуулдаг Уран илтгэлийн дэлхийн аварга шалгаруулах тэмцээний 2016 оны аварга, Сингапурын хуульч Даррэн Тэйгийн "Давж сэтгэ, давж амьдар" илтгэлийг орчуулан хүргэж байна.

1. Даррэн Тэй – “Давж сэтгэ, давж амьдар”, “Давж сэтгэ, давж амьдар” –
Даррэн Тэй
“Хөөе, гоожуур аа!”
“Сургуулийн чинь дүрэмт хувцас чамд таалагдаж байна уу?”
“Харах нь ээ, чамд үнэхээр зохиж байна шүү”.
Энэ бол намайг дунд сургуульд байх үеэр дээрэлхэж байсан Грег Амберфийлдийн
хэлсэн үгс.
Хэрэв та нар Грегийн дотуур хувцас цэвэрхэн байсан эсэхийг сонирхож байгаа
бол, би ч гэсэн энэ тухай боддог байлаа.
Ноён зохион байгуулагч эрхэм, хүндэт Тоастмастерууд болон үүнийг дэлхий даяар
үзэж байгаа хэн нэгэн та энэхүү Кэйлвин Клайныг анзаарч байгаа бол харахаа
болино уу!
Миний нүүр энд байна шүү!
Намайг 14-тэй байх үед дээрэлхэж байсан Грег завсарлагааны үеэр миний замд
хөндөлсөн зогсоод, “Сургууль тарах цагаар би чамайг нүүрэн дундуур чинь,
гэдэсрүү чинь цохиод, хөөрхий чамайг өрөвдөн инээх болно” гэдэг байв.
Гэхдээ дээрх өгүүлбэрийн сүүлийн бүрэлдэхүүнийг яг ч хэлээгүй юм л даа.
Би зүгээр хүч нэмэх үүднээс зохиосон юм, учир нь энэ бол Тоастмастер шүү дээ.
Дээрэлхүү хүмүүс чамайг зодож, дарамтлахын өмнө яагаад тэдгээр үйлдлийнхээ
дарааллыг чамд нэгд нэгэнгүй урьдчилан хэлдэг талаар бодож байв уу?
Нөхөд өө, би тэдгээр үгсийг сонсох бүрийд салганадаг байв.
Та нар ингэтлээ түгшиж байсан уу? Идэж чадахгүй эсвэл унтаж чадахгүй болох
хүртлээ?
16 настай Грег 180 см өндөр, 109 кг жинтэй байсан нь надад биологийн тусгай
төрөл зүйлийг санагдуулам байлаа.
Би боломжтой бүхнийг хийх гэж оролдсон.
Грегийг зогсоох үүднээс би түүнд бялуу өгсөн ч тэр нь миний нүүрэнд зориулагдах
байж.
Багшид би түүний тухай хэлж үзсэн ч энэ нь Грег намайг илүү ихээр зовоох
шалтгаан болох байж.
Би бүр таеквондо болон каратегаар хичээллэсэн ч гэлээ нимгэхэн банз цохих гэж
оролдохдоо бугуйгаа гэмтээх учиртай байж.
Нөхөд өө, намайг яг л бууж өгөхийн даваан дээр байхад нагац эгч маань нэгэн
мэргэн үг хэлсэн байдаг юм.
Тэрээр, “Айдсыг даван туулах арга нь түүнээс нуугдах юм уу зугтах биш, харин
давж сэтгээд өөрт давуу байдлыг олж авах явдал” гэсэн юм.
Үүнийг сонссон нь миний толгой дотор гэрэл асахтай адил байлаа.
“Би чадна шүү дээ”.
Тэр үеийн 14 настай тархи минь надад Грегээс давж сэтгэх, давж амьдрах
боломжийг олгосон.

2. Би... өөр сургуульруу шилжсэн юм.
Грегийн цаг үеэс хойш хэдэн жилийн дараа би түүнээс том айдастай тулгарсан.
Илүү том, илүү хүчтэй айдас.
Түүнийг давж гарахын төлөө би юу ч хийсэн болж өгөхгүй байлаа.
Тэрээр надад цаг үргэлж сөрөг бодол төрүүлэхийн хажуугаар өөрийг минь
“гоожуур” гээд, бүр хэзээ ч амжилтанд хүрч чадахгүй мэтээр итгүүлдэг байв.
Миний өөрийгөө үнэлэх үнэлэмж буурч, заримдаа орноосоо босохыг ч хүсэхгүй үе
байсан.
Танд өмнө нь ийм мэдрэмж төрж байв уу?
Тэрбээр миний юу хийхийг хүртэл мэдэж, намайг 24/7 хоногийн турш дагадаг байв.
Би яаж ч хичээгээд түүнийг давж гарч чадахгүй байсан шалтгаан нь тэр яг энд
оршдог.
Айдас миний дотор байлаа.
Нөхөд өө, бид өөрсдийн дотор нуугдах айдсыг үгүйсгэх тусам түүний оршихуйг
улам ихээр хүчирхэгжүүлдэг.
Улмаар өөрөө өөрийгөө тарчлааж, сэтгэл санаагаар унадаг.
Та өөрийгөө бусдаас дутуу юм шиг мэдрэмжийг авч байв уу?
Би авч байсан.
Зарим үед бид өөрөө өөрсдийнхөө хамгийн том дайсан нь болчихдог.
Яг энэ цаг мөчид, та бүхэн гайхаж байж магадгүй, “Даррэн гадуураа өмссөн дотуур
хувцасыг хэр удаан өмсөж зогсох гэсэн юм бол?”
Энэ бол илтгэх урлагийн дэлхийн аварга шалгаруулах тэмцээний сүүлийн шат шүү
дээ.
5 минут арай урт биш байна гэж үү?
Хэрэв урт удаан санагдсан бол та өөрийн үл үзэгдэх дотуур хувцасыг гадуураа хэр
удаан өмсөж байгаа бол?
Хэр удаан хугацаанд та өөрийн дотор орших айдсаар амьдралын зүг чигээ
заалгуулж байна вэ?
5 минут урт хугацаа биш.
Яг одоо “Давж сэтгэ, давж амьдар” үгийг эргэн саная.
2 дахь жишээн дээр би урьдын адил өөр газарруу нүүгээд явчихаж чадаагүй.
Тархи толгойгоо өөрөөр ажиллуулах гээд чадаагүй. 2 дахь том айдсаасаа би
зугтаж чадаагүй.
Өөр ямар нэгэн зүйл өөрчлөгдөх ёстой. Чухам тэр үед л миний амьдралын эргэлт
гэж болохоор үйл явдал тохиосон юм.
Би нэгэн тоастмастертай уулзсан.
Тэрбээр надад урам зориг өгч, миний амьдралыг өөрчилсөн.
Түүний нэрийг Грег Амберфийлд гэдэг. Би Грегтэй уулзсан.
Түүнтэй Тоастмастерсийн уулзалтан дээр таараад би бүр цочирдсон шүү.
Хэзээ байтлаа Тоастмастерсийн уриа “Удирдагчид эндээс төрөн гардаг” гэдгээс

3. “Айдас эндээс төрөн гардаг” болчихов?
Гэснээс, Грег өдгөө өсвөр үеийнхэнд айдсыг хэрхэн даван туулах талаар зөвлөдөг
зөвлөх болсон.
Хэн мэдлээ?
Грег надад ийнхүү хэлсэн юм, “Дотоод айдсыг давах хамгийн сайн арга нь түүнээс
нуугдах юм уу зугтах биш, ерөөсөө энд байгаа айдсаас хүн зугтах боломжгүй.
Харин үүний оронд зоримог байж, айдастайгаа нүүр тулан, шинж байдлыг нь танин
мэд. Ингэсэн тохиолдолд чи дотоод айдастайгаа цаашид дахин зууралдах
шаардлагагүй болно. Чи айдсаасаа гарч, түүнийг гаднаас нь ажиглах нь байна шүү
дээ. Энэ нь яг л шуурган дунд байхын оронд шуургыг гэртээ, зурагтаар ажиглан
харахтай адил юм. Чиний дотоод айдас суларч багассаар, бүдгэрэн алга болох
болно”.
Үүнийг сонсоод би “Хөөх, гайхалтай юмаа! Чи яахаараа намайг 14-тэй байх үед
хэлж болоогүй юм бэ?” гэсэн.
Нөхөд өө, өнөөдөр би энэхүү тайзан дээр 2000 хүний өмнө болон дэлхий даяар
үзэж буй өөр олон хүмүүсийн өмнө зогсож байна.
Гэвч би түгшихгүй байна.
Миний ийнхүү удирдлагаа алдахгүй байгаа гол шалтгаан нь би айдсаа танин
мэдэж байна, түүнээс гарч байна, ажиглаж байна, улмаар хүчийг нь суларч,
бүдгэрэн алга болохыг харж байна.
Нөхөд өө, бүгдээрээ дотоод айдастайгаа нүүр тулгарахаас эмээхээ больцгооё.
Айдастайгаа нүүр тулж, танин мэдээд, түүний эсрэг арга хэмжээ авцгаая.
Бүгдээрээ нэг гэр бүлийн гишүүд шиг нээлттэй байж, харилцан бие биенээ
дэмжицгээе.
Учир нь бид бүхэн “давж сэтгэж, давж амьдарч” чадна.
Ноён Тоастмастер.