powerpoint presentation

1. Pagtukoy sa Misyon ng
Pamilya sa Paghubog ng
Sariling Pagkatao

2. Sa simula pa lang ng pagiging magulang ng ating mga ama at ina,
nakapataw na sa kanilang balikat ang misyon na ipinagkaloob ng
Diyos sa kanila. Ito ay ang maging unang guro ng kanilang mga anak.
Malaking hamon ito sapagkat sila ang magiging pundasyon ng
pagpapahalaga at mabuting asal. Gaya ng pundasyon ng isang bahay,
nakasalalay sa kanilang paghubog ang katatagan ng isang bata sa
mga pagkakataong mahaharap siya sa hamon ng negatibong
impluwensiya.
Hindi lingid sa ating kaalaman na sa pag-usbong ng modernong
henerasyon, nagsisilbing matinding hamon sa mga magulang ang
isakatuparan ang kanilang napakahalagang misyon upang maihanda
ang kanilang mga anak sa pakikipagkapwa.

3. Misyong Magbigay ng Edukasyon
Ito ang bukod-tangi, pinakamahalaga, at pinakadakila nilang
gampanin sapagkat ito ang pamanang kailanman ay hindi
mananakaw, makukuha, o mawawala. Ito ay hindi mapapalitan o
mababago. Ang edukasyon ay mahalaga sa bawat isa dahil dito
nakasalalay ang kinabukasan ng bawat tao at kung ano ang
kaniyang kahihinatnan sa mundo. Ito ang orihinal na at
pangunahing karapatan ng isag bata at kakailanganin niyang
sandata upang magkaroon siya ng magandang buhay.

4. Misyong Gumabay sa Mabuting Pagpapasiya
Bahagi ng misyon ng mga magulang ang pag-agapay at
pagsubaybay sa mga anak sa lahat ng pagkakataon, lalo na sa panahon
na sila ay nahaharap sa mga hamon at mga sitwasyong
nangangailangan ng maingat na pagpapasiya. Sa tulong ng mga
magulang, magagabayan ang mga anak upang sila’y maging matalino
sa pagpapasiya at matagumpayan ang bawat hamong haharapin.
Habang maaga, mahalagang maitanim sa puso ng bawat
nagdadalaga at nagbibinata ang mga pagpapahalaga sa buhay na
itinuturo ng kanilang mga magulang upang maging handa sila sa mga
pagkakataong susubok sa kanilang kakayahan sa pagpapasiya na
magiging sandata laban sa maling impluwensiya na mamaring
kakaharapin dulot ng makabagong henerasyon.

5. Misyong Hubugin ang Pananampalataya
Higit sa ano mang bagay, mahalagang maikintal nila sa puso at
isipan ng mga kabataang katulad mo na ang lahat ng mayroon ang bawat
nilalang sa mundo ay nagsimula sa Diyos na Maylikha. Dapat
maunawaan mo na Siya ang pinanggagalingan ng iyong lakas, ng iyong
buhay, at ng bawat biyayang iyong natatamasa. Kung kaya’t lubos na
importante ang paglalaan ng oras bawat araw sa pagdarasal upang
mabigyan ng papuri at pasasalamat ang Diyos na nagsisilbing gabay at
nagbibigay-buhay sa lahat ng pagkakataon lalo na sa panahong mayroong
unos, pighati, suliranin, o kahirapan.
Ang pagsasagawa nito kasama ang mga magulang ay higit na
nagpapatatag hindi lamang sa ugnayan ng panilya kundi pati na rin sa
pananampalataya ng bawat isa.