1. Entrepreneurial mind sets
Dan il-programm ġie ffinanzjat bl-għajnuna
tal-Kummissjoni Ewropea
Jiena bħala persuna
kreattivaModulu 2
2. X’inhi l-intraprenditorija?
Meta tisma’ l-kelma imprenditur,
x’tip ta’ immaġni tiġik f’moħħok?
Jekk hija l-immaġni ta’ xi ħadd jixbaħ
ħafna lil Mark Zuckerberg li qed
jipproduċi kodiċi HTLM f’kamra tad-
dormitorju tal-Ivy League, probabbilment
m’intix waħdek. Iżda mhux se tiġik
f’moħħok immaġni ta’ mases ta’ persuni.
Imprenditur huwa persuna li jisfrutta
idea biex jibda negozju ġdid u
jiżviluppah f’intrapriża li trendi
profitt.
3. X’inhi l-intraprenditorija?
Jeżistu bosta ideat żbaljati dwar l-
imprendituri. Xi persuni jemmnu li
sakemm tkun involut f’negozju, tista’ tqis
lilek innifsek bħala imprenditur. Oħrajn
jaħsbu li l-intraprenditorija hija kwistjoni
ta’ età. Bosta persuni jaħsbu li imprenditur
huwa sinonimu ta’ “hustler” – bniedem li
jagħmel minn kollox biex jikseb dak li jrid
-jew wieħed li jmexxi organizzazzjoni
żgħira.
4. Wasal iż-żmien li nixegħlu bozza fuq l-imprenditur
komuni ta’ kuljumTa’ spiss iż-żgħażagħ huma esposti għall-immaġni
tas-soltu tal-“imprenditur”. Din l-immaġni tista’
tgħawweġ ir-realtà dwar in-natura u l-attività
effettivi ta’ imprenditur. Għandna nevitaw milli
naqgħu fin-nassa li npoġġu ċertu tip ta’
imprenditorija fuq pedestall, u minflok għandna
nixegħlu bozza fuq l-imprendituri komuni li
niltaqgħu magħhom fil-ħajja ta’ kuljum,
imprendituri li ż-żgħażagħ jistgħu jirrelataw
magħhom u li minnhom jistgħu jiġu ispirati.
Fi stħarriġ reċenti dwar iż-żgħażagħ intsab li meta
dawn ġew mistoqsija jivviżwalizzaw
l-“intraprenditorija”, kważi 60 % minnhom
semmew “celebreneur”, bħal Alan Sugar, Steve
Jobs u oħrajn. Idea daqshekk eroika tal-
intraprenditorija tista’ tagħmel ħsara lill-opinjoni li
ż-żgħażagħ għandhom ta’ dan il-qasam, billi hu
diffiċli għalihom jikkunsidraw dawn il-personaġġi
5. Persuni meqjusin bħala mudelli
Il-persuni li jitqiesu bħala mudelli huma
fundamentali biex iż-żgħażagħ jiġu esposti għall-
imprendituri komuni tal-ħajja ta’ kuljum. Jekk fil-
familja jew fil-komunità jkun hemm xi ħadd li jista’
jippromwovi l-intrapriża f’termini u f’lingwaġġ
familjari għaż-żgħażagħ, dan jikkostitwixxi
katalizzatur importanti ħafna biex iż-żgħażagħ
jibdew jifhmu u japprezzaw l-intraprenditorija.
L-idea ġenerali hi li persuni li joriġinaw mill-istess
ambjent soċjali, li jkunu tal-istess sess u l-istess età,
u li jkollhom l-istess interessi ta’ spiss ikunu
f’pożizzjoni ferm aħjar biex jagħtu idea tal-
benefiċċji impliċiti fit-twaqqif ta’ intrapriża milli
minn mudell nazzjonali jew organizzazzjoni
remota.
6. Sessjoni “Ispirani…
Dan ta’ hawn fuq jista’ jintlaħaq billi jiġu mistiedna xi
ħaddiema lokali li jaħdmu għal rashom,
preferibbilment mis-settur kreattiv, bħal artisti, atturi,
u fotografi, biex jiġu jitkellmu maż-żgħażagħ fl-
organizzazzjoni tiegħek dwar l-esperjenzi tagħhom.
7. Sessjoni “Ispirani…
Il-ħbieb u l-familja jistgħu jitqiesu bħala
l-“preżenza moħbija”, dawk li jgħinu liż-żgħażagħ
jilħqu l-potenzjal intraprenditorjali tagħhom. Huwa
iktar probabbli li ż-żgħażagħ jitolbu parir mingħand
il-ħbieb u l-familja tagħhom milli mingħand aġenziji
governattivi jew servizzi professjonali. Il-ħbieb u l-
familjja jistgħu jkunu sors imprezzabbli ta’ appoġġ
emozzjonal u għajnuna prattika, iżda l-importanza
ta’ dawn ir-relazzjonijiet ta’ spiss ma tiġix
apprezzata.
L-għan tiegħek għandu jkun li tgħin liż-żgħażagħ
jirrikonoxxu l-għajnuna li jistgħu jipprovdu u
jisfruttaw il-ħiliet, l-għarfien u l-konnessjonijiet
tagħhom.
8. Ħiliet u attitudnijiet intraprenditorjali
Li kieku l-ingredjenti meħtieġa biex jinkiseb suċċess
fin-negozju kienu elementi tanġibbli, tista’ tibqa’
ċert li xi imprenditur intraprendenti diġà jkun
ittrasformahom fi prodott u għamel profitt mill-
bejgħ tagħhom fuq Internet bħala “Essenza għas-
Suċċess fin-Negozju”.
Sfortunatament, id-definizzjoni tal-kwalitajiet
meħtieġa biex jinkiseb suċċess fl-
intraprenditorija hija kemmxejn iktar diffiċli
minn dik tal-essenzi varji rreklamizzati fil-posta
elettronika tiegħek. Li tkun taf meta taġixxi u
meta tibqa’ f’postok jista’ jkun ta’ importanza
kruċjali għas-suċċess tiegħek, daqs kemm
huwa importanti li tkun taf tadotta t-ton ta’ vuċi
xieraq meta tkun qed tippromwovi l-prodotti
tiegħek għall-bejgħ. Iżda fuq kollox, hija d-
determinazzjoni l-fattur l-iktar importanti fl-
intraprenditorija.
9. Huma bosta dawk il-persuni li
jniedu negozju. Ma jeżistix
profil fiss ta’ imprenditur,
jistgħu jkunu żgħażagħ jew
xjuħ, irġiel jew nisa, u
joriġinaw minn kull qasam
soċjali.
Madankollu r-riċerka turi li l-
imprendituri għandhom
komuni bejniethom ċerti
kwalitajiet u karatteristiċi:
Imprenditur: Jieħu riskji
kkalkulati – Jaf jidentifika
opportunità – Determinat –
Iddedikat – Innovattiv –
10. Ħiliet u attitudnijiet intraprenditorjali
Li tkun “intraprendenti” ma jfissirx li għandek l-
ambizzjoni li tkun imprenditur. Pjuttost dan ifisser
xi ħadd b’taħlita partikolari ta’ ħiliet u
komportamenti intraprenditorjali, bħall-
individwalità, il-kreattività, u d-determinazzjoni.
Dawn il-ħiliet u l-kapaċitajiet komportamentali
jistgħu jintużaw fi kwalunkwe kuntest (soċjali, fuq
ix-xogħol, f’post tad-divertiment, fil-qasam tal-
mużika, fl-isports, fix-xogħol komunitarju u fil-
ħajja personali tiegħek). Anke jekk ma jkollokx l-
ambizzjoni li tibda n-negozju tiegħek stess, dawn il-
ħiliet jistgħu jgħinuk f’kull qasam tal-ħajja.
11. Kwalitajiet u karatteristiċi intraprenditorjali
• Il-ġestjoni tal-ħin
• Komunikazzjoni
• Kreattività
• It-teħid ta’ deċiżjonijiet
• Determinazzjoni
• Is-soluzzjoni kreattiva tal-
problemi
• Ippjanar
• Netwerking
• Riċerka
• It-twettiq ta’ proġett b’mod
kreattiv
12. Ħiliet u attitudnijiet intraprenditorjali
Persuna intraprendenti hija waħda li turi inizjattiva
u li “għandha attitudni attiva u mhux passiva għall-
ħajja”. Li turi inizjattiva jfisser li tieħu deċiżjonijiet.
Li tkun intraprendenti jfisser li tixpruna ruħek, li
jkollok id-determinazzjoni u l-enerġija li tegħleb l-
ostakli.
Fin-negozju xejn ma huwa “ċert”. Kull deċiżjoni fin-
negozju ġġorr magħha element ta’ riskju, li jfisser
il-possibbiltà li l-affarijiet jistgħu ma jmorrux kif
tixtieq. Biex tirnexxi trid tieħu riskji kkalkulati, u
trid tiżgura li l-qligħ probabbli jkun tali li jkun ta’
min jieħu dan ir-riskju.
13. Ħiliet u attitudnijiet intraprenditorjali
Il-kreattività tgħinek tagħraf opportunitajiet ta’
negozju li jimlew lakuni fis-suq. Il-kreattività
kontinwa, kif ukoll il-produzzjoni u l-iżvilupp
kotinwi ta’ ideat ġodda, huma fundamentali sabiex
bosta negozji kreattivi jiksbu suċċess.
Huwa important li imprenditur ikollu firxa ta’ ħiliet
fil-ġestjoni tajba tal-ħin. Dawn il-ħiliet huma
magħmulin minn għodod u tekniki użati biex jiġi
ġestit il-ħin fit-twettiq ta’ kompiti, proġetti u miri
speċifiċi. Il-ġestjoni tal-ħin iżżid il-valur tal-ħin
tiegħek u tgħinek tużah b’mod iktar effiċjenti biex
ittejjeb il-kwalità ta’ ħajtek. Il-ġestjoni tal-ħin
tirrigwarda l-aspetti kollha tal-ħajja, inkluż ix-
xogħol u l-ħajja soċjali u personali.
14. INNOTA
Waqt li ħafna żgħażagħ jgħixu l-ħajja li bosta
jassoċjaw mal-istereotip komuni tal-
imprenditur mimli inizjattiva u li jħobb ir-
riskju, bosta oħrajn ma jgħixux din il-ħajja.
Pjuttost, dawn il-persuni jsiru imprendituri
“b’ċikka”, permezz ta’ laqgħat okkażjonali ma’
persuni oħrajn, u jqisu l-impriża tagħhom iktar
bħala logħba li għandha tintlagħab fi grupp
milli bħala inizjattiva personali.
15. Agħżel u ħallat
It-taħlita tal-karatteristiċi intraprenditorjali hija differenti
għal kull individwu. Huwa preżunt li l-karatteristiċi
intraprenditorjali jistgħu jżidu l-possibilitajiet ta’ suċċess
fin-negozju. Waqt li ċerti karatteristiċi huma inerenti
bħal, pereżempju, il-bżulija, oħrajn jistgħu jiġu żviluppati,
bħall-motivazzjoni.
It-tiftix ta’ opportunitajiet
Opportunità hija sett ta’ ċirkostanzi favorevoli li joħolqu
l-ħtieġa għal prodott, servizz jew negozju ġdid. Dawn
jinkludu aċċess għall-kreditu, post tax-xogħol,
edukazzjoni, taħriġ eċċ. Imprenditur dejjem jibqa’ jfittex
u jidentifika opportunitajiet. Huwa/hija jaħtaf(taħtaf)
opportunità u jikkonnvertiha(tikkonvertiha) f’mira
fattibbli jew fi pjan realistiku u li jistgħu jintlaħqu.
16. Agħżel u ħallat
Ippjanar
L-ippjanar jikkonsisti fit-teħid ta’ deċiżjoni dwar il-futur
rigward dak li wieħed għandu jagħmel, meta għandu
jagħmel dan, fejn u kif għandu jagħmel dan, min għandu
jagħmel dan u liema riżorsi għandhom jintużaw.
Għaldaqstant, imprenditur effikaċi s-soltu jippjana l-
attivitajiet u l-kontijiet tiegħu bl-aħjar mod possibbli bħala
preparazzjoni għal eventwalitajiet mhux mistennija.
It-teħid ta’ riskji
Biex wieħed jikkwalifika bħala imprenditur irid ikollu l-ħila
jieħu riskji. Jeżistu bosta persuni fid-dinja tan-negozju li ma
jħobbux ir-riskju u li jippreferu jaħdmu f’ambitu familjari
għalihom. Imprenditur għandu jkollu l-ħila jidentifika
opportunitajiet fis-suq u li jieħu riskji kkalkulati biex jilħaq l-
objettivi tiegħu.
17. Agħżel u ħallat
It-tiftix ta’ informazzjoni
L-imprendituri li jiksbu suċċess ma jibbażawx l-attivitajiet
tagħhom fuq suppożizzjonijiet u lanqas ma jiddependu fuq
oħrajn għall-informazzjoni li jeħtieġu. Minflok, iqattgħu xi
ħin jiġbru informazzjoni dwar il-klijenti, il-kompetituri, u l-
fornituri tagħhom, u dwar it-teknoloġija u s-swieq rilevanti.
Il-ġbir ta’ informazzjoni rilevanti huwa importanti biex jiġi
żgurat li l-imprenditur jieħu deċiżjonijiet infurmati.
Perseveranza
Imprenditur dejjem jipprova jaħdem flimkien ma’ oħrajn
biex jilħaq il-miri tiegħu. Imprenditur għandu jkun persuna
perseveranti u ma jaqtax qalbu mill-inċertezzi, mir-riskji,
mill-ostakli, jew mid-diffikultajiet li jistgħu jfixklu l-ilħuq tal-
mira aħħarija.
18. Is-soluzzjoni ta’ problemi
Il-kapaċità li wieħed isolvi l-problemi b’mod
effikaċi hija importanti ħafna biex wieħed
jibqa’ reżiljenti. Il-kapaċità li wieħed isolvi l-
problemi b’mod effiċjenti tiddependi fuq l-
aċċess għal firxa ta’ strateġiji flessibbli biex
jiġu indirizzati l-kunflitti, biex tinstab
għajnuna, u biex jingħelbu l-intoppi mhux
mistennija.
19. Għaliex il-ħiliet fis-soluzzjoni tal-problemi huma
importanti
Kulħadd jeħtieġ isolvi xi problemi fil-ħajja ta’ kuljum.
Iżda aħna ma nitwildux bil-ħiliet li neħtieġu biex
nagħmlu dan – jeħtieġ li niżviluppawhom.
Meta tkun qed tipprova ssolvi problema huwa tajjeb
li tkun kapaċi
•tisma’ u taħseb b’mod kalm
•tikkunsidra l-opzjonijiet u tirrispetta l-
opinjonijiet u l-ħtiġijiet ta’ persuni oħrajn
-Issib soluzzjonijiet kostruttivi, u xi drabi
taħdem biex tilħaq kompromess
Dawn il-ħiliet huma apprezzati ħafna
f’sitwazzjonijiet soċjali kif ukoll fil-qasam tax-
xogħol – huma ħiliet utli għall-ħajja.
20. Meta taqsam problema ma’ ħaddieħor, diġà tkun
solvejt nofsha
Li taqsam il-problemi ma’ oħrajn mhuwiex biss
eżerċizzju terapewtiku, iżda jista’ jgħinek tikkunsidra
s-sitwazzjonijiet minn punto di vista differenti, u
jgħinek ukoll issib iktar soluzzjonijiet potenzjali
21. Il-proċess tas-soluzzjoni tal-problemi
Il-proċess tas-soluzzjoni tal-problemi jista’
jinqasam f’erba’ passi. Dan il-proċess jista’
jiġi applikat għal kważi kwalunkwe tip ta’
problema, minn dik soċjali għal dik
xjentifika:
1.Identifika l-problema
2.Iġġenera soluzzjonijiet
3.Ivvaluta s-soluzzjonijiet possibbli,
iddeċiedi dwar l-aħjar kors ta’ azzjoni u
attwah
4.Ivvaluta r-riżultat. Jekk il-problema ma
tkunx ġiet solvuta, irrepeti l-proċess mill-
ewwel pass
22. L-identifikazzjoni ta’ problema tista’ tiġi kkunsidrata
bħala pass ovvju, iżda xi drabi dan il-pass jista’ jidher
iktar diffiċli minn kemm tista’ taħseb. Fil-parti l-kbira
tal-każijiet, l-identifikazzjoni b’mod ċar ta’ problema
tfisser li diġà tkun solvejt nofsha.
Din l-identifikazzjoni tgħinek tiddetermina b’mod ċar
liema hi l-mira tiegħek, u attwalment x’qed ifixklek
milli tilħaq dan ir-riżultat.
1. Identifika l-problema
23. F’dan l-istadju tal-proċess huwa importanti li ma
tkunx kritiku żżejjed u li ma toqgħodx tivvaluta
kontinwament is-soluzzjonijiet iġġenerati, iżda li
taħseb sempliċement dwar l-ikbar numru possibbli
ta’ modi differenti li bihom tista’ ssolvi jew tindirizza
l-problema. Dan huwa simili għal “konfront ta’
2 Iġġenera soluzzjonijiet
24. Wara li telenka l-approċċi possibbli li bihom tkun
tista’ tindirizza l-problema, trid tivvaluta kull opzjoni
u tiddeċiedi liema huwa l-aħjar approċċ, waqt li
tikkunsidra dak kollu li jista’ jkun rilevanti għad-
deċiżjoni.
L-għarfien ta’ persuna rarament huwa perfett,
għaldaqstant, fil-parti l-kbira tal-każijiet, is-soluzzjoni
li tiġi magħżula tkun ibbażata fuq l-“aħjar
suppożizzjoni” tiegħek.
3 Ivvaluta s-soluzzjonijiet & agħżel l-
aħjar waħda li għandek tadotta
25. Wara li tipprova soluzzjoni, huwa importanti li
tivvaluta r-riżultat miksub. Jekk ma tkunx ħadmet,
mur lura għat-tieni pass, u analizza mill-ġdid is-
soluzzjonijiet possibbli. Kompli dan il-proċess
sakemm issolvi l-problema.
RIŻULTAT
4 Ivvaluta r-riżultat
26. Permezz tat-teħid ta’ deċiżjonijiet
formali u informali, iż-żgħażagħ
bħala persuni li kapaċi jieħdu
deċiżjonijiet jiġu involuti
f’għażliet importanti, sinifikanti u
sostanzjali, deċiżjonijiet u għażliet
li jaffettwaw lilhom infushom, il-
pari tagħhom, il-komunitajiet
tagħhom, u d-dinja ta’
madwarhom.
It-teħid ta’ deċiżjonijiet
27. It-teħid ta’ deċiżjonijiet personali
It-Teħid ta’ Deċiżjonijiet Personali — F’kull jum ta’
ħajjitna, irrispettivament minn min aħna, fejn
inkunu jew x’inkunu qegħdin nagħmlu, ikollna
nieħdu deċiżjonijiet li jirrigwardaw l-eżistenza
tagħna. Iż-żgħażagħ huma involuti kontinwament fit-
teħid ta’ deċiżjonijiet personali, billi jkollhom jagħżlu
kif jaġixxu, ma’ min iqattgħu l-ġurnata, u kif iqattgħu
l-ħin tagħhom. Il-mistoqsija fundamentali li għandna
nagħmlu hija jekk iż-żgħażagħ humiex qegħdin
jieħdu deċiżjonijiet b’mod intenzjonali jew
b’kumbinazzjoni, koinċidenza, jew mod ieħor.
Kif iż-żgħażagħ jistgħu jibdlu d-dinja
permezz tad-deċiżjonijiet tagħhom
28. Iż-żgħażagħ bħala Mexxejja ta’ Movimenti
Bit-teħid ta’ deċiżjonijiet li qegħdin joħolqu bidla
soċjali madwar id-dinja, iż-żgħażagħ qegħdin jiġu
involuti f’movimenti għall-ambjent, l-edukazzjoni,
riformi politiċi, u f’bosta kwistjonijiet oħrajn. Dan l-
involviment taż-żgħażagħ fit-tmexxija ta’ movimenti
għandu jsir b’awtorità, fini preċiż u kompetenza.
Kif iż-żgħażagħ jistgħu jibdlu d-dinja
permezz tad-deċiżjonijiet tagħhom
29. It-teħid ta’ deċiżjonijiet f’komunità
Iż-żgħażagħ jistgħu jiġu involuti f’isem il-viċinat fejn
jgħixu u f’isem gruppi kulturali, ħbieb, u persuni
oħrajn. Iż-żgħażagħ jstgħu jinataw opportunitajiet
fejn jieħdu deċiżjonijiet f’ambitu ta’ komunità billi
jiġu involuti f’assoċjazzjonijiet tal-viċinat, f’bordijiet
komunitarji, jew f’attivitajiet għall-bini tal-komunità,
bħal kampanji artistiċi ta’ tpinġija fuq ħitan pubbliċi,
tagħlim dwar l-għoti ta’ servizzi, jew opportunitajiet
oħrajn.
Kif iż-żgħażagħ jistgħu jibdlu d-dinja
permezz tad-deċiżjonijiet tagħhom
30. Opportunitajiet ta’ rappreżentanza
L-involviment immirat taż-żgħażagħ f’opportunitajiet
ta’ rappreżentanza jikkostitwixxi għodda għall-iżvilupp
tal-kompetenza u l-ħiliet tagħhom fit-teħid ta’
deċiżjonijiet billi dan jipprovdihom b’modi prattiċi u
applikabbli biex jaraw fejn jistgħu jwasslu, jew ma
jwasslux, l-għażliet tagħhom.
Taħriġ
Il-ħolqien ta’ opportunitajiet fejn iż-żgħażagħ u l-
persuni adulti jaħdmu flimkien jista’ jgħin fiż-żieda tal-
għarfien u l-ħiliet tal-persuni kollha involuti.
Dak li hu meħtieġ sabiex iż-żgħażagħ
jibdlu d-dinja permezz tad-
deċiżjonijiet tagħhom
36. 1. Għarfien emozzjonali - Din hija l-kapaċità li
tidentifika l-esperjenzi emozzjonali tiegħek u li
tikkontrolla r-reazzjoni emozzjonali tiegħek għal
avvenimenti esterni. Il-persuni reżiljenti ma jiġux
“ikkundizjonati” minn emozzjoni. Għalkemm
jistgħu jħossuhom imdejqin jew mbeżża’, għalihom
dawn l-emozzjonijiet mhumiex ostaklu li ma
jħallihomx jaffrontaw is-sitwazzjoni u jimxu ‘l
quddiem.
2. Kontroll tal-impulsi - Kull wieħed u waħda minnha
għandna impulsi biex nagħmlu u ngħidu xi affarijiet
– dan mhux dejjem ikun fl-aħjar interess tagħna, u
lanqas ma huwa ta’ għajnuna għall-oħrajn. Li tkun
reżiljenti ma jfissirx li għandek twaqqaf dawn l-
impulsi, iżda jfisser li tieqaf milli tirreaġixxi għal kull
impuls li mhuwiex ta’ ġid għalik.
7 ħiliet essenzjali ta’ reżiljenza
39. 7. Il-ħolqien ta’ konnessjonijiet u lħiq - Tista’
tiżviluppa r-reżiljenza billi trawwem relazzjonijiet
sinifikanti u ħbiberija ma’ persuni oħrajn.
7 ħiliet essenzjali ta’ reżiljenza
40. Messaġġi ewlenin
Fil-ħajja jinħolqu bosta okkażjonijiet fejn tiġi evidenzjata r-reżiljenza.
Ingredjent ewlieni tar-reżiiljenza huwa li tesprimi u tifhem l-
emozzjonijiet tiegħek.
Li tkun reżiljenti ma jfissirx li żżomm kollox ġewwa fik, iżda li tesprimi kif
tħossok u timxi ’l quddiem.
41. Messaġġi ewlenin
Ir-reżiljenza tfisser li tkun taf tikkontrolla l-emozzjonijiet tiegħek sabiex
tkun tista’ tippromwovi pjan ta’ azzjoni.
Li tkun taf tindividwa l-emozzjonijiet tiegħek f’sitwazzjonijiet differenti
jgħinek tikkontrolla dawn l-emozzjonijiet kif ukoll biex tiżviluppa l-ħiliet
meħtieġa biex timxi ’l quddiem.
46. Ħiliet intraprenditorjali...kull qasam ħajja
Kuntest Ħiliet Intraprenditorjali
Is-soluzzjoni ta’
problemi
Kreattività Ippjanar Netwerking
Negozju Titjib ta’ fluss ta’
flus batut
Invenzjoni ta’
prodott ġdid
Il-kitba ta’ pjan ta’
negozju
L-attendenza
f’avveniment ta’
netwerking
Impjieg/Karriera Nuqqas ta’ lħuq
ta’ miri
Is-sejba ta’ modi
ġodda kif jitwettaq
ix-xogħol
It-tħejjija ta’ pjan
ta’ żvilupp
perosnali
L-attendenza
f’fiera dwar il-
karrieri
Ħajja Personali X’tagħmel meta
d-dar tinħakem
minn għargħar
It-trasformazzjoni
ta’ delizzju
f’negozju
Il-ħolqien ta’ lista
ta’ affarijiet li
għandhom isiru
L-attendenza
f’avveniment
soċjali
Żvilupp tal-
Komunità
It-teħid ta’ miżuri
kontra l-abbuż
mid-droga fil-
komunità lokali
Il-ġenerazzjoni ta’
ideat għal
intrapriża soċjali
L-ippjanar ta’
avveniment għall-
ġbir ta’ fondi
Laqgħa ma’
parti interessata
47. Li tkun intraprendenti jista’ jkun utli – li jkollok ħiliet
intraprenditorjali għandu l-vantaġġi tiegħu f’kuntesti
differenti. Pereżempju, li tkun kreattiv fin-negozju
jista’ jissarraf fil-ħolqien ta’ prodotti ġodda, bir-
riżultat li dan jgħin fil-kisba ta’ klijenti ġodda, u
konsegwentement fiż-żieda tal-profitt.
48. Dawn il-ħiliet qed jiġu enfasizzati dejjem iktar
mill-impjegaturi. Xi drabi lawrea mhijiex
biżżejjed biex tiddistingwi ruħek mill-folla. L-
impjegaturi jridu żgħażagħ intraprendenti u
motivati. Għal din ir-raġuni, huwa tassew
importanti li tibni sett solidu ta’ ħiliet li
jgħinuk twettaq kompiti, li tidħol għal sfidi
b’mod effikaċi u li timpressjona b’mod
favorevoli lill-impjegaturi potenzjali.
Meta tapplika u tagħmel intervista għal
impjieg partikolari trid tkun kapaċi turi u
tispjega lill-impjegaturi l-fatt li inti individwu
intraprendenti.
Li tkun intraprendenti hija ħila importanti għall-
impjegabbiltà
49. L-ewwel post fejn għandek tagħmel referenza għan-
natura intraprenditorjali tiegħek huwa fil-Kurrikulum u
meta twieġeb kwalunkwe mistoqsija f’formola ta’
applikazzjoni dwar l-ikbar kisbiet tiegħek, il-kreattività
tiegħek jew il-kapaċità tiegħek li taħseb b’mod
innovattiv.
Jekk, pereżempju, waqqaft negozju bħala attività
sekondarja biex taqla’ xi sold żejjed, dan ifisser li inti
persuna intraprendenti. Jekk għamilt internship li kien
jinvolvi t-tlestija ta’ proġett ta’ titjib ta’ negozju, dan
ifisser li inti persuna intraprendenti. Madankollu, l-
eżempji tiegħek mhux bilfors iridu jkunu relatati ma’
negozju.
Kif turi l-ħiliet intraprenditorjali tiegħek
50. Jekk kont tagħmel parti minn kumpanija u tajt daqqa
t’id fit-twaqqif ta’ avveniment ġdid, jew ħloqt mod ġdid
kif tirreklamizza s-soċjetà tal-istudenti lil membri
potenzjali, dan ukoll ifisser li inti persuna
intraprendenti. Jekk ħloqt mod ġdid jew innovattiv kif
tagħmel ġbir ta’ fondi għall-karità jew kif tiffinanzja
sena ta’ mistrieħ mill-istudju jew mix-xogħol biex tiġi
ddedikata interament għall-ivvjaġġar, dan ukoll juri n-
natura intraprenditorjali tiegħek.
Ftakar… il-vera natura tal-persuni tiswa iktar mis-
somma tal-kwalifiki tagħhom!
Kif turi l-ħiliet intraprenditorjali tiegħek
51. Li tkun intraprendenti jfisser prinċipalment li
tiżviluppa ħiliet li jgħinuk turi kif tista’ tkun
kreattiv, innovattiv u flessibbli f’firxa wiesgħa
ta’ sitwazzjonijiet – dan jista’ jkun fl-
edukazzjoni, jekk taħdem għal ħaddieħor, jekk
tipparteċipa f’attivitajiet ekstrakurrikulari jew li
tattendi avvenimenti u workshops.
Fil-parti l-kbira tal-każijiet, il-ħiliet u l-
attitudnijiet intraprenditorjali jistgħu jiġu
żviluppati f’għadd ta’ modi u f’kuntesti
differenti, pereżempju f’taħriġ, jekk tara
vidjow jew fil-monitoraġġ ta’ impjieg.
L-iżvilupp ta’ ħiliet intraprenditorjali f’kuntesti
differenti
52. Ħila jew attitudni
intraprenditorjali
Kuntest Kif il-ħila jew l-attitudni jistgħu jiġu żviluppati
Ippjanar F’impjieg Attendi kors ta’ ppjanar biex titgħallem kif għandek tippjana b’mod iktar effikaċi
Reżiljenza u impenn Ħajja personali Sir membru ta’ tim sportiv biex tgħin l-iżvilupp tal-ħiliet tiegħek li jirrigwardaw ir-
reżiljenza u l-impenn
Inizjattiva Ħajja personali Sir volontarju ta’ organizzazzjoni ta’ karità jew li twettaq attivitajiet fil-komunità biex
tiżviluppa firxa ta’ ħiliet intraprenditorjali
Ħidma bejn il-membri
ta’ grupp
Reżiljenza
Is-soluzzjoni tal-
problemi
Ħajja personali Attendi programmi ta’ tmexxija mmirati għal barra u oħtajn residenzjali għaż-
żgħażagħ biex tiżviluppa ħiliet differenti, bħall-kapaċità li taħdem f’kollaborazzjoni
ma’ membri oħrajn ta’ tim, ir-reżiljenza u s-soluzzjoni tal-problemi
Netwerking
Adattabilità
Edukazzjoni Ipparteċipa f’attivitajiet ekstrakurrikulari, pereżempju s-sħubija ma’ għaqda/klabb
hija mod tajjeb ħafna biex tiżviluppa ħiliet differenti, tkabbar in-netwerk ta’ kuntatti
tiegħek u, ovvjament, tiddeverti
Kreattività
Inizjattiva
Żvilupp tal-komunità Li tipparteċipa f’kompetizzjonijiet jista’ jkun mod divertenti kif tesplora attivitajiet
ġodda u tiżviluppa ħiliet ġodda
Netwerking
Tmexxija
Ħidma bejn il-membri
ta’ grupp
Is-soluzzjoni tal-
problemi
Żvilupp tal-komunità Is-sħubija ma gruppi ta’ Scouts jew Gwidi jippermetti liż-żgħażagħ jiksbu firxa ta’
ħiliet u jagħmlu parti minn komunità
Ħidma bejn il-membri
ta’ grupp
Ippjanar
Netwerking
F’impjieg Attendi sessjonijiet ta’ taħriġ, workshops u avvenimenti dwar firxa ta’ suġġetti
mfasslin biex jgħinuk tiżviluppa ħiliet u esperjenzi importanti, bħal ħidma f’tim, l-
iżvilupp ta’ pjan ta’ negozju, jew netwerking. Dawn il-ħiliet huma tajbin ħafna
kemm għall-impjegabbiltà tiegħek, kif ukoll għall-ħiliet tiegħek fil-qasam tan-
negozju jekk tkun se tibda negozju għal rasek
Komunikazzjoni F’impjieg Uża l-mentoraġġ jew coaching minn pari biex jgħinuk tiżviluppa ħiliet ta’
komunikazzjoni
53. L-iżvilupp ta’ ħiliet intraprenditorjali f’kuntesti
differenti
Kif Tista' Ti viluppa iliet Intraprenditorjaliż Ħ
Kotba tas-serje HOW
Taħriġ / Korsijiet
Esperjenza ta' xogħol
Monitoraġġ ta' impjieg / Mentor
Volontarjat
Diskorsi / Avvenimenti / Konferenzi
Vidjows fuq YouTube
54. Il-promozzjoni tal-aspett komuni ta’ kuljum
tal-“istorja” intraprenditorjali
Dan huwa mod effikaċi ħafna kif l-intraprenditorija
tista’ ssir iktar attraenti għaż-żgħażagħ. Promozzjoni
bħal din tista’ tgħin ukoll biex l-imprendituri
eżistenti jsiru konxji li l-attivitajiet tagħhom huma
tabilħaqq “intraprenditorjali”. Bosta żgħażagħ li
jbiegħu prodotti u servizzi mhumiex lesti
jiddefinixxu ruħhom bħala “imprendituri”, u dan
ifisser li huwa inqas probabbli li jfittxu għajnuna
siewja.
Xi suġġerimenti tajbin
55. Introduċi mill-ġdid l-aspett uman fl-
intraprenditorija
L-intraprenditorija hija mezz biex jintlaħaq għan,
mhux sempliċement għan fih innifsu. Nistgħu
nagħmlu iktar biex nuru liż-żgħażagħ kif l-
intraprenditorija tista’ tintuża bħala mezz biex
jintlaħqu bosta objettivi varji tal-ħajja – iktar libertà,
il-possibbiltà li tittieħed inizjattiva ispirata minn
idea tajba u, ovvjament, li jsir qligħ finanzjarju.
Xi suġġerimenti tajbin
56. Apprezza l-fallimenti u erġa’ oħloq possibilitajiet li
jwasslu għal proġetti, negozju, edukazzjoni…
Li wieħed jidħol u joħroġ mid-dinja tan-negozju hija
parti integrali mill-ħajja ta’ imprenditur, iżda bosta
drabi dan jitqies bħala “falliment”. Ippromwovi l-
idea li l-falliment huwa pedament neċessarju biex
tiżviluppa ħiliet u biex titgħallem, u dan
jinkoraġġixxi iktar imprendituri żgħażagħ li
jabbandunaw proġett, l-edukazzjoni jew negozju
biex jerġgħu jibdew mill-ġdid.
Xi suġġerimenti tajbin
57. Ħaddan il-frustrazzjoni
Il-frustrazzjoni mhijiex interruzzjoni tal-proċess tiegħek. Il-
frustrazzjoni hija l-proċess! Kull impriża kreattiva għandha d-
diffikultajiet tagħha. Iżda jekk tkun ċert li tkun fit-triq it-tajba, l-
unika opzjoni hija li taċċetta l-aspetti negattivi u timxi ’l quddiem.
X’tista’ tagħmel aħjar? Irrikonoxxi li l-mumenti ta’ frustrazzjoni
jistgħu jwasslu għal tkabbir sinifikanti. Jekk ma tkunx kapaċi tegħleb
frustrazzjoni, abbanduna l-impriża temporanjament. Xi drabi l-
problemi diffiċli, pjuttost milli ostakli insuperabbli, ikunu sinjal li
jkun wasal iż-żmien li nikkunsidraw mill-ġdid il-perspettivi tagħna.
Kif tiġġestixxi ruħek bejn mument tajjeb u ieħor, jiġifieri fil-perjodi li
fihom jinqalgħu d-diffikultajiet, huwa l-kejl ta’ kemm inti ddedikat
għall-vokazzjoni tiegħek, u kemm inti mgħammar biex taffronta l-
eżiġenzi strambi ta’ ħajja kreattiva. Il-parti iebsa ta’ impriża hija
magħmula minn kif jirnexxilek tissupera l-fażijiet kreattivi kollha tal-
avventura intraprenditorjali tiegħek.
Xi suġġerimenti tajbin
