1. Та хүүхэдтэйгээ зөв харьцаж чаддаг уу?
Та зөв харьцаж чадаж байна уу? Гэдэг асуултыг өөртөө тавьж хүүхдээ хүмүүжүүлэхдээ алдаж онож
байгаа эсэхээ шинжээрэй. Яагаад гэвэл эцэг эх та хоёрын харьцаа , аав нь хүүтэйгээ, ээж нь охинтойгоо
яаж харилцаж байгаагаас хүүхдийн чинь ирээдүйд ямар хүн болж төлөвших нь шалтгаална. Хүүгээ
багаас нь хүнтэй зөв харилцаж сургахад таны хүүхэдтэйгээ яаж харьцдаг чинь хамгаас чухал шүү.
Хүнтэй зөв харьцаад сурчихвал ажил бүтэх нь ч амар байдаг билээ.Тиймээс юуны түрүүнд та хүүхдээ
жаахан юм, юу ч мэдэхгүй юм энэ бид хоёрын том болох ч өдий байна даа гэж бодохын оронд энэ хүн
чинь манай гал голомтыг залгамжлагч, миний үр удмыг үлдээгч , манай гэр бүлийн гишүүн хэмээн
хүндэтгэн хайрлаж байх хэрэгтэй. Ийнхүү та хүүхдээ хүндэлвэл тэд ч бас таныг хүндлэх болно шүү дээ.
Тэгэхгүйгээр “би та нарыг тэжээж байна, та нар миний үгэнд орох ёстой” хэмээн дээрэнгүй өнгө аястай
хандах юм бол энэ нь таны хүүхдэд сайнаар нөлөөлөхгүй нь лавтай. Тиймээс та хүүхэдтэйгээ эелдэг
зөөлөн, аядуу намуун харьцаж байвал таны хүүхэд ч тийм зөв харьцаатай болно. Хүүхэд чинь таны зан
чанарын хуулбар гэдгийг та санаж яваарай. Түүнчлэн хүүхдээ аливааг асууж шалгаахад нь дандаа
элдвийн юм асууж байхын гэж уурлаж төвөгшөөлгүй уужуу тайвнаар учир шалтгааныг нь тайлбарлан
өгч ,харилцан ярилцаарай. Уурлаж загнасанаар асуудлыг шийдвэрлэхгүй шүү дээ.Ер нь гэр бүлийн 2
хоорондоо эвсэг найртай ,тайван байвал таны хүүхэд ч төлөв түвшин хүмүүжинэ шүү дээ. Хэрвээ таны
гэр бүл үргэлж хэрүүл маргаантай, зодоон нүдээнтэй , аав нь архи уудаг ээж нь хэрэлдэж муудалцдаг
бол энэ бүхэн чинь таны хүүхдэд маш муугаар нөлөөлнө. Уур уцаар, хэрүүл бухимдал дунд өссөн хүүхэд
бусадтай догшин ширүүн харьцаатай,хэрүүлд дуртай, хэнийг ч хүндэлдэггүй хүн болж өсөхөөс гадна
үргэлж сэтгэлийн зовиур шаналгаа айдастай болдог байна. Хүүхдийн чинь ийм хүмүүжил ирээдүйд
түүнийг ч таныг ч сайн юманд хүргэхгүй нь лавтай. Тиймээс ямарч бэрхшээлтэй зүйл тохиолдсон гэр
бүлдээ хэрүүлгүй байж ,бүхнийг амар тайван ,эвсэг найртай байдлаар шийдэж байх хэрэгтэй. Ухаалаг
яриа,зориг тэвчээр ,хүнлэг харьцаа ,сайхан сэтгэлээр бүхнийг шийдэж хүүхэдтэйгээ ийм байдлаар
харьцаж байвал хожим та хүүхдээрээ бахархах болно шүү.