Estekiometria ariketak batxilergoa 1

1. Batxilergo 1. maila Fisika eta Kimika
ARIKETAK: ESTEKIOMETRIA
1. Azido sulfurikoaren eta aluminioaren arteko erreakzioak aluminio sulfatoa eta hidrogenoa
ekoizten ditu. 2,0 L hidrogeno, 30ºC-tan eta 740 Hg-mm-tan neurtuta, lortzeko zenbat gramo
aluminiok zeharo erreakzionatu beharko duten kalkulatu.
1,4 g Al
2. 55,8 L metano gaseoso, BN-etan neurtuta, erre nahi dira, horretarko 200 g oxigeno erabiliz.
Erreazioak karbono dioxidoa eta ura ekoizten ditu. Zenbat gramo karbono dioxido lortuko diren
kalkulatu.
109,6 g CO2
3. Azido klorhidrikoak zilar nitratoarekin erreakzionatzen du, eta zilar kloruroa eta azido nitrikoa
eratzen dira. Kalkulatu zenbat gramo zilar kloruro eratuko diren, azido klorhidrikotan 2 M den
disoluzio baten 25 mL-k zeharo erreakzionatzen badute.
7,17 g AgCl
4. Butanoa, C4H10, erre egiten da, karbono dioxidoa eta ura eratuz. Zenbat litro aire, %21 oxigeno
duena, beharko dira 100 g butano erretzeko, baldintza normaletan neurtuta.
1192,95 L aire
5. Tenperatura altuetan, burdinak eta sufreak elkarrekin erreakzionatzen dute, burdina(II) sulfuroa
lortuz. 7,6 g burdina eta 9,5 g sufre elkarrekin erreakzionatzen uzten direnean, kalkulatu zenbat
gramo burdina(II) sulfuro lor daitezkeen, eta halaber erreakzionaren bukaeran soberan geratuko
den erreaktiboaren kantitatea.
11,96 g FeS; 5,14 g S
6. Badirudi Lurraren goi-atmosferan dagoen ozonoak, O3, erreakzio-hegazkinek egotzitako gasetatik
datorren oxido nitrikoarekin, NO, erreakzionatzen duela, ondoko ekuazioaren arabera:
O3 + NO → O2 + NO2
Kalkula ezazu zenbat gramo NO2 ekoiztuko diren baldin eta 0,74 g ozonok 0,67 g oxido
nitrikorekin erreakzionatzen badute.
0,71 g NO2
7. Amoniako ur-disoluzio batek, masan %18-koa eta dentsitatea 0,93 g/mL-koa, gehiegizko
kantitatean dagoen azido sulfurikoarekin erreakzionatzen du. 30 g amonio sulfato lortzeko behar
den disoluzioaren bolumena kalkulatu.
2 NH3 + H2SO4 (NH4)2SO4
46,20 mL
8. 6 g aluminio azido sulfurikotan 0,6 M den disoluzio baten 50 mL-rekin erreakzionarazten dira, eta
aluminio sulfatoa eta hidrogeno gaseosoa lortzen dira.
a) Erreaktibo mugatzailea zein den adierazi.
b) Erreakzioan eratuko den hidrogenoaren bolumena, baldintza normaletan neurtuta, eta
aluminio sulfatoaren masa kalkulatu.
Azido sulfurikoa; 0,672 L H2; 3,42 g Al2(SO4)3
9. 5,0 g hidrogeno, 5,0 g oxigenoarekin erreakzionarazten direnean, kalkula ezazu eratuko den
uraren masa.
5,63 g ur
10. 2,50 g kaltzio karbonato azido klorhidrikoarekin erreakzionarazten dira, kaltzio kloruroa, karbono
dioxidoa eta ura eratuz. Kalkula ezazu:
a) Erreakzioan lortu den karbono dioxidoaren bolumena, 740 mm-tan eta 25ºC-tan neurtuta.
b) Erreakzioan erabili beharko den HCl disoluzioaren bolumena, masan %16 koa eta
dentsitatea 1,17 g/mL-koa bada.

2. Batxilergo 1. maila Fisika eta Kimika
0,63 L CO2; 9,75 mL disoluzio
11. Azido sulfurikoak kobrearekin erreakzionatzen du, eta kobre(II) sulfatoa, sufre dioxidoa eta ura
eratzen ditu. Esperimentu batean, 50 mL 9 M den azido sulfuriko disoluzio, eta 20 g kobre, %90-
eko purutasunekoa, erabiltzen dira.
Erreaktibo mugatzaile zein den erabaki, eta kalkulatu sufre dioxido gaseosoaren bolumena, 700
mm-tan eta 25ºC-tan neurtuta, erreakzioaren etekina %60 bada.
3,58 L SO2
12. %85-eko purutasuna duten 20,0 g zink metaliko azido klorhidrikoz tratatzen dira. Kalkulatu zein
izango den lortzen den hidrogeno gaseosoaren bolumena, baldintza normaletan neurtuta.
5,82 L H2
13. 1,0 g hidrogenotik 2,12 g amoniako lortu dira, haren eta nitrogenoaren arteko erreakzioaren
bidez. Erreakzioaren etekina kalkulatu.
%37,4
14. 38 g potasio klorato berotuz deskonposatzen badira eta aurreikusitako etekina %90 bada, zenbat
litro oxigeno, 25ºC-tan eta 750 mm-tan neurtuta, batuko diren kalkulatu. Erreakzioan, potasio
kloruroa ere ekoizten da.
10,4 L O2
15. 6,5 g dituen NaHCO3-ren lagin bat, sodio sulfato apur batekin inpurifikatuta, berotuz
deskonposatu egiten da, eta 0,80 L CO2, 22ºC-tan eta 760 mm-tan neurtuta, ekoizten ditu.
Laginean NaHCO3-aren ehunekobestea kalkulatu.
%85
16. Zilar nitratoaren disoluzio bat sodio kloruroaren disoluzio baten 100 mL-ri gehitzen diogu. Zilar
kloruruaren hauspeakin baten 0,718 g eratzen dira. Kalkula ezazu:
a) Sodio kloruroaren disoluzioan zegoen solutuaren mol-kopurua.
b) Sodio disoluzioaren molaritatea.
0,005 mol NaCl; 0,05 M
17. a) Sodio metaliko lagin baten purutasuna kalkulatu, beretik 4,98 g urarekin erreakzionatzean
sodio hidroxidoarekin batera 1,4 L hidrogeno ematen baditu, 25ºC eta 720 mm Hg-tan neurtuta.
%50
b) Lortutako sodio hidroxido disoluzioaren kontzentrazio molarra kalkulatu, lortutako bolumena
100 mL-koa bada.1,08 M
18. Magnesio karbonatoak azido klorhidrikoarekin erreakzionatzen du magnesio kloruro, karbono
dioxido eta ura emateko.
a) 30,4 g magnesio karbonatoarekin erreakzionatzeko behar den 1,095 g/mL-ko dentsitatea eta
%20 kontzentrazioa duen azido klorhidriko disoluziotik behar den bolumena kalkulatu. 120 mL
b) aurreko prozesuan 7,4 L karbono dioxido 1 atm eta 27ºC-tan neurtuta lortzen badira, zein izan
da erreakzioaren errendimendua? %83,2
19. 7,6 g Al duen ontzi batean azido klorhidriko baten (%36 d=1,180 g/cm3
) 100 mL gehitzen dira,
aluminio trikloruro eta hidrogeno lortuz.
a) Kalkuluak egin ondoren, erreaktibo mugatzailea zein den adierazi Al
b) Erreakzioaren baldintzak 25ºC eta 750 mm Hg izanik, kalkulatu lortutako hidrogeno gasaren
bolumena 10,4 L H2