Actividades do club de lectura 2018

1. CLUB DE LECTURA DO CPI A XUNQUEIRA 2018: ROTEIRO LITERARIO POLAS
LENDAS DO NOROESTE GALEGO
Un ano máis a xuntanza dos alumnos e profesores de primaria e secundaria, membros do club de
lectura da biblioteca do CPI A Xunqueira de Fene, atopámonos na vila de Cedeira para comezar o
noso roteiro literario sobre algunhas das lendas do noroeste galego.
O concello de Cedeira ten aproximadamente 84 km², limita ao norte e ao leste co océano Atlántico,
ao sur cos concellos de Cerdido e Valdoviño e ao oeste con Cariño e Ortigueira. O seu territorio
está delimitado pola serra da Capelada ,todas estas terras están cheas de lendas que imos
contar.
Non podemos esquecer que en Cedeira hai restos de poboados castrexos e que foi vila de moitos
cabaleiros e nobres.
Comezamos o noso roteiro coa lectura da primeira lenda que trata sobre o calaleiro Lanzarote en
Cedeira.
Atopámonos nun dos lugares de máis interese turístico moi preto de Cedeira. É o santuario de
Santo André de Teixido, todos os membros do club sabemos que é de obrigado peregrinar a este
lugar máxico, tal como conta a lenda do romeiro de San André e a cobra.
Doce kilómetros nos separan da vila de Cedeira ata este santuario. A estrada que nos guía
discorre pola Serra da Capelada, un monte no que pacen as bestas ou cabalos salvaxes.
Unha vez chegan os peregrinos a San André de Teixido teñen que respectar varias tradicións:
-Comprar unha colección de SANANDRESIÑOS que son figuriñas de pan cocidas sen lévedo,
endurecidas no forno e pintadas de vivos cores: vermello, amarelo e azul.
-Son cinco símbolos: unha flor do pensamento, unha barca, un pescador, unha sardiña en honra
á profesión de santo, e unha man que ás veces se substitúe por unha pomba da paz.
-Una vez mercada a colección hai que entrar no santuario e rogar a bendición do santo.
Despois, camiñamos ata a fonte do santo onde quen lava as súas verrugas nos tres caños as
perderá para sempre.
-Tras beber na fonte hai que baixar ata a beira do mar na procura da “herba namoradeira” ou
os “xuncos de ben parir”, plantas máxicas que axudan a conquistar amores e a diminuír as
dores das parturientes.
Por último, hai que volver ao santuario co ramo e a milagre está feita.
Marabillados por esta paisaxe natural dende o mirador da Herbeira podemos contemplar os
cantís máis altos de Europa. Ollando este océano inmenso e infinito imos contar a lenda das 9
ondas no cabo do mundo.
Chegamos a vila de Cariño, comarca do Ortegal, sendo o cabo Ortegal o accidente xeográfico
máis importante e máis visitado polos turistas que se achegan a esta vila.
A continuación imos ler a Lenda o “adeus cariño” dos Celtas.
Continuando polo noroeste galego, entre montañas atopamos a SERRA DA FALADOIRA
situada ao norte da provincia da Coruña. Nace no concello das Pontes e continúa cara ao norte
entre os concellos de Mañón e Ortigueira, ata morrer no Mar Cantábrico formando o Cabo de
Estaca de Bares. O punto máis alto da serra é o Monte Caxado.

2. Para explicar o seu nome imos contar a lenda da raíña faladora da serra.
Atopámonos na VILA DE SAN SADURNIÑO, este concello conserva restos do castelo de Narahío,
tamén nobres construccións como o pazo da Marquesa e unha arquitectura relixioxa como un
antigo convento e unha igrexa parroquial do século XVIII.
A lenda que imos contar sobre esta vila ten temática relixioxa. Chámase O SAN VICENTE
ENCADEADO DA IGREXA DE FERREIRA EN SAN SADURNIÑO
Chegamos a FENE onde está ubicado o noso centro: o CPI da Xunqueira, atopámonos tamén ao
noroeste de Galicia, preto da ría de Ferrol.
O noso concello é un pobo rural e industrial. A súa principal actividade económica é a construcción
naval, moi preto do noso colexio podemos atopar o antigo estaleiro ASTANO, que tras a
reconversión naval pasou a chamarse NAVANTIA FENE.
Polo noso concello discorre tamén o río Belelle, din que as súas augas no século XVIII foron
consideradas moi beneficiosas para a saúde
A continuación imos ler a lenda ---A serpe do Belelle
Para rematar a nosa peregrinaxe polas lendas do noroeste galego, non podemos esquecernos de
FERROL, cidade naval e militar, pola que discorren tamén moitas lendas sobre os seus lugares.
Imos ler a lenda sobre ----A romaría de Chamorro
Non queremos despedirnos sen dar as grazas a todos os membros do club por participar neste
roteiro de lendas e aos mestres e mestras membros do club, que sen eles sería moi difícil levar a
cabo unha labor tan fermosa como é a lectura.
Algúns dos libros que se leron este ano no club foron os seguintes:
4ºEP:
- Marieta
- No Corazón do Bosque
- Como Salir de un apuro.
5º EP:
- Esmeraldina,
- A mansión dos Pampín
6º EP:
-Paula Crusoe
-5 horas con Mauro
- O neno can.
- Marieta
1º ESO A:

3. - Agustín Fernández Paz: “Cartas de Inverno”
- J.J. Jonhson: “Mi teoría de todo”
1º ESO B:
- O Clan da Loba
- Nunca Seré tu héroe
2º ESO A:
- Éramos mentirosos
- O espírito do cabaleiro
2º ESO B:
- Mi teoría de todo
- 5 horas con Mauro
- Viento del Este, viento del Oeste
3º E 4º ESO
- Rebeldes
- Bala Perdida.
GRAZAS A TODOS