Dúas alumnas de "Filosofía da Ciencia" do IES Otero Pedrayo de Ourense elaboraron esta presentación para axudar a espallar a relevancia do Premio Fonseca dentro do Programa ConCiencia da USC

1. PREMIO FONSECA O Consorcio de Santiago e a Universidade de Santiago de Compostela, conscientes da importancia da transferencia do coñecemento e da necesaria culturización científica da sociedade, acordaron en 2006 crear o programa ConCiencia para invitar ás principais mentes do panorama internacional a transmitir as súas ideas a unha cidade símbolo da cultura e o coñecemento. Ó abeiro do programa ConCiencia nace o Premio Fonseca de divulgación científica, coa fin de incentivar a transmisión deste saber ó gran público.

2. O Premio Fonseca recibe ese nome en honor ó arcebispo de Santiago de Compostela entre 1507 e 1523, Alonso III de Fonseca, quen mandou construír o Colexio de Fonseca adaptando a casa onde el nacera e que pertencía á súa familia, para exercer a función pedagóxica. Comezou a funcionar no ano 1544 e nel terá a súa sede a Universidade de Santiago de Compostela creada co patrocinio da súa familia a comezos de século.

3. O Premio Fonseca leva xa tres edicións. No ano 2008 foille entregado a Stephen Hawking, no ano 2009 o galardoado foi James Lovelock e neste ano 2010 o premio recae en David Attenborough.

5. STEPHEN WILLIAM HAWKING "pola súa excepcional mestría na popularización de conceptos complexos da Física no borde último da nosa comprensión do Universo, combinada coa máis alta excelencia científica, e por terse convertido nunha referencia pública da ciencia no mundo"

8. Stephen Hawking co director do programa ConCiencia, Jorge Mira. Cartel da conferencia de Hawking en Santiago Durante a súa estadía en Galicia o científico viu o botafumeiro en acción, fixo un tramo do Camiño Francés e visitou Fisterra. Hawking dixo estar contento de estar en Compostela e de poder recoller este premio, algo que considerou un “honor”.

10. JAMES EPHRAIM LOVELOCK "Polo seu liderado e carácter pioneiro na construción da actual conciencia medioambiental, da cal é referencia pública a escala mundial,e pola comunicación á sociedade de importantes conceptos científicos propios; todo combinado cunha exemplar liberdade e independencia de pensamento e unha brillantez e talento fóra do común, que lle permitiron obter resultados excepcionais en tan diferentes campos do saber científico."

13. James Lovelock con Jorge Mira en Compostela Cartel da conferencia de Lovelock Algunhas das opinións de Lovelock na conferencia que deu en Santiago: “ O cambio climático vai ser máis difícil de solucionar do que pensan os gobernos, non hai nada eficiente ante o cambio. Mesmo se paramos agora mesmo todo o consumo de combustibles fósiles. En realidade, deberan tomar medidas para adaptarnos e ensinarnos a sobrevivir no que virá. Estou convencido de que a especie sobrevivirá. Os humanos poderán evolucionar, como especie, para mellor.”

15. DAVID FREDERICK ATTENBOROUGH "Polo seu papel pioneiro na difusión da vida salvaxe, trasladándoa a audiencias masivas cunha mirada orixinal que marcou un antes e un despois na divulgación da natureza a través do medio televisivo, e por terse convertido en referencia pública da comunicación da ciencia no mundo."

18. PRESENTACIÓN ELABORADA POR RAQUEL LOSADA E LUCHI GIROLA, ALUMNAS DA MATERIA “FILOSOFÍA DA CIENCIA E DA TECNOLOXÍA” IMPARTIDA POR LUÍS MARTÍNEZ COSTAS NO I.E.S. “OTERO PEDRAYO” DE OURENSE NO CURSO 2009-2010. EN AGRADECEMENTO Á AMABILIDADE DE JORGE MIRA E AO TRABALLO DE TODOS OS QUE FAN POSIBLE QUE SINTAMOS DE PRETO, EN GALICIA, AOS MÁIS SIGNIFICATIVOS REPRESENTANTES DO PENSAMENTO CIENTÍFICO, UNHA DAS MÁIS EXCELSAS EXPRESIÓNS DA CONDICIÓN HUMANA. O GRUPO “DE REVOLUTIONIBUS”.