1. A ESMORGA
PASEO CULTURAL EN OURENSE
Tedes que realizar un percorrido pola cidade de Ourense procurando atopar a resposta a
tódalas preguntas que se vos fan. Utilizamos como guía para elaborar este material a
ruta da ESMORGA, do escritor ourensán Eduardo Blanco-Amor.
Tratamos de que vos formuledes diferentes cuestións sobre a historia, a cultura, sobre
algunhas curiosidades e distintos aspectos sobre o desenvolvemento urbano das vilas e
cidades.
NORMAS DA ACTIVIDADE
É obrigatorio realizar o percorrido completo ilustrado coas fotos que vos
entregamos. Nalgunhas das preguntas teredes que preguntar á xente. Sede
respectuosos.
Tedes que respectar as normas e regulamentos de tráfico así como manter unha
actitude educada en todo momento.
Non molestedes ás persoas que non participan na actividade.
0 respecto e a educación serán indispensables na relación coas persoas alleas ó
xogo, ás que se lle poida pedir axuda ou información.
A SENDA URBANA
Teredes que respectar unha serie de pautas para evitar posibles accidentes:
Ide sempre polas beirarrúas
Cando haxa que cruzar unha rúa facelo sempre co semáforo en verde para o peón.
Se non hai semáforos cruzade sempre por un paso de cebra, e mirade a ámbolos
dous lados.
MATERIAL
Carpeta pastas plásticas con todo o material entregado
Bolígrafos
Rotulador vermello ou cor visible
2. AVALIACIÓN
NON SE TRATA DE QUE REALICEDES O PERCORRIDO O MÁIS
RÁPIDO POSIBLE, SENÓN DE QUE CONTESTEDES A TÓDALAS
PREGUNTAS QUE VOS FACEMOS.
No plano urbano de Ourense que vos entregamos tedes que ir marcando cun
rotulador vermello a ruta que seguides en cada momento.
Teredes unha tarde para respostar ás preguntas que non chegásedes a atopar
(utilizaredes os medios que consideredes máis axeitados: Internet, libros...)
Calquera infracción ás normas da actividade ou ás de convivencia considerarase
como falta grave co conseguinte prexuízo cara vós.
FINALMENTE HABERÁ UNHA “SORPRESIÑA” PARA CADA MEMBRO
DE CADA GRUPO. DITA SORPRESIÑA SERAVOS COMUNICADA POR
CADA PROFESOR ACOMPAÑANTE Ó REMATE DA ACTIVIDADE (Na Praza
Maior)
A nota que levaredes dependerá pois destas tres cousas:
1. Resposta ás preguntas das 5 follas.
2. Rota marcada no plano de Ourense.
3. Actitude no desenvolvemento da proba.