2. Ano ang Pang- abay?
Ang pang-abay o adverb sa wikang Ingles ay
mga salita na naglalarawan sa pang-uri,
pandiwa at kapwa pang-abay. Ito ay kabilang
din sa mga Bahagi ng Pananalita o Parts of
Speech.
3. Uri ng Pang-abay
1. Pamanahon
2. Panlunan
3. Pamaraan
4. Pang-agam
5. Panang-ayon
6. Pananggi
7. Panggaano o Pampanukat
8. Pamitagan
9. Panulad
4. 1. Pang-abay na Pamanahon
● Ang pang-abay na pamanahon ay nagsasaad kung kailan
naganap o magaganap ang kilos na taglay ng isang
pandiwa sa pangungusap.
● Mayroon itong tatlong (3) uri
○ may pananda
○ walang pananda
○ nagsasaad ng dalas.
5. May Pananda
❏ nang, sa, noon, kung, kapag, tuwing, buhat, mula, umpisa,
hanggang
Halimbawa:
● Magbabasa tayo ng aklat tuwing makalawa.
● Maglalaba tayo kapag sumikat ang araw.
● Umpisa bukas ay dito ka na manunuluyan.
6. Walang Pananda
❏ kahapon, kanina, ngayon, mamaya, bukas, sandali
Halimbawa:
● Sumayaw kami kahapon sa palatuntunan.
● Manonood kami bukas ng pambansang pagtatanghal ng
dulang Pilipino.
● Pupunta ako mamaya sa palengke.
7. Nagsasaad ng dalas
Halimbawa: araw-araw, tuwing, taun-taon
● Kailangan mong maligo araw-araw.
● Nagbabakasyon kami sa Hongkong taun-taon.
● Nag-eehersiyo siya tuwing umaga upang mapanatili
kanyang kalusugan.
8. 2. Pang-abay na Panlunan
● Nagsasaad ng lugar kung saan naganap ang pangyayari.
● Tumutukoy din ito sa pook na pinangyarihan, o pangyayarihan ng kilos sa
pandiwa.
● Ginagamit ang panandang: sa, kina, kay
Sa – ginagamit kapag ang kasunod ay pangngalang pambalana o
Panghalip.
Kay /kina – ginagamit kapag ang kasunod ay pangngalang pantanging
ngalan ng tao.
9. Halimbawa
● Pumunta sa bayan ang mag-asawa.
● Maraming masasarap na ulam ang itinitinda sa kantina.
● Nagpaluto ako kay aling Ingga ng masarap ng keyk para
sa iyong kaarawan.
● Bumili ako ng sapatos kay Nora.
● Kay Badet bagay ang sapatos.
10. 3. Pang-abay na Pamaraan
● Naglalarawan kung paano naganap, nagaganap, o magaganap ang kilos na
ipinahahayag ng pandiwa.
● Ginagamit ang panandang nang, na at -ng.
Halimbawa:
❖ Sinuntok ko siya nang malakas.
❖ Binigyan niya ako nang matinding sampal sa mukha.
❖ Bakit siya umalis na umiiyak?
❖ Tumawa siyang parang sira ang isip.
11. 4. Pang-abay na Pang-agam
● Nagbabadya ng di-katiyakan sa pagganap sa kilos ng pandiwa.
● Ilan sa mga halimbawa nito ang mga salitang marahil, siguro, tila, baka, wari,
parang, at iba pa.
Halimbawa:
❖ Siguro ay nakaalis na sila.
❖ Tila may ilalakas pa ang ulan.
❖ Wari ko’y nasa kanto na ang mga iyon.
❖ Baka naman hinihintay pa nila tayo.
12. 5. Pang-abay na Panang-ayon
● Nagsasaad ng pagsang-ayon ng nagsasalita sa pangungusap.
● Ilan sa mga halimbawa nito ang mga salitang oo, opo, tunay, sadya, talaga,
syempre at marami pang iba.
Halimbawa:
❖ Tunay ngang napakabuti ng ating Diyos.
❖ Talagang mabuting bata iyang si Nonong.
❖ Oo,asahan mo ang aking tulong.
❖ Sadya namang mahusay ang kapatid niya dahil may pinagmanahan.
13. 6. Pang-abay na Pananggi
● Nagsasaad ng pagtanggi, pagsalungat o pagtutol.
● Ilan sa mga halimbawa nito ang mga salitang hindi, di at ayaw.
Halimbawa:
● Hindi ako makakapayag sa nais mo.
● Ayaw kong makita kang pagala-gala sa oras ng gabi.
● Hindi siya ang ibig ko para sa iyo.
14. Pang-abay na Panggaano o Pampanukat
● Nagsasaad ng timbang, bigat, o sukat ng pinag-uusapan sa pangungusap.
● Sumasagot ito sa tanong na gaano o magkano ang halaga.
Halimbawa:
❖ Tumakbo ako ng limang kilometro kanina.
❖ Marami akong kinaing gulay.
❖ Siyam na pusa ang alaga ni Badet.
❖ Sampung talampakan ang lalim ng tubig sa pool.
❖ Tumagal nang isang oras ang operasyon.
15. 8. Pang-abay na Pamitagan
● Ang pang-abay na pamitagan ay nagsasaad ng paggalang.
Halimbawa:
● Maaari po bang makiinom?
● Kailan po kayo uuwi?
● Bakit po maraming tao dito?
● Salamat po sa inyong tulong.
● Mamaya po kami pupunta sa inyo.
16. 9. Pang-abay na Panulad
● Ang pang-abay na panulad ay ginagamit sa pagtutulad ng dalawang mga
bagay sa pangungusap.
Halimbawa:
❖ Higit na magaling umawit si Erik kaysa kay Mark.
❖ Mas maingay ang bapor kaysa sa tren.
❖ Mas mabuting kumain ng masustansiyang pagkain kaysa mga sitsirya.
19. Isulat sa sagutang papel ang pang-abay sa bawat pangungusap. Isulat din
kong anong uri ito ng pang-abay.
Halimbawa: Si Badet ay talagang ganda. Talagang/panang-ayon
1. Si nanay ay nagluto ng masarap almusal kanina .
2. Umiinom ako ng gatas araw-araw.
3. Mabilis kinain ng daga ang maliit na keso na kanyang nakita .
4. Bukas kami mag-uusap ng aking matalik na kaibigan.
5. Kami ay magsisimba sa Maynila.