1. A ESMORGA
ACTIVIDADE INICIAL A REALIZAR NO CEMITERIO DE SAN
FRANCISCO
Obxectivos da Actividade
Presentación e información sobre o Cemiterio
Antigamente as personaxes célebres se enterraban nas igrexas, e para o resto había dous
cemiterios urbanos en Ourense: o da igrexa da Trinidade e o do Hospital de San Roque
(estaba na Alameda do concello)
E no ano 1817 cando os concellos son obrigados a situar os cemiterios fora das cidades
e así, o de Ourense compra en 1822 a comunidade dos franciscanos a finca onde hoxe
está este cemiterio.
En 1887 o concello construirá a dereita da entrada un pequeno cemiterio para enterrar a
laicos e protestantes. Estarían separados os mortos máis de 100 anos.
O romántico cemiterio cativará a poetas e literatos pola súa situación sobre a cidade,
situado nas abas de Montealegre, coa súa luz permanente no atardecer, e cunha morea
de personaxes famosos da cidade enterrados nel.
Desenvolvemento da actividade
Dous membros de cada grupo que vai tomar parte no paseo cultural por Ourense, terán
que localizar na zona marcada no seu plano (son distintos para cada grupo) unha das
seguintes personaxes:
EDUARDO BLANCO AMOR
BEN CHO SHEY
RAMÓN PARADA JUSTEL
FLORENTINO LÓPEZ CUEVILLAS
VALENTÍN LAMAS CARBAJAL
RAMÓN OTERO PEDRAYO
JAVIER PRADO LAMEIRO
Cada grupo comezará na orde de chegada o seu paseo por Ourense cando atope a tumba
que se localiza na súa zona (aportando unha característica determinada) e será
acompañado por un/ha profesor/a comezando por unha determinada pregunta do
percorrido (para evitar que vaian grupos xuntos facendo o percorrido e tendo en conta
que este é practicamente circular)