Erreformak. lan osatua

XIX. mendetik aurrera Espainian ezarritako hezkuntza DIDAKTIKA
erreformen kronologia:

SARRERA

LOMCE 11. lege erreforma izango da. Lege hauetatik 7 Lehen eta Bigarren hezkuntzakoak izan
dira, 1 Lanbide Heziketakoa, eta 3, berriz, Unibertsitate esparrukoak. Hiru urtean behin, bataz
beste, lege aldaketa berri bat jarri dute indarrean.

Garbi adierazten du honek, Espainiar Estatuan hezkuntzan ez dutela alderdi politiko nagusien
arteko paktuek agindu. Hezkuntza abagune politikoaren menpe egon izan da beti. Alegia,
garaian gobernuan egokitzen zen alderdi politikoak bere ideologiaren araberako hezkuntza legea
inposatu du. Hezkuntza komunitateko partaideek ez dute erabaki horietan inongo eskumenik
izan.

Hezkuntza ereduez hitz egiterakoan, Finlandiakoa izan ohi dugu hizpide. Izan ere, aipagarria da,
bertan, hezkuntza legeak hezkuntza komunitatearen artean kontsentsuz erabakitzeaz gain 30
urteko bizialdia izaten dutela.

Espainiar Estatuak oso barneraturik dauka hezkuntzak duen balioa jendartean, eta hezkuntza
erabiltzen du eraiki nahi duen jendartea egituratzeko.

MOYANO LEGEA (1857)

Espainiako lehendabiziko hezkuntza legea 1857ko “Ley de Instrucción Pública” izan zen,
Moyano legea bezala ezagutzen duguna, Isabel II.ren garaikoa, XIX.mendean. Gerra Karlisten
garaia izan zen hura, eta analfabetismo tasa oso altua zen. Horri konponbide bat emateko
bultzatu zuten Moyano legea. Gobernu Moderatuak bultzatu zuen legea, eta 1855.urtean
Progresistek landu zuten Instrukzio Publikorako Legearen Proiektua hartu zuten oinarri. Garai
honetan, Moderatuak eta Progresistak bereizten ziren korronte liberalean, eta interes
kontrajarriak izan arren, bat etorri ziren Espainiako lehendabiziko hezkuntza legea eratzeko.

Aipatu beharra dago, Moyano Legea ez zela guztiz berritzailea izan. Aurreko urteetan,
“1821.urteko Arautegian”, 1836.urteko “Duque de Rivas Planean” eta 1845.urteko “Pidal
Planean” jasotako hezkuntzari buruzko legeak bildu zituen hein handi batean Moyano Legeak.

Moyano legeak hala ezarrita, beraz, hezkuntza hiru gradutan antolatu zen. Lehendabiziko
eskolatzean (instrucción primaria) bi etapa bereizten jarraitu zituzten; oinarrizkoa eta goi
mailakoa. Eskolatze aldi honetarako doakotasun erlatiboa ezartzen da (seme-alaben eskolaratzea
ordaindu ezin duten gurasoentzat soilik dohakoa). Erdi mailako hezkuntzari dagokionez
(enseñanza media), berariazko izaera eta autonomia hartzen du, goi mailako ikasketetatik


bereiztearen eraginez. Eskola aldi hau bi ikasketa mota ezberdinetan banatu zen; orokorrak
(generales) eta zertarakoak (de aplicación). Azkenik, unibertsitateko ikasketak daude maila
ezberdinetan banatuta; Fakultatea, Irakaskuntza Teknikoak eta Irakaskuntza Profesionalak.
Aurreko urteetan “Pidal Planak” zioena konfirmatu zuen Moyano Legeak, erakunde
publikoetan burututako ikasketak izango zutela soilik balio akademikoa.

Moyano Legearekin, beraz, Moderantismo historikoaren printzipio nagusiak ezarri ziren:

 Doakotasun erlatiboa lehendabiziko eskola aldian.
 Zentralizazioa: Madrilen finkatutako instituzioei kontrol absolutu eta zuzena ematea
izan zen lege honen helburu nagusietako bat.
 Uniformitatea.
 Sekularizazioa.
 Irakaskuntza askatasun mugatua.

Hezkuntza sistemaren egitura ondorengoa izan zen:

 Lehendabiziko Irakaskuntza eskoletan ematen zen eta doako izaera zuen.
 Bigarrengo Irakaskuntza institutuetan ematen zen. Arteetako Batxilergoko gradua
eskuratzeko azterketa baimena ahalbidetzen zuen. Titulu hau ezinbestekoa zen
Irakaskuntza Fakultatiboetarako eta gomendagarria Goi Mailako Irakaskuntzetarako.
 Irakaskuntza Fakultatiboak (hastapenetan Filosofia, Zuzenbidea, Zientziak, Medikuntza,
Farmazia eta Teologia), unibertsitatetan irakasten zena eta Batxilergoko titulua eta
Lizentziatu titulua lortzea ahalbidetzen zutena eta Doktoretzarako sarbidea zena.
 Goi Mailako Irakaskuntza, Goi Mailako Eskoletan ematen zena Ingeniaritza, Arte
Ederrak (Arkitektura, Pintura eta Eskultura, Musika…), Diplomatika eta Notaritza
tituluak eskuratzeko.
 Irakaskuntza Profesionalak, zentro berezietan irakasten zirenak, Lehenengo
Eskolaldirako Irakasle, Albaitari, Merkatari Irakasle, Nautika eta
Obra/Aparejadore/Agrimensore Irakasle tituluak eskuratzeko balio zutenak.

1970eko HEZKUNTZAREN LEGE OROKORRA

1969an, Francoren diktadurapean Hezkuntzako ministro izendatu zuten Jose Luis Villar Palasik
bultzatu zuen legea da hau. Garai hartan, Espainiako hezkuntza sistemak akats askok osatzen
zuten. Erantzun eta konponbide egokienak erabiltzeko, astebetez bildu zen ministegiko taldea,
eta bertatik atera zen hezkuntza erreformarako erabilitako trikimailua. Trikimailu hori


Hezkuntzaren liburu zurian oinarritzen zen. Liburu hau argitaratu zenean hezkuntzaren arau
klasikoekin puskatzea ekarri zuen 30 urteren ostean. Gobernuak bere iraganaren aurka egin
behar izan zuen, 244 orriz osatutako liburu honek 199 orritan momentuko hezkuntza egiturari
egiten baitzion kritika. Azkenean, arazo larriz beteriko egoera bat deskribatzea eta egoera horri
konponbide egokiak proposatzea izan zen liburuak lortu zuena.

Liburu honek, bere lehen atalean, publikoki zihoen sistemaren oinarrian diskriminazio larri bat
bizitzen ari zela. Lehen Hezkuntzan bi maila ezberdin bereizten ziren, non maila erdiko
ikastetxeetan Lehen Hezkuntzako eskolaratzeak hamar urte arte irauten zuen, gainontzekoen
hamalau urteen aurrean. Hortaz gainera, hamar urterekin funtsezko batxilerrera igarotzearen
aurka zeuden, urrats handiegitzat jo baitzuten hau, hamar urte goizegi baita umearen garapenean
batxilergo batera bideratzeko. Horrela, batxilergoaren zatitzearen kritika egin zen, Zientzien
eta Letren arteko banaketa goiztiarraren aurka eginez. Lanbide Heziketari dagokionez,
ikaskuntza planak batxilergoarekin sinkronizatuta ez egotea kritikatzen da, gainontzeko
heziketa mailekin oso lotura gutxi izatea dakarrena.

Liburuaren bigarren atalean hezkuntzak jaso beharreko erreformak nolakoa izan beharko lukeen
esaten da. Oinarri hauek hartuz: oinarrizko hezkuntza bat ezartzea, dohainik eta hamalau urte
arte beharrezkoa dena. Hezkuntzaren ezberdintasunak gainditzea hirian eta landan. Batxiler
bakar bat ezartzea eta Lanbide Heziketa ikaskuntza modalitate baten moduan hartzea lan
munduari eta hezkuntza maila sistemei lotzea.

Liburuak esandakoari aldaketa batzuk egin ondoren, onartu egin zen bertan agertzen zen
erreforma. Horrela, eskola bidezko integrazio sozialaren printzipioa arrakasta izaten hasi zen,
non espainiar guztiek izango zuten eskolara joateko aukera inor baztertu eta diskriminatu gabe.
Horrela, 1970eko abuztuaren 4ean Espainiako hezkuntza sistema mende horretan lehen aldiz
aldatuko da, non erregulatu eta estrukturatu egingo den hezkuntza.

Lorpen handiko legea izan zen hau, sistema barruan zeuden kontraesanak gainditzeko helburua
baitzuen hainbat erreforma sektorialen ondorioz izandako beherakada zela eta, garai hartan
Espainia jasotzen ari zen aldaketa sozial eta ekonomikoei aurre egiteko nahikoa ez zena.
Hezkuntza liberalean oinarritzen zen legea, honek azken 30 urteetako hezkuntza autoritarioaren
porrotaren ezaguera inplizitua zekarren. Hezkuntza ikuspegi orokor eta iraunkor batetik, LGEk
sistema bateratu ( hasierako mailetan 2 mailak desagertu egingo dira) eta malgua (goi-mailetan
hainbat “zubi” eta aukera sortuko dira adar batetik bestera igarotzeko aukera ematen dutenak).


4 mailatan antolatuko da egitura:

1 Eskolaurrea.Umearen ikaskuntzaren hasieratzat hartua.Bi etapetan banatuko da: lehenik,
“Jardín de infancia” 2-3 urte bitarteko umeentzat eta bigarrenik, haur eskola 4-5 urte
bitartekoentzat.

2 Oinarrizko hezkuntza. Eskolaurrearen jarraipen naturala izango litzateke. Legeak maila
bakar, derrigorrezko eta doakoa espainiar guztientzat. Bi etapetan banatzen da: lehena, 6-10
urte bitartean non karakter orokortua nabarmenduko den ikaskuntzetan eta bigarrena,11-13 urte
bitarteko umeentzat izango da.

8 kurtsoak amaitzean amaierako ebaluazioa egokia bazen ikasleak graduatu eskolarreko titulua
jasoko du, kontrako kasuan, eskolaratze ziurtagiri bat emango zen. Bien arteko aldea litzateke
titulua jasota batxilerrera igarotzea badagoela eta bigarrenarekin aldiz Lanbide Heziketara soilik
bideratu liteke, kasu horretan derrigorrezkoa eta doakoa.

3 Erdi mailako ikaskuntza: batxilergoa bateratu moduan definitzen da. hiru kurtsotan oinarritzen
zen. Behin hau bukatuta ikasleak unibertsitate ikasketak edo bigarren maiako Lanbide
Heziketara jotzeko aukera izango zuen.

4 Unibertsitate ikaskuntza: 3 ziklotan banatua: lehenengoak hiru urteko iraupena, lanbide motzei
eskainiak, ondoren diplomatura, arkitekto tekniko edo ingeneritza teknikoentzat. Bigarren
zikloak bi urteko iraupena izango du eta lizentziatura eskuratzea ahalbidetzen du. Hirugarren
zikloan, espezializazio zehatza eta prestakuntzakoa ikerketarentzat eta ikaskuntzarentzat,
doktoretza eskuratzeko lagunduko duena.

Beraz, hauek lirateke Hezkuntzaren Lege Orokorraren ezaugarri nagusienak:

1- 6 eta 14 urte bitarteko hezkuntzaren orokortzea herritar guztientzat, sistema bakar
batekin, ez dena diskriminatzailea izango.
2- Hezkuntzaren kalitatearekiko ardura. Horrela hezkuntza luzatzeaz gain, denentzako
kalitateko hezkuntza bat izatea saiatu zen.
3- Estatuaren subsiriedadearen amaiera, 1970 arte iraun zuena. Lege honek Estatuaren
irakaskuntza funtzioa arakatuko du ikaskuntzaren antolamenduan eta eskolako
postuen aurreikuspenean.
4- Unibertsitarioak ez ziren mailetan irakaskuntza pribatuaren areagotze nabarmena.


5- Hezkuntza sistemaren eta lan munduaren arteko erlazioa sortzeko ardura,
hezkuntzak lan mundura bideratzeko zentzuarekin.
6- Hezkuntza sistema zentralizatu baten konfigurazioa, hezkuntzan bateratasuna ekarri
zuena.

Lege honek bere osotasunean martxan jartzeko 10 urte zituen arren, hilabete bat igaro
ostean lehenengo lau mailak ezarri ziren. Berrikuntzak oso azkar ezartzen hasi ziren eta
horrek erreformaren erritmoan zalantza asko ekarri zituen. 1975ean onartutako
ikasketen legeak batxilergoa ikuspegi tradizional, akademiko eta teoriko batera bideratu
zituen berriro ere. Gainera, hainbat arazo tradizionalek konponbide gabe jarraitu zuten
nahiz eta eskolaratze maila honen une goren bat izan zen.

Hortaz gain, behin Dikatadura amaitu zenean eta Demokrazia iritsi zenean Autonomi
Erkidegotan derrigorrezko gai bezela bertako hizkuntza ikasten zen.

Lege hau 1990ean ordezkatu zen LOGSE legeagatik.

LOGSE (1990)

XX. mendearen bukaeran, aldaketa sakonak gertatuko dira Espainian. Diktadura batean denbora
luzez murgildurik egon ondoren, estatuak demokrazia baterantz joko du, eta ondorioz, gizarteko
egitura guztietan aldaketa sakonak emango dira. Lehenik eta behin, 1978.urtean egindako
konstituzioak, demokraziari eta baita indibiduo bakoitzaren askatasun eta eskubideei ere
garrantzia handia emango die. Agintea subiranotasun nazionalez aukeratutako monarkia
parlamentario baten esku egongo da, eta ondorioz, hezkuntzan edota gizartea osatzen duten
bestelako esparruetan ere, erabakiak era demokratikoan hartuko dira (denen artean hartuko dira
erabakiak).

1990.urtean, Sozialistak boterean zeudelarik, irakaskuntzan LOGSE (“ley orgánica general del
sistema educativo” edota hezkuntza sistemaren antolamendu orokorraren lege organikoa)
boterean jarri zen, gehiengo batek hala izatea onartu zuelako. Hezkuntza termino orokorretan
zehaztuko zuen curriculum berri honek, aurretik zegoen “ley general de educación” edo
hezkuntza lege orokorra (1970.urtekoa) ordezkatu zuen, eta indarrean egon zen Espainiar estatu
osoan zehar, 2006.urtean ordeztua izan zen arte.

Lege berri honek zituen ezaugarrien artean, hauek izan daitezke garrantzitsuenak:


 Lehenik eta behin, aipatzekoa da LOGSEk hezkuntza estatuaren agindupetik
deszentralizatzea ekarri zuela, hau da, autonomia erkidego bakoitzak hezkuntza
kontrolatzeko ahalmena izateaz gainera, curriculumaren zati handi bat erabakitzeko
aukera zutelako ere.
 Bestalde, eta estatuak curriculum guztia zuzenean erabaki beharrean, autonomi erkidego
bakoitzak curriculumaren zati handi bat idazteko aukera izateaz gainera, eskola
bakoitzak curriculum hori aplikatzeko askatasun tarte bat ere badu, eta ondorioz,
curriculum hau nahiko irekia (zehaztapen maila desberdinak onartzen dituelarik)eta
flexiblea dela esan daiteke.
 Estatuak erabakitakoarekin jarraituz, eta demokrazia bermatu nahi zutela kontuan
izanda, zentro bakoitzean irakasle klaustro bat egongo da, zeinak zuzendaria
aukeratzeko gaitasuna izango duen. Gainera, ikasgeletan 40 ikasle egotetik, gehienez 25
ikasle egotera pasa zen.
 Irakasleen ildotik jarraituz, eta kalitatezko irakaskuntza bat eskaintzeko asmotan,
irakaslegoak era konstantean formakuntza jasoko du (kurtso bitartez adibidez) eta beraz,
kalitatezko hezkuntzan inbertituko da. Gainera, hezkuntza berezia behar duten ikasle
horieri ere, beharrezkoak dituzten baliabideak eskainiko zaizkie, gainontzekoek duten
aukera emango zaielarik, eta irakasleen funtzio orientatzailea eta tutore funtzioa definitu
ziren.
 Azkenik, irakaskuntza zenbait etapatan sailkatu zen, eta arteak eta horren inguruan
dauden ikasketek (bai batxilergo mailan, baita ondorengoko ikasketetan ere) garrantzia
hartu zuten. Bestalde, aipatzekoa da 16 urte bete bitartean, hezkuntza derrigorrezkoa
izango dela.

 Etapen artean, lehen hezkuntza (doakoa izan arren, ez da derrigorrezkoa, eta 0-6 urte
bitarteko ikasleek osatuko dutena), lehen hezkuntza (derrigorrezkoa eta doakoa, 6-12
urte bitarteko ikasleek osatua, eta hiru ziklotan bereizia egongo dena), eta ondoren
bigarren hezkuntza (hau ere derrigorrezkoa izango da, eta 12-16 urteko ikasleek osatuko
dute). Ikaslearen gehiengoak beraz, bigarren hezkuntza 16 urte dituela bukatuko du, eta
behin etapa hori gainditua duenean, DBH-ko titulua eskuratuko du.
 Ondoren, batxilergoko ikasketak burutzeko aukera izango luke (baita beste ikasketa
mota batzuk ere, erdi mailako zikloak, eta ondoren goi mailakoak, beste batzuen
artean). Batxilergoa bi kurtsotan egongo litzateke banatua, eta modalitate


desberdinetako ikasketak burutzeko aukera ematen du (Artezkoa, humanistikokoa,
osasun zientzietakoa, eta teknologikoa, hain zuzen ere).
 Behin batxilergoa egin ondoren, (16-18 urte bitartean ematen dena, baina
derrigorrezkoa ez dena), ikasleak selektibitate proba egin beharko du, eta hau gainditu
ondoren, egindako batxilergo motaren arabera, ikasketa batzuk edo beste batzuk
aukeratu ahal izango ditu.
 Bestalde, eta etapak alde batera utzita, lege honen helburuetako bat hezkuntza
askatasuna bermatzea zenez, bai eskola publikoa baita pribatua eta kontzertatua
jasotzeko aukera izango du ikasle bakoitzak, bere tutoreek erabakitzen dutenaren
arabera.
 Erlijioari dagokionez ere, familia bakoitzak aukera izango du bere seme-alabak eskolan
ere erlijio ikasketa batzuk jasotzeko.

1992.urtean indarrean jarri zen legeak, gehiengo baten babesa jaso bazuen ere, elizak edota
beste hainbat talde garrantzitsuk ere ez zuten lege hau onartu. Poliki-poliki gizarteko alderdi
desberdinetan gertatutako aldaketek (aldaketa ekonomikoak edota teknologikoak adibidez), lege
hau berriztea eta ordezko bat aurkitzea ekarri zuten. Ondorioz, eta gizarteko beharrak
bestelakoak zirelako, hezkuntza curriculum-ean ere erreforma berri bat egin zen, eta 2006.urtean
indarrean jarri zen LOE legearen helburua, gizartean gailentzen ziren hainbat balore eta
baliabideetara moldatzea (esfortzuari balioa ematea, ikasgela barruko diziplina indartzea,
teknologia berrien erabilpen egokia egitea…) nahi izan zen.

LOE

Gaur egun Espainiako estatuan indarrean dagoen legea da hau. Ezarri zen urtean, 2006an,
PSOEko partidu politikoa zegoen boterean. Aurretik LOGSE legea zegoen eta tartean saiakera
bat egon zen LOCE izeneko beste lege bat ezartzeko baina ez zen lortu. LOGSE eta LOE
alderdi politiko beraren proposamenak izanik badaude mantentzen diren aspektu batzuk, hala
nola:

 Hezkuntza etapa berdinak mantentzen dira: lehen hezkuntza hiru ziklotan banatua,
bigarren hezkuntzako lau kurtsoak eta batxilergoa.
 Haur hezkuntza (3-6 urte) doakoa da eta ez da derrigorrezkoa
 Eduki komun minimoak %55ean

Hala ere LOEk baditu berrikuntzak eta esanguratsuenak hauek dira:


 Oinarrizko gaitasunak agertzen dira.
 Haur hezkuntzako 0-3 urte arteko etapa ez da doakoa.
 Erlijio katolikoa desagertzen da lehen hezkuntzan baina hautazko irakasgai moduan
eskaini behar da.
 Irakasgai berria eta derrigorrezkoa: hiritartasuna. Lehen hezkuntzako 3.zikloan eta
bigarren hezkuntzan.
 Dibertsitateari arreta eta aukera berdintasuna sustatzen da.
 Diru publikoarekin finantzatutako eskola guztiak, publikoak nahiz pribatuak, hezkuntza
behar bereziko ikasleak eskolaratzeko ardura ezarri.
 Bigarren hezkuntzan gehienez bi gutxiegirekin pasa daiteke kurtsoz.
 Atzerriko hizkuntzaren ikaskuntza 5 urterekin hasiko da.
 Errefortzu programak egongo dira zailtasunak dituzten ikasleak laguntzeko.
 Dibertsifikazio programak bigarren hezkuntzan ikasleek titulua lortzea helburu izanik.
 Ikasleen biltzeko eskubidea jasotzen du.

INFORMAZIO ITURRIAK:

 http://es.wikipedia.org/wiki/LOGSE#Derogaci.C3.B3n_y_nuevas_leyes
 http://www.uclm.es/profesorado/ricardo/LOGSE.html
 http://berria.info/albisteak/73577/bkronologiab_werten_urtebeteko_zentralizazio_bidea.
htm
 http://borrokagaraia.wordpress.com/2013/02/15/lomce-formakuntza-liburuxka/
 http://www.naiz.info/es/blogs/klarionez/posts/wert-eta-lomce-2-mehatxu-larriak
 http://es.wikipedia.org/wiki/Ley_Org%C3%A1nica_de_Educaci%C3%B3n_(Espa%C3
%B1a)
 http://organizaciondecentros.wikispaces.com/file/view/LOE_y_LOGSE+Ana+V.+Cam
u%C3%B1as.pdf
 http://organizaciondecentros.wikispaces.com/file/view/LOE_y_LOGSE+Ana+V.+Cam
u%C3%B1as.pdf
 http://www.upct.es/seeu/_as/divulgacion_cyt_09/Libro_Historia_Ciencia/web/mapa-
centros/La%20Ley%20Villar-Palasi%20de%201970.htm

Erreformak. lan osatua

Recommended

Recommended

More Related Content

Similar to Erreformak. lan osatua

Similar to Erreformak. lan osatua (13)

More from ikusi-makusi

More from ikusi-makusi (7)

Erreformak. lan osatua