3. ANO ANG KOMUNIKASYON?
Proseso ng pagpapabatid ng mensahe mula
sa tagapaghatid tungo sa tagapagtanggap
nito. Nanggaling ito sa salitang Latin na
“communis” na ang kahulugan sa Ingles ay
“ordinary” at “karaniwan” naman kapag
isinalin sa Filipino.
7. KOMUNIKASYONG DI-BERBAL
Kinasasangkutan naman ng mga kilos o
galaw ng katawan ang uri ng
komunikasyong ito. Karaniwang
binibigyan ng interpretasyon ang mga
senyas upang maisakatuparan ang proseso
ng komunikasyon.
9. 1. INTRAPERSONAL NA KOMUNIKASYON
Hindi kabaliwan ang pakikipag-ugnayan
ng tao sa kanyang sarili. Ito ay isang uri
ng pagmumuni-muni upang makabuo ng
nararapat na desisyon o tinatawag itong
self meditation na komunikasyon.
10. 2. INTERPERSONAL NA KOMUNIKASYON
Ugnayang komunikasyon ng isang tao sa
iba pang tao. Mayroon ditong nagaganap
na tugon o feedback. Karaniwang
nagaganap ito sa araw-araw na
pakikisalamuha natin sa iba’t ibang uri
ng tao.
11. 3. KOMUNIKASYONG PAMPUBLIKO
Ugnayan o komunikasyon sa pagitan ng isang
tao at dalawa o higit pang katao. Linyar ang
komunikasyon nito dahil natatapos ang
komunikasyon kapag naipararating na ng
tagpagpadala ng mensahe ang kaanyang
mensahe sa kanyang mga tagapakinig.
Karaniwan itong ginagamit sa mga meeting de
avance, seminar o palihan.
12. 4. KOMUNIKASYONG PANGMADLA
Maihahalintulad ito sa komunikasyong
pampubliko sapagkat parehong linyar ang
namamagitan sa dalawa. Nagkaiba lamang ang
mga ito sa kasangkapang gamit sa pagpapadala
ng mensahe. Direktang nakikipag-usap ang
komunikasyong pampubliko nsamantalang
gumagamit pa ng kagamitang
pangkomunikasyon sa komunikasyong
pangmadla.
16. 1. Ang tagapaghatid ng mensahe o sender.
Nagsisimula ang proseso ng komunikasyon sa tagapaghatid
(sender) na tinatawag na communicator o source. Pinag-
iisipan niyang mabuti kung paano bang ang impormasyon
ay maipararating nang maayos sa tagatanggap o receiver.
Maihahalintulad sa tagapaghatid ng mensahe (sender) ang
isang manlalaro na siyang nagdadala ng bola para sa
koponan.
17. 2. Ang tagatanggap ng mensahe.
Tinatawag ding interpreter ng mensahe ang taong
tumatanggap ng mensahe sa buong proseso ng
komunikasyon. Dapat nilang talasan ang kanilang tainga,
mata at pakiramdam sa court upang makapag-isip ng
tamang diskarte na makatutulong upang hindi maputol
agad ang komunikasyon na kailangan ng kanilang koponan.
Kailangan din niyag tanggalin ang lahat ng balakid sa
kanyang dinaraanan upang matanggap nang maayos ang
mensahe para sa tagumpay ng kanilang pangkat.
18. 3. Ang mensahe.
Tumutukoy ito sa impormasyon na nais maiparating ng
tagapaghatid (sender) sa tagatanggap (receiver). Ang bawat
kilos at galaw ng mga manlalaro sa loob ng court ay may
kaakibat na mensahe na kailangang suriin upang matamo
ang inaasahang layunin nito. Ang pag-dribble ng bola tungo
sa direksyon ng ring ay mensahe na ang manlalaro ay
nakahandang pumuntos sa pamamagitan ng pag-shoot ng
bola.
19. 4. Daluyan (Channel ng Komunikasyon).
Tumutukoy sa paraan kung paanong ang mensahe ay
matagumpay na naihatid, natanggap o naunawaan.
Sa larong basketbol, walang ibang pinakamahusay na
daluyan kundi ang gumamit ng di-berbal na komunikasyon.
Ang bawat mensahe ay pinadaraan sa kilos at galaw na
makabuluhan.
20. 5. Tugon (Feedback)
Pinakapinal na punto upang masabi na ang mensahe
ay matagumpay na naihatid, natanggap o
naunawaan. Ang pagtugon ay maaaring maging
positibo at maaari rin namang maging negatibo dahil
sa dami ng balakid na nakapaloob sa bawat
sitwasyon.
21. 6. Ingay (Noise/Barrier)
Hindi lamang ito tumutukoy sa naririnig ng tainga kundi
anumang nakaaapekto sa buong Sistema o proseso ng
komunikasyon. Maaari itong makita sa dalawang anyo;
ang internal na ingay ay tumutukoy sa anumang balakid
ng komunikasyon na makikita sa loob mismo ng sender at
receiver ng komunikasyon.
Ang eksternal na ingay naman ay tumutukoy sa mga
ingay na nanggagaling sa kapaligiran ng taong
naghahatid ng mensahe.
22. KONTEKSTO (CONTEXT)
Ang may-akda ay naniniwala na ang pisikal, sosyal,
kultural, sikolohikal at historikal ay mga konteksto
ng komunikasyon na maituturing din na ingay na
nakaaapekto sa buong proseso ng komunikasyon.
23. 1. Pisikal
Ang oras at lugar na pinagdarausan ng isang
pangyayari ay mahalagang konteksto ng
komunikasyon. Maaari itong kasangkot sa
aktwal na lugar, oras, ilaw, antas ng ingay at
mga kaugnay na salik.
24. 2. Sosyal
Tumutukoy sa mga personal na ugnayan ng
mga kalahok sa komunikasyon. Dapat
maunawaan ng isang manlalaro kung sino
ang kaniyang kakampi sa loob ng court at
kung sino ang kalaban.
25. 3. Kultural
Isa ito sa pinakamahalagang salik na
nakaaapekto sa buong proseso ng
komunikasyon. Tumutukoy din ito sa
prinsipyo at paniniwala ng isang pangkat.
26. 4. Sikolohikal
Ito ang mood at ang emosyon ng mga kasangkot sa
buong proseso ng komunikasyon. Sapagkat ang
basketbol ay isang uri ng pisikal na laro, madalas ang
mga pagkakataon na nagkakaroon ng pagkakainitan
ang mga manlalaro sa loob ng court. Ang pag-asam
na maipanalo ang kampiyonato ng isang koponan ay
sikolohikal na konteksto na batayan ng
pagsusumikap ng bawat kasapi sa pangkat gawin ang
kanilang makakaya upang makamtan ang inaasam na
ito.
27. 5. Historikal
Ito naman ang mga inaasahan ng bawat
kasali sa proseso ng komunikasyon batay
sa kaganapang nangyari sa nakaraan.
29. Aktibidad ng utak mula sa mga gawaing
kinasangkutan ng pag-iisip habang ginagamit sa
kapaligiraan ng isang indibidwal. Idinagdag din ni
Bolls na ang pagpo-proseso ng impormasyon ay
isang mahalagang dulog ng pananaliksik na bahagi
ng kognitibong rebolusyon sa sikolohiya na
nagbunga ng pagbabago ng paradigma kung paano
sinubukan ng mananaliksik sa larangan ng sikolohiya
sang pag-unawa ng isip ng tao.
31. 1. Primaryang Datos
Mga datos na hinalaw o nagmula sa mga dokumentong
isinulat sa panahon na isinasagawa ang aktwal na
pananaliksik. Nanggaling ang mga ito sa mga orihinal
na dokumento kung saan ang pananaliksik ay nakabatay.
Halimbawa:
talumpati, pangunahing balita, sarbey, record ng korte,
panayam, diaries at birth certificate
32. 2. Sekondaryang Datos
Nanggaling sa mga dokumentong isinulat matapos ang
isang kaganapan. Tinutukoy din nito ang mga
impormasyong nakalap batay sa interpretasyon ng may
akda o manunulat sa mga kaganapang nangyaari na
maaaring kinasasangkutan ng obserbasyon at may
kinikilingan at subhektibong komentaryo na
sinusubukang ipaliwanag ang isang pangyayari.
33. 3. Tersyaryang Datos
Tumutukoy sa mga datos na hinalaw sa mga
dokumentong naglalarawan sa mga primarya at
sekondaryang sanggunian.
Halimbawa:
index, abstrak at databases
