the camsur learners pack foe esp grade 8

1. RO_EsP_Grade 8_Q1_LP 1
1
Edukasyon sa Pagpapakatao (EsP) 8
PANGALAN: __________________________________ LINGGO: 1.1
BAITANG/PANGKAT: PETSA: ______
I. Panimulang Konsepto
Ang paksa tungkol sa pamilya ay isa marahil sa kagiliw-giliw na paksang
pinag-uusapan. May malaking puwang sa ating isip at puso ang ating pamilya. Ikaw?
Ilang henerasyon na ba ang nagisnan mo sa iyong pamilya? Nandiyan pa rin ba ang
iyong lolo o lola? Ang iyong mga magulang at mga kapatid, kumusta sila?
Napapansin mo siguro ang pagkakapareho o pagkakaiba ng mga katangian ng iba’t
ibang henerasyon ng iyong pamilya. Ano-ano ang mga namana o natutunan mong
mga katangian mula sa kanila?
Sa araling ito, mauunawaan mo kung bakit isang likas na institusyon ng
lipunan ang pamilya. Matutukoy mo ang mga gawain o karanasan sa iyong pamilya
na kapupulutan ng aral o may positibong impluwensiya sa iyong sarili. Magkakaroon
ka ng pagkakataong mapatunayan ang iba’t ibang paraan ng pagpapamalas ng mga
aral na ito sa iyong buhay at pakikitungo sa iyong kapuwa at nang sa gayon
mapapatatag mo ang ugnayan o relasyon sa iyong sariling pamilya.
II. Kasanayang Pampagkatuto mula sa MELCs
1.1 (EsP8PBla-1.1) Natutukoy ang mga gawain o karanasan sa sariling pamilya na
kapupulutan ng aral o may positibong impluwensiya sa sarili.
III. Mga Gawain
Gawain 1: Mag-isip isip, Isa, Dalawa, Tatlo!
Panuto: Suriin ang dayagram sa ibaba, pagkatapos ay punan ito ng hinihinging
sagot batay sa tanong na: “Ano-ano ang mga pagpapahalagang kadalasang
natututunan mula sa pamilya sa bawat a
ntas ng iyong buhay?”

2. RO_EsP_Grade 8_Q1_LP 1
2
Gawain 2: Karanasan Mo, Ibahagi Mo!
Panuto: Suriin ang iyong sarili, ano-anong gawain o karanasan sa pamilya ang may
malaking impluwensiya sa iyong pagkatao. Kompletuhin ang tsart sa ibaba.
Gawain o
karanasan
Kanino ako
natuto?
Anong magandang
gawain o aral ang
ipinakita sa akin
Paano ko ito
naipakita sa ngayon
Hal. Pagiging
madasalin
Nanay Palaging nagsisimba
at nagrorosaryo
Saan man ako
magpunta hindi ko
nakakalimutang
magdasal at magsimba.
1.
2.
3.
4.
5.
Pagsusuri :
1. Mahalaga ba ang naging impluwensiya ng taong tinukoy mo sa tsart sa itaas
sa paghubog ng iyong pagkatao? Bakit?
___________________________________________________________________________
___________________________________________________________________________
____________________________________________________________________.
Mga
Pagpapahalagang
Natutunan Mula
sa Pamilya
0 – 5
gulang
6- 12 gulang
13-19
gulang
26 gulang
20-25
gulang

3. RO_EsP_Grade 8_Q1_LP 1
3
2. Sino sa kanila ang may pinakamalakas na impluwensiya sa iyo? Bakit?
___________________________________________________________________________
___________________________________________________________________________
____________________________________________________________________.
3. Ano-anong mga katangian nila ang maari mong kapulutan ng aral o may
positibong impluwensiya sa iyo?
___________________________________________________________________________
___________________________________________________________________________
____________________________________________________________________.
Gawain 3: Karanasan mo, isulat mo!
Panuto: Sumulat ng mga gawain o karanasan mula sa pamilya na nagpapakita ng
magandang pagpapahalagang idinulot ng pandemyang COVID-19 na kinapulutan
mo ng aral o may malaking impluwensiya sa iyo. Ipahayag ito sa pamamagitan ng
dalawa o tatlong talatang binubuo ng 150 salita lamang gamit ang isang malinis na
papel.
IV. Pagpapalalim
Ang Pamilya Bilang Likas na Institusyon
Ang pamilya ay itinuturing na pangunahing institusyon sa lipunan na nabuo
sa pamamagitan ng pagpapakasal ng isang lalaki at babae dahil sa kanilang walang
pag-iimbot, puro at romantikong pagmamahal na kapuwa nangangakong
magsasama hanggang sa wakas ng kanilang buhay, magtutulungan sa pag-aaruga
at pagtataguyod ng edukasyon ng kanilang mga anak (Pierangelo Alejo 2004).
Ngunit ano nga ba ang kahulugan ng salitang institusyon? Ang institusyon
ay isang organisasyon, samahan, pundasyon, o kompanya na kinakailangang itatag
dahil sa isang layunin. Ito ay may pinipiling pinuno at hinihikayat na mga miyembro.
Kapag sila ay naging kasapi, sila ay magtutulungan sa pagkamit ng layuning
itinatag.
Naiibang institusyon ang pamilya. Ang pamilya ay likas na institusyon dahil
ang pinuno ay hindi na kailangang ihalal o piliin pa. Ang mga kasapi ay hindi na rin
kailangang hanapin at hikayatin. Sa pamilya, ang mga magulang ang pinuno at mga
anak ang mga miyembro. Ang pagkakaroon ng kasapi o miyembro ng pamilya ay sa
pamamagitan ng likas na isa-isang ipinapanganak o ng pag-aampon ng mga anak
at pagkakaroon ng mga kamag-anak. Ang mga miyembro ay hindi nakapipili ng ama,
ina kapatid, at kamag-anak.
Narito ang mga sumusunod na patunay na nagpapakita na ang pamilya ay
isang likas na institusyon.

4. RO_EsP_Grade 8_Q1_LP 1
4
1. Ang pamilya ay pamayanan ng mga tao (community of persons) na may
maayos na paraan ng pag-iral at pamumuhay na nakabatay sa ugnayan ng
bawat isa. Mayroon itong misyon na bantayan, ipakita, at ipadama ang
pagmamahal. Ito ay itinatag bilang isang malapit na komunidad ng buhay at
pagmamahal. Ang bawat gawain ng pamilya ay pagpapahayag at
pagsasabuhay ng pangunahing misyon na ito. Kung walang pagmamahal, ang
pamilya ay hindi matatawag na pamayanan ng mga tao.
2. Ang pamilya ay nabuo sa pamamagitan ng pagmamahalan ng isang lalaki at
babaeng nagpasiyang magpakasal at magsama nang habangbuhay. Dalawang
taong nagpasiyang magpakasal at magsama habangbuhay at tumutugon sa
tawag ng Diyos na magmahal. Ang pagpapakasal ng dalawang taong
nagmamahalan ang magpapatibay sa isang pamilya – dito ipinakikita ang
pagsasama ng buhay at pagmamahal, ang pagbibitiw ng mga pangako na
nagpapatibay sa pagbibigay-halaga sa tao bilang tao at hindi isinaalang-alang
ang ano mang mayroon ang isa.
3. Ang pamilya ang una at pinakamahalagang bahagi ng lipunan. Ito ang
pundasyon ng lipunan at patuloy na sumusuporta rito dahil sa gampanin
nitong magbigay-buhay. Ang bawat sanggol na ipinanganganak sa mundo sa
bawat segundo ay nagmumula sa isang pamilya. Dito unang sumibol ang
bawat mamamayan na magiging mahalagang bahagi ng lipunan. Kaya may
gampanin ang pamilya na pag-aralin at bigyang edukasyon ang mga anak. Ito
ang dahilan kung bakit ang pamilya ang itinuturing na una at
pinakamahalagang bahagi ng lipunan. Kaya mahalagang ito ay maayos na
kilalanin at bigyan ng sapat na suporta ng lipunan. Sabi nga, walang lipunan
kung walang pamilya. Kung hindi maayos ang pamilya, tiyak na hindi rin
magiging maayos ang lipunan.
4. Ang pamilya ang orihinal na paaralan ng pagmamahalan at pagtutulungan.
Sa pamilya, ipinararanas sa tao kung paano mahalin upang ganap niyang
matutunan kung paano ang magmahal. Ito ang kauna-unahang lugar kung
saan natutunan ng tao ang tunay na kahulugan ng pagiging tao.
5. Ang pamilya ang una at hindi mapapalitang paaralan para sa panlipunang
buhay (the first and irreplaceable school of social life). Ito ang
pinakaperpektong paraan upang gawing makatao at mapagmahal ang
lipunan. May orihinal na kontribusyon ito sa pagtatayo ng mundo, sa
pamamagitan ng pangangalaga at pagtuturo ng mga pagpapahalaga.
6. Ang pamilya ay may panlipunan at pampolitikang gampanin. Hindi nilikha
ang pamilya para sa kapakanan ng mga miyembro lamang. Mayroon itong
tungkulin sa lipunan kung saan ito ay isang mahalagang bahagi. Una rito ang
iba’t ibang paraan ng pagbubukas ng tahanan sa kapuwa (hospitality) tulad
ng pagpapakain sa mga nagugutom at pagbibigay ng baso ng tubig sa
nauuhaw.

5. RO_EsP_Grade 8_Q1_LP 1
5
7. Ang pamilya ay may mahalagang misyon: ang pagbibigay ng edukasyon,
paggabay sa mabuting pagapapasiya, at paghubog sa pananampalataya.
Bukod sa pagkakaroon ng anak, may pananagutan ang magulang na gabayan
ang anak upang lumaki at umunlad ito sa mga pagpapahalaga at maisabuhay
ang misyon ng Diyos para sa kaniya. Ang mga pagpapahalagang maitatanim
sa puso ng anak ay siyang magtuturo sa kaniya na maging maingat at maayos
sa kaniyang pagpapasiya kapag nahaharap siya sa mga masasalimuot na
sitwasyon sa kaniyang buhay.
Ang pamilya dumaan man ang maraming pagbabago bunga ng
modernisasyon, ay mananatiling natural na institusyon ng lipunan. Kung ito ay
magpapaanod sa pagbabago, saan pa likas na dadaloy ang pagmamahal at
pagtutulungan? Saan pa matututo ang taong magmahal at maglingkod? Saan pa
kukuha ng pag-asa ang mundo na umunlad? Kaya ikaw bilang kabataan, kailangan
mo nang kumilos para sa pagtataguyod at pagmamahal ng sarili mong pamilya. May
gampanin ka, may bahagi ka, nakahanda ka na ba?
Balik - Tanaw: Sagutin ang mga sumusunod na katanungan.
1. Mahalaga ba ang pamilya para sa isang indibiduwal? Sa lipunan? Bakit?
Ipaliwanag?
___________________________________________________________________________
_______________________________________________________
2. Bakit mahalagang bumuo ng magandang samahan o ugnayan sa pamilya?
Ipaliwanag.
___________________________________________________________________________
_______________________________________________________
3. Paano magagawa ng pamilya na maging makatao at mapagmahal ang
lipunan?
___________________________________________________________________________
_______________________________________________________
V. Rubrik sa Pagpupuntos
Para sa Gawain 1 at PAGPAPALALIM na mga katanungan.
Deskripsiyon Iskor/Puntos
Naipaliwanag nang malinaw ang idea at
saloobin patungkol sa mga katanungan 5 puntos
Hindi masyadong binigyang diin ang
idea ng kasagutan ng mag-aaral 4 puntos
Kulang sa pagpapaliwanag, hindi
nasaklaw ang hinihinging idea 3 puntos

6. RO_EsP_Grade 8_Q1_LP 1
6
Para sa Gawain 3 : Pagsulat ng Sanaysay
Kaakmaan/Kalapitan sa tema -------------------------------------- 10 puntos
Kaangkupan ng mga salitang ginamit ----------------------------- 10 puntos
Istilo, disenyo, at dating o impact -------------------------------------5 puntos
Kalinisan ------------------------------------------------------------------5 puntos
KABUUAN -------------------------------------------------------------- 30 puntos
REPLEKSIYON:
Nakikita ko ba ang aming pamilya na isang institusiyon? Masaya ba
ako sa pamumuno ng aking mga magulang sa aming pamilya?
Vl. Sanggunian
EASE Module sa Edukasyon sa Pagpapahalaga II, Modyul Blg. 2 : Sa Pamilya
Nagsisimula https://bit.ly/2ybxiY1
Modyul para sa mag-aaral sa Edukasyon sa Pagpapakatao 8, Modyul 1 : Ang Pamilya
Bilang Likas na Institusyon, Pahina 1 – 28
https://www.slideshare.net/nicogranada31/k-to-12-grade-8-edukasyon-sa
pagpapakatao-learner-module
Daily Lesson Plan in EsP 8 Quarter 1, pahina 6 – 20,https://bit.ly/2VJIAgm
Twila G. Punzalan, Camila C. Gonzales, Myra Villa D. Nicolas and Nonita C. Marte.
PAGPAPAKATAO 8, Batayang Aklat sa Edukasyon sa Pagpapakatao sa Sekundarya
, pahina 3 – 20. Rex Bookstore
Inihanda ni : CELNA A. DUMDUM
T-III
Tanque National High School

7. RO_EsP_Grade 8_Q1_LP 1
7
SUSI SA PAGWAWASTO (Kopya para sa Guro)
Mga posibleng kasagutan para sa Gawain 1.
Nakabatay ang mga sagot sa mga mag-aaral
Mga posibleng kasagutan para sa Gawain 2.
1. Mahalaga ang impluwensiya ng mga taong isinulat ko sa paghubog ng aking
pagkatao dahil sila ang tutulong sa akin kung paano maging mabuting tao at
magtuturo sa akin ng mabuting pakikipagkapuwa nang sa gayon ay makamit
ko ang maayos na pamumuhay.
2. Ang aking ina ang may pinakamalakas na impluwensiya sa akin dahil siya
ang laging kasama ko sa bahay. Siya ang palaging nagbibigay ng mga payo sa
akin at nagtuturo sa mga pagpapahalagang dapat linangin sa aking sarili.
3. Ang mga katangian na nakita kong positibo at kapupulutan ko ng aral ay ang
pagiging matulungin sa kapuwa, pagkamadasalin sa Panginoon, at
pagbibigay galang sa sinumang tao at marami pang iba. Naniniwala ako na
ang mga katangiang ito ang magbibigay gabay sa akin tungo sa maayos at
matiwasay na pamumuhay.
Mga posibleng kasagutan para sa bahagi ng pagpapalalim.
1. Mahalaga ang pamilya sa isang indibiduwal at sa lipunan dahil kung wala
ang pamilya hindi mabubuo ang lipunan. Ang pamilya ang ugat ng lipunan.
Sa isang indibiduwal ang pamilya ay mahalaga dahil ito ang huhubog sa
kaniya na maging mabuting mamamayan sa lipunan. Kung hindi maayos ang
pamilya, tiyak na hindi rin maayos ang lipunan.
2. Mahalagang mabuo ang magandang samahan sa pamilya upang ito ang
magsilbing gabay tungo sa maayos at matiwasay na lipunan.
3. Magagawa ng pamilya na maging makatao at mapagmahal ang lipunan kapag
magampanan nito nang wasto ang kaniyang tungkulin. Ang magkaroon ng
sapat na edukasyon ang mga anak, magabayan sa mabuting pagpapasiya, at
maturuan nang tamang pananampalataya ay ilan lamang sa mga tungkuling
ito. Ganoon din ang paghubog sa mga pagpapahalagang nararapat sa
kanilang paglaki upang sila ay maging mabuting mamamayan.