2. ՏԵՂԵԿՈՒԹՅՈՒՆ ԱՌՅՈՒԾՆԵՐԻ ՄԱՍԻՆ
• Առյուծը կատվազգիների ընտանիքի գիշատիչ կաթնասուն կենդանի է: Առյուծները տարածված
են եղել Աֆրիկայում և Հարավարևմտյան Ասիայում: Սակայն այժմ նրանք այնտեղ գրեթե լրիվ
ոչնչացված են: Պահպանվել են միայն Կենտրոնական Աֆրիկայի որոշ շրջաններում և
արգելոցներում, շատ քիչ քանակությամբ՝ Հնդկաստանում: Հասուն առյուծի մարմնի
երկարությունը մոտ 2 մ է, պոչինը՝ մինչև 1 մ, կենդանի զանգվածը հասնում է 250 կգ-ի:
3. ՏԵՂԵԿՈՒԹՅՈՒՆ ՓՂԵՐԻ ՄԱՍԻՆ
Փիղն աշխարհի ամենաաշխատասեր կենդանին է: Նա սնվում է միայն բուսական կերով, երբեք
ուրիշ կենդանու վրա չի հարձակվում: Եթե իր ճանապարհին փոքր ու անպաշտպան որևէ
կենդանու է հանդիպում, կնճիթով զգույշ վերցնում է նրան, դնում մի կողմ և շարունակում
ճանապարհը: Մուկ հանդիպելիս անգամ նա փոխում է իր ուղին: Ոմանք կարծում են, թե փիղը
վախենում է: Փիղը պարզապես խաղաղասեր ու մեծահոգի կենդանի է: Երբեմն ջունգլիներով
անցնելիս փղի բարձր ձայն է լսվում: Ճանապարհորդները գիտեն, որ այդպիսի ձայն հանում է միայն
վիրավոր փիղը։