1. Бохир гарын шараас сэргийлье
Гепатит А гэдэг бидний хэлж заншсанаар бохир гарын шар өвчин юм.
Халдварт шар хэрхэн халдварладаг вэ?
Энэ өвчний үүсгэгч өвчилсөн хүний өтгөнөөр ялгарч хоол,хүнс,усыг бохирдуулан
хоол боловсруулах замаар хүнээс хүнд дамжина.
­хамгийн гол нь эрүүл ахуй,ариун цэврийн нөхцөл муу байх нь халдвар тархах
нөхцөл болдог байна.
Хоол хүнсээр халдварлах боломжтой юу?
­ Бохирлогдсон гол ,ус болон түүнээс агнасан загас,загасан бүтээгдэхүүн ,
­ Угааж цэвэрлээгүй ногоо,жимс жимсгэнэ
­ Бэлтгэж боловсруулагдах явцад бохирлогдсон хагас боловсруулсан хоол хүнсний
зүйл
­Хоол хүнсийг бэлтгэж боловсруулсаны дараа бохирлогдсон тохиолдол зэрэгт
халдварлах боломжтой.
Хэн илүү өртөх вэ?
- Шар өвчнөөр өвчилсөн хүүхдийн гэр бүлийнхэн
- Цэцэрлэгийн насны хүүхдүүд, сургуулийн бага ангийнхан
- Биеийн дархлаа суларсан хүмүүс
Ямар шинж тэмдэг илэрдэг вэ?
- Өвчилсөн 4 хүн тутмын 3­д нь шинж тэмдэг илэрдэг байна.
- Ихэвчлэн:
• Гэнэт халуурах
• Ядарч сульдах
• Хоолонд дургүй болох
• Огих , бөөлжих
• Гэдсээр өвдөх
• Шээс өтгөрөх
• Нүдний салст болон арьс шарлах шинж тэмдэг илэрнэ.
Хэзээ хамгийн халдвартай вэ?
- Шинж тэмдэг илэрхийн өмнө болон илэрсэн эхний 7 хоногт
хамгийнхалдвартай байна.Зарим тохиолдолд халдвар авсан хүнд шинж
тэмдэг илрэхгүй.
Яаж урьдчилан сэргийлэх вэ?
- Хамгийн найдвартай энгийн арга бол гараа бохирдсон тухай бүрд нь угаах
- Хувийн эрүүл ахуй,ариун цэврийг сахих
- Энэ өвчний тархалт ихтэй улс оронд аялах гэж байгаа бол түүхий ус,
цэвэрлээгүй жимс ногоо хэрэглэхээс зайлсхийх
Зөвлөмж
Та сүүлийн 50 хоногийн дотор бохир гарын шараар өвчилсөн хүнтэй хамт
байсан ,сэжигтэй хоол хүнс хэрэглэсэн бол биеийн байдлаа ажиглаж дээрх шинж
тэмдэг илэрвэл өрхийн эмчдээ хандаж үзлэг шинжилгээнд хамрагдаарай.