1. Նացիոնալիզմ (ազգայնականություն )
Նացիոնալիզմ (ազգայնականություն ). Այս գաղափարախոսությունը խմբային
եսասիրության տարատեսակն է հանդիսանում, հիմնավորում է տվյալ ազգի
գերազանցությունը մյուսների նկատմամբ: Նրա քաղաքական ծրագրերին ու
սկզբունքներին բնորոշ է տվյալ ազգային (էթնիկական) շահերի առաջնային լինելը՝
մյուս ազգերի (էթնոսների) շահերի ոտնահարման հաշվին:
Նացիոնալիզմի (ազգայնականություն ) երկու տարատեսակ կարելի է առանձնացնել՝
1. Որպես ընդվզում տվյալ ազգի ազգային ճնշման ու
անիրավահավասարության դեմ
2. Որպես միջոց՝ մյուսների նկատմամբ տվյալ ազգի գերազանցությունը
հիմնավորելու համար:
Առաջինն ուղղված է ազգային խտրականության ու ճնշման, գաղափարասիրության
դեմ և առաջադիմական դեր է կատարում: Երկրորդն իր նպատակներով ու դրանց
իրականացման մեթոդներով ռեակցիոն է: Սոցիալիզմի պայմաններում ազգային
համահարթեցման քաղաքականությունը, ազգային խնդիրների քողարկումն ու
շրջանցումը խորացրել են բազմաթիվ հիմնախնդիրներ:
Ինչպիսի՞ն է Հայաստանում նացիոնալիզմը (ազգայնականությունը):
Հայաստանի բնակչության մեծ մասը հայեր են, բայց ապրում են նաև այլազգիներ:
Նրանք դավանում են այլ կրոնների, ունեն այլ ավանդույթներ, որոնք շատ թե քիչ
պահպանում են: Սակայն կարծես թե մենք սկսում եք նահանջել նրանց առաջ և թույլ
ենք տալիս մեր երկրում իրենց զգալ առավել ազատ, շատ հանգիստ հանդուրժում ու
համակերպվում ենք դրա հետ, որը տանում է դեպի կործանում: Միատարր
հասարակություն լինելով՝ չենք կարողանում կառուցել հզոր պետականություն
ունեցող երկիր, չունենք անկախ քաղաքականություն, զարգացող տնտեսություն:
Առաջ գնալու համար հարկավոր է առողջ միջավայր, արթուն գիտակցություն և
համերաշխութուն, իսկ այսօր մեր պետության մեջ ամեն մեկը վերմակի ծայրն իր
կողմն է քաշում: