PDE CEIP de Bormoio-Agualada

1. Plan de Desenvolvemento
Europeo
CEIP de Bormoio-Agualada
Coristanco, A Coruña.
12/02/2019

2.
Introdución 2
Contexto 3
Obxectivos 5
Implementación 6
Resultados Esperados 7
Para o centro: 7
Para o mestrado: 8
Para o alumnado: 8
Difusión 9
Avaliación e actualización 10
1

3. Introdución
Este novo mundo, inmerso nun gran proceso globalizador desde a
segunda metade do século XX, fai que sexa cada vez máis necesario facer
fronte aos novos retos que se derivan da paulatina desaparición das
fronteiras que tradicionalmente establecíanse entre países no plano
económico, político, cultural e social. Neste sentido, resulta evidente que
dende as idades máis temperás a educación debe ter entre un dos seus
principais obxectivos o de dotar os cidadáns de instrumentos útiles para
desenvolver competencias que lles permitan adaptarse axeitadamente a
unha nova sociedade cada vez máis interdependente e global.
No noso centro intentamos dar respostas a cidadanía, partindo dunha
análise global das nosas necesidades para ofrecer estratexias de traballo que
se encamiñen non só a unha mellora significativa na competencia
comunicativa en linguas estranxeiras, se non tamén a un proceso
permanente de aprendizaxe inclusivo, tolerante, cooperativo, dinámico e de
mobilidade nunha dimensión cada vez máis internacional.
Como recoñece a Unión Europea, a aprendizaxe de linguas
estranxeiras cobra unha especial relevancia neste plano para poder
desenvolverse nun contexto pluricultural e plurilingüe. Deste xeito, o noso
centro continúa a propoñer liñas de traballo relacionadas con este último
obxectivo, como no caso das sección bilingües. Isto faise co convencemento
de conseguir un aumento significativo da competencia comunicativa nas
linguas estranxeiras tanto no alumnado como no mestrado.
Atopamos no marco da Unión Europea un contexto excelente para a
promoción da calidade en toda a comunidade educativa, así como un gran
apoio para a internacionalización, modernización e innovación da nosa
formación e cultura propia, e a partir dela, chegar a todas as demais.
2

4.
Presentamos este plan con toda a boa intención e co convencemento
pleno de que seguindo este camiño, estamos poñendo en marcha as bases
para un futuro mellor a curto, medio e largo prazo da nosa comunidade
educativa.
Contexto
O ​CEIP de Bormoio-Agualada está situado na localidade de
Agualada, no concello de Coristanco e dista uns 12 km de Carballo (capital
comarcal) e uns 45 km da cidade de A Coruña. A localidade está
escasamente dotada de servicios relacionados coa educación ou cultura
debendo acudir a Carballo para asistir a algún deles. É un centro de ​carácter
rural ​que recolle ao alumnado de moi diversas parroquias e zonas do
concello. É un centro de liña un, con un total de 84 alumnos​. O nivel de vida
na zona na que se enmarca o centro é medio-baixo, destacando as
actividades relacionadas co sector primario e, tamén, cun forte compoñente
de éxodo rural en especial a Carballo e A Coruña. Este centro ten a xornada
mixta​, que unido a unha situación xeográfica do alumnado moi espallada,
condiciona e dificulta a conciliación familiar de toda a comunidade
educativa, tendo como consecuencias máis importantes unha gran
inestabilidade do mestrado e unha baixa participación das familias ​nos
asuntos de centro.
A emigración exterior está sufrindo un proceso de retorno bastante
claro dos emigrantes e comezan a aparecer os primeiros casos, aínda que
moi esporádicos, de inmigrantes. É de subliñar unha moi elevada
porcentaxe de persoas maiores de 65 anos que case duplica á de menores
de 15. Todo isto leva a unha forte ​regresión do crecemento demográfico
manifestado nunhas taxas de mortalidade moi superiores ás de natalidade
en toda a zona de influencia e, tamén, a un descenso paulatino pero
3

5.
inexorable do número de habitantes, o que se materializa nun menor
número de nenos. A lingua de expresión de practicamente todos os
alumnos e de case todos os profesores é o ​galego​, que é o que usan tamén
na contorna familiar e social. Alén disto, contamos con unha pequena
minoría na comunidade educativa que utiliza o árabe como lingua vehicular
no ámbito familiar.
No noso centro ​apostamos polas linguas​, as maternas e as
estranxeiras. Somos un centro que imparte a materia de Educación Plástica
en inglés, e temos como materia de libre configuración no 6º nivel da EP,
francés. Somos un centro que segue ​diferentes liñas pedagóxicas​: como
son o fomento da convivencia e do feminismo, sempre tendo a nosa
biblioteca como eixe vertebrador e dinamizador; o uso da radio escolar
como ferramenta pedagóxica, a radio “Vixoteira”; a participación en
programas respetuosos co noso medio e unha gran promoción do galego e
do noso patrimonio cultural.
No ​CEIP de Bormoio-Agualada ​somos unha pequena gran familia, na
que todas as mestras e mestres traballamos de maneira cooperativa e
transversal, involucrando a todos os niveis de alumnado. O nivel do
mestrado en competencia de linguas estranxeiras é medio-baixo, mais
somos un centro curioso, con inquietudes, cun gran nivel de motivación e
crecente interese por mellorar a nosa formación, como se demostra na nosa
partición no plan de formación permanente do profesorado en vigor.
Este centro xa participou na rede de centros colaboradores do
programa ​Comenius ​no pasado, mais este ano comezamos a realizar
proxectos na plataforma ​etwinning ​e gustaríanos crear máis pontes e
establecer máis lazos que nos abran as portas á un dos programas de
mobilidade educativa máis grandes que existe:​ o Erasmus +.
4

6. Obxectivos
1. Mellorar a competencia comunicativa en linguas estranxeiras.
✓ Participación en cursos de inmersión lingüística
✓ Promover a diversidade lingüística como riqueza cultural
✓ Mellorar e ampliar o programa de seccións bilingües.
2. Innovación, actualización e formación permanente do profesorado.
✓ Facilitar a formación continua do mestrado mediante a
realización de cursos nas diferentes competencias do currículo.
✓ Impulsar a elaboración de proxectos innovadores e de calidad.
✓ Creación de material CLIL.
3. Combater o fracaso escolar.
✓ Mellorar a atención individualizada e polo tanto á diversidade
para unha maior integración e convivencia.
✓ Adquirir novas competencias dirixidas á resolución de
problemas na aprendizaxe e á resolución pacífica de conflictos.
✓ Coñecer outras metodoloxías inclusivas e integradoras.
✓ Formación na prevención do fracaso escolar.
✓ Integrar métodos innovadores e sistemas alternativos no
centro..
4. Internacionalización e modernización da escola.
✓ Dar a coñecer o noso centro ao exterior.
✓ Maior difusión das actividades do centro por medio das TICs.
✓ Abrir portas a novas colaboracións e establecer lazos con outras
institucións.
✓ Facilitar a mobilidade do persoal do centro, así como a do propio
alumnado.
✓ Mellorar a conciliación familiar de toda a comunidade.
5

7.
✓ Cooperar con centros asociados no intercambio de
coñecemento e experiencias educativas.
✓ Visionado de outros sistemas educativos públicos para mellorar
a nosa proposta curricular.
5. Elevar o grado de motivación de toda a comunidade escolar.
✓ Combater a gran inestabilidade docente no centro.
✓ Elevar o interese por aprender do alumnado.
✓ Combater o fracaso escolar.
✓ Aumentar a participación das familias nas actividades de centro.
✓ Traballar e aprender nun ambiente amable e positivo.
Implementación
Para poder chegar a cumprir estes obxectivos, o centro
comprométese a seguir unha liña de traballo que afecte directamente á súa
consecución, como son:
● Solicitude dun proxecto Erasmus+ KA1 no presente curso escolar.
● Solicitude a medio-largo prazo, unha vez consolidados na formación
do mestrado nos proxectos ​Erasmus+ KA1 e avaliados os resultados,
dun proxecto ​Erasmus+ KA229​, que englobe o intercambio con outros
centros asociados e a propia mobilidade do alumnado.
● Explorar a idea de transformación do noso centro nun centro
plurilingüe.
6

8.
● Mantemento e potenciación da plataforma educativa e-twinning para
a realización de traballos cooperativos e por proxectos con outros
centros europeos, non só nas materias de lingua estranxeira, senón
tamén no resto.
● Creación de redes de profesorado encaminadas á colaboración e á
aprendizaxe permanente.
● Celebración do día de Europa o 9 de maio, potenciando aspectos
socioculturais que repercutan positivamente na nosa contorna.
● Promoción, colaboración e organización de diferentes actividades con
todos os estamento da comunidade educativa, así como fomentar a
relación do centro con empresas e organismos públicos locales
(concello) e rexionais (CFR, inspección educativa, consellería).
Resultados Esperados
Desde o centro, esperamos que coa implantación deste plan,
poidamos facilitar unha formación de calidade á nosa comunidade e obter
grandes beneficios en todos os niveis, tanto no plano organizativo como no
didáctico, que nos axuden a impulsar unha renovación metodolóxica, máis
xusta, feminista e inclusiva para toda a comunidade, contribuíndo así a ser
exemplo e espello para a nosa sociedade.
7

9. Para o centro:
● Mellora da calidade educativa a nivel xeral.
● Modernizar a propia xestión do centro.
● Establecer lazos con outras entidades internacionais.
● Mellora da imaxe e do prestixio do centro.
● Difusión do impacto positivo dos programas Europeos na
contorna.
● Aumento da matrícula e das altas de novo alumnado.
● Maior estabilidade do mestrado fixo no centro.
● Maior participación das familias nas actividades de centro.
● Mellora da conciliación familiar de toda a comunidade.
Para o mestrado:
● Aumento da competencia comunicativa en lingua estranxeira.
● Facilitar o acceso a novas correntes metodolóxicas innovadoras
e alternativas.
● Elevar o nivel de motivación.
● Mellorar a competencia dixital e o desenvolvemento e
aplicación de recursos TICs.
● Coñecemento e difusión de etwinning para posibles
intercambios de información.
● Coñecemento de novas culturas, sistemas educativos e
experiencias docentes.
8

10. Para o alumnado:
● Mellorar a competencia comunicativa en lingua estranxeira.
● Despertar interese por coñecer outras culturas.
● Valorar a lingua propia e a estranxeira como unha gran riqueza
cultural.
● Facilitar as posibilidades de mobilidade.
● Valorar e aceptar a diversidade: todos somos únicos e á vez
diferentes; todos sumamos, todos aportamos.
● Mellorar a súa motivación, e polo tanto mellorar o proceso de
ensino-aprendizaxe.
● Valorar e coñecer a diversidade cultural de Europa.
Difusión
✓ Inclusión como punto de orde do día nos órganos colexiados, con
seguimento explícito na reunión semanal de mestres.
✓ Creación dun espazo público para a exposición e visualización de
traballos, información e material fotográfico relacionado co proxecto.
✓ Creación dun espazo na páxina web do centro con información das
actividades.
✓ Creación dun equipo de coordinación de programas europeos.
✓ Publicación de notas de prensa, se procede​.
9

11. Avaliación e actualización
Despois de cada curso formativo no exterior, as persoas que asistan a
esta formación farán unha pequena presentación a modo de difusión co
aprendido no claustro, sexa curso formativo, conferencia ou observación
directa nun centro asociado. Para avanzar no desenvolvemento de unha
visión innovadora dos procesos de aprendizaxe, o centro avaliará o proxecto
na Memorial Anual para que os obxectivos, que aínda que deben
contemplarse a medio e largo prazo, sexan contextualizados e actualizados
nos órganos colexiados do centro. Desta forma, estes cambios serán
integrados no Proxecto Educativo de Centro (PEC).
10