Mga likha ng mga mag-aaral bilang awput sa pagbuo ng tula

1. MGA OBRA NG MAG-AARAL
Tulang likha ng mga Mag-aaral
JENITA D. GUINOO
Tagapayo

2. Pangungulila at Kapighatian
Ni: Zenevirt S. Tabodlong
Kuliglig, kuliglig, kuliglig,
Sa isang gabing napakalamig
Hanap ko ang magandang tinig
Isang dilag, ‘king iniibig
Ang liwanag ng alitaptap
Di makita, aking hinanap
Pagmamahal ay ba’t di sapat
halos ibinigay na lahat

3. Buti pa ang mga bituin
Magkalapit sa aking tingin
Mula noong ako’y gaguhin
Di matuwa,pilit mang gawin
Sa damdamin, ang sakit-sakit
May tinik, wari nakaipit
Ba’t ko kaya ito sinapit?
Ako nama’y naging mabait.

4. Naisip kong dapat takasan
Bangungot na nararanasan
Tanikala’y malalampasan
Ang buhay kaya ay wakasan?
Nais ko na sanang tumalon
Doon sa malalim na balon
Ngunit sabi sa ‘kin ng balon
Ito’y di angkop na solusyon

5. Sa dinaranas na pighati
Ninanasa ko ang gumanti
Ang kalungkutan kong matindi
Mapaparam, pati sa labi
Pero darating ang panahon
Ang Nakaraan ay ibaon
Masakit man, aking kahapon
Magagawa ko ring itapon.

6. Laging may pag-asa ang lahat
Kung may lulubog, may sisikat
Lahat ay nasa tamang sukat
May iibig sa ‘kin ng tapat

7. “Kabataan”
Ni: John Patrick Cabia-an
Ang mga kabataan ang pag-asa ng ating bayan
Iyan at iyan nga an gating pinaniniwalaan,
Dito sa ating tanging mundo na ginagalawan
Mga kabataan ang may hawak ng kinabukasan
At ngayon sa ating higit na makabagong panahon
Kabataa’y nagbabago rin ng kanilang direksyon
Ang iba ay nasa kailaliman ng kalupaan
Ang iba naman ay nasa ibabaw ng kalawakan

8. Mga kabataan ngayon ay di na mapipigilan
Sa taglay nilang hindi matatawarang kakayahan
Ang karamihan ay nagtataglay ng katalinuhan
Na nagdadala ng karangalan sa ‘ting inang bayan
Katuwang ang pamilya upang makamit ang tagumpay
At mga kaibigang lagi nating makakaramay
Ang iba ay nasa maling direksyon ang tinatahak
Dahil nga maling desisyon ang kanilang binalak

9. Hindi sila natatakot at handa na sumagupa
Sa bawat hamon ng buhay ay nalalampasan nila
Ang mga kabataa’y may kakayahang pambihira
Sa kahit na anong larangan ay naging tanyag sila
Sa larangan ng debate at maging sa balagtasan
Hinding-hindi kaagad susukuan o aatrasan
Sa larangan ng isports, sila ay popular din naman
Sa Matematika man o syensya pa’y di uurungan

10. Daig pa nila ang mga beterano’t propesyunal
Sa pagiging isang lider ay daig pa ang heneral
Dahil sa kanilang di matatawarang kahusayan
Halos lahat ng problema’y kanilang nasulusyunan
Kaya’t ating pangalagaan at pakahalagahan
Dito sa ating mundo ang lahat ng mga kabataan
Sapagkat nandyan sa kanilang sariling mga kamay
Ang pag-asa ng ating bayan at an gating tagumpay.

11. Tula ng Mag-aaral
Ni: Demetrio M. Calapre Jr.
Oh sa aking kagalang-galang na mga guro
Maraming maraming salamat, taos sa puso
Lahat po ng ibinahagi ay ititimo
Nasa isipan Lahat ang inyong itinuro
Pasensya na sa masasamang asal
Talagang ganito ang mag-aaral
Huwag kayong mag-aalala’t ako’y magdadasal
Nawa’y lahat ay gaya niyo, isang marangal

12. Kayong mga guro , talagang dapat galangin
Dahil kayo po ay mahal na mahal sa akin
nakasubaybay at gumagabay pa sa amin
nang maabot sa buhay ang anumang hangarin
Kayong lahat ay dapat naming pahalagahan
Para sa akin, kayo ay bayani ng bayan
Dahil kayo nga ang nagbibigay kabatiran
Sa mga kabataan na pag-asa ng bayan
Wakas