TEMA 2: “Factores xeográficos e termodinámicos que inflúen no clima de España” Vocabulario e imaxes
1. TEMA 2: “Factores xeográficos e
termodinámicos que inflúen no
clima de España”
Vocabulario e imaxes
IES.JOHAN CARBALLEIRA (Bueu)
2. Vocabulario
Aridez: A aridez é a relación entre a temperatura e a humidade nun
espazo dado. A aridez aumenta coa temperatura e coa escaseza de
precipitacións. Existen diversos índices para calculala: o índice de
Gaussen mide a aridez mensual, un mes é árido cando 2TºC ≥ Pmm. O
índice de Lautensach-Meyer determina a aridez xeral dunha zona a
partir do número de meses con déficit de auga (menos de 30 mm de
precipitación).
Caso
extremo
de aridez
do solo
3. Vocabulario
Barlovento: Barlovento é a parte dun relevo ou zona orientada cara
ao lugar de onde vén o vento. En Galicia, cando domina o fluxo zonal
do oeste, a vertente de barlovento das dorsais montañosas é a
occidental, máis húmida, mentres que a de sotavento, a oriental, se
caracteriza por unha menor pluviometría.
4. Vocabulario
Isóbara: É unha isoliña que, nun mapa meteorolóxico, une os puntos
que teñen a mesma presión atmosférica ao nivel do mar. O conxunto
de todas elas configuran os cambios de presión. Habitualmente se
representan os múltiplos de 4 hPa (hectopascais) ou mb (milibares)
(1000, 1004, 1008, 1012,…), unidade de medida da presión.
5. Vocabulario
Isohieta: Isoliña imaxinaria que une puntos con iguais valores de
precipitacións, nun mapa no que se expresen cantidades de
precipitación recibida por áreas.
O seu valor exprésase en mm. En España os valores máis elevados
(superiores a 800 mm) corresponden ás zonas montañosas e ao norte
peninsular; os valores máis baixos (inferiores a 300 mm) danse na
zona do sueste peninsular e nas illas de Lanzarote e Fuerteventura.
6. Vocabulario
Inversión térmica: Incremento da temperatura do ar ao aumentar a
altura, cando debera de diminuír segundo o gradiente adiabático
normal. O ar máis cálido atópase sobre o máis frío. No nivel do solo, é
resultado da irradiación nocturna con ar en calma e ceo despexado
nunha situación anticiclónica invernal.
7. Vocabulario
Umbría: A umbría (avesedo) é a parte dun terreo en que case sempre
fai sombra, por estar exposta ao norte, no noso hemisferio. Por
exemplo, as vertentes orientadas cara ao Norte do Cordal Cantábrico.